اردني عايش في امريكا وعاطل عن العمل من فترة طويلة ، فقرر إنه يفتح عيادة !!!
وعشان يجيب زباين حط أعلان مميز وكتب عليها :
" كشفك وعلاجك ب50 دولار ، ولو ما قدرت أعالجك بتاخذ 100 دولار " !!!
دكتور امريكي شاف الإعلان وقال بمر وبعمل حالي مريض وأكيد ما رح يعرف يعالجني وباخذ 100 دولار ... المهم راح عليه ...
الدكتور : السلام عليكم
الأردني : وعليكم السلام تفضل ياخوي... من شو بتشكي ؟!
الدكتور : والله إلي فترة مش قادر أستطعم الأكل مش عارف أميز طعم الأكل ...
الأردني : يا سهييييير (الممرضة) هاتي علاج رقم 22 وحطي للمريض 3 نقط في ثمه.
الدكتور : الله يقرفك هاد بنزين!!!
الأردني : مبروك رجعت تستطعم وتميز الأطعمة كويس أدفع 50 دولار ...
طلع الدكتور متضايق وبفكر وقرر يرجع بعد يومين عشان يعوض الخسارة ...
بعد يومين .....
الدكتور : السلام عليكم
الأردني : وعليكم السلام تفضل يا كبير ... من شو بتشكي ؟!
الدكتور : بشكي من فقدان الذاكرة مش متذكر أي شي ...
الأردني : يا سهييييير (الممرضة) هاتي علاج رقم 22 وحطيله في ثمه 3 نقط .
الدكتور : بس العلاج 22 هاد بنزين!!!
الأردني : مبروك رجعت الذاكرة هات 50 دولار ...
الدكتور : طلع متضايق ومحروقة أعصابه قرر يرجع عشان يعوض خسارته بعد يومين .
بعد يومين .....
الدكتور : مساء الخير ...
الأردني : مساء الورد نورت تفضل من شو بتشكي ؟!
الدكتور : نظري ضعف وما بشوف منيح ...
الأردني : (بعد تنهيده طويلة) للأسف علاجك مش عندي ... تفضل وهي 100 دولار ...
الدكتور أنبسط وبعد ما عد المصاري قال بس هدول 50 دولار بس !!!
الأردني : مبروك رجع نظرك وصرت تشوف لو سمحت هات الـ 100 و سدد 50 دولار ...
ومن ساعتها الدكتور قاعد بدور على طريقة يوخذ فيها جنسية أردنية وجواز أردني ويفتح عيادة ...
العبرة: مرة ثانية لا تتحدى الأردني بشغلة المصاري ... شعب بصرف على الحكومة بدك حدا يضحك عليه !
😂😂😂😂
( تقرير عن مشاركة سيئة )، و الموجودة أسفل كل مشاركة .
2018-01-21, 19:40
دكتور شاطر 😋
العرض العادي
