قسم الحلويات - يويو زُخْرُفَةٌ : الطرقة بالتفصيل ............. اقل تكلفة و اقل جهد - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الحلويات

قسم الحلويات قسم مخصص للحلويات و المواضيع فيه حصرية للمنتدى

 

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

إضافة رد
 
أدوات الموضوع انواع عرض الموضوع
قديم 2017-11-20, 15:14   رقم المشاركة : 1
معلومات العضو
zokhrofa
عضو مميّز
 
الصورة الرمزية zokhrofa
 

 

 
إحصائية العضو










vb_icon_m (3) يويو زُخْرُفَةٌ : الطرقة بالتفصيل ............. اقل تكلفة و اقل جهد

السلام عليكم

بدون الاطالة اليوم اوّل مرة في حياتي ندير اليويو و الحمد لله خرجلي يقرمش و بنييييييييييييييين

الطريقة :

على حسب الكمية المراد تحضيرها تقدري تلعبي بالمقادير كيما تحبي لكن انا انصح تجربي هذه الكمية راح تجيك بزاف ما تكبريش كرشك و تحصلي ههههه خاطش بهذه الكمية خرجتلي قريب 30 حبة يويو

في اناء حطي :

نص كاس سكر

نص كاس حليب

نص كاس زيت

حبة بيض

ملعقة قهوة خل

قشور الليمون او البرتقال او لافاني

خلطي الكل مليح حتى يتجانسو

من بعد


ضيفي 2 ملاعق كبار فرينة و فوقهم نص كيس خميرة الحلوة و فوقهم 1 ملعقة فرينة و بداي تخلطي

انا جاتني قريب 10 ملاعق فرينة تاع اكل

انتي ضيفي بالزوج ملاعق و خلطي

النتيجة لازم تكون طرية بزاف لكن في نفس الوقت تقدري تحكميها في يدك و تشكليها

لكن كان تزيدي اكثر من اللازم راح تجيك معجنة

اذا انتي ديري 8 ملاعق فرينة و جربي تديري حربوش و تشكليه مسياسة اذا جاك اوكي اذا ما جاكش زيدي ملعقة وحدة و هكذا باش ما تتسرعيش تضيفي اكثر من اللازم

ديري مقلة الزيت تسخن بحيث حبة اليويو تغطس نص فقط و ليس كامل

الزيت لازم تكون سخونة لكن الطياب لازم يكون على نار هااااااااااااادئة و الا يطيب من الخارج و يبقى معجن من الداخل

انا كنت نطيب بال 3 حبات لكي اتحكم بدرجة حرارة الزيت

خاطش كان تحطي بزاف راح تبرد الزيت و تشرب حبة اليويو بزاف الزيت

كي تشوفي الزيت نقصت بزاف من الاحسن ما تزيديش كمية اخرى تقدري تميلي فقط المقلة و تشديها

طريقة القلي :

شكلي مسياسة رقيقة بحجم 1 سم عرض و 15سم طول و اجمعي الطرفين باش تولي مسياسة

حطي الحبة في الزيت و مباشرة ابداي ترمي فوقها الزيت بمساعدة ملعقة اكل كبيرة

كي تشوفيها تشقّت من الفوق و تنفخت مليح خلاص خليها طيب من التحت حتى تحمار و من بعد اقلبيها تحمار من الفوق

--------

وجدي طبسي فيه ورق مصاص الزيت و طبسي فيه سكر عادي



غير طيب الحبة حطيها لمدة 30 ثانية يشرب منها الورق الزيت و بعدها مباشرة و بلطف رمديها في السكر و حذاري يتفتتلك في يدّك بلطف شديد تعاملي مع الحبة كي ترمديها في السكر



----------

هذه هي طريقتي في تحضير اليويو

ملاحظة : الصور ماشي ديالي لكن نفس النتيجة بكل أمانة






 

رد مع اقتباس
مساحة إعلانية

قديم 2017-11-20, 15:31   رقم المشاركة : 2
معلومات العضو
amira19
عضو متألق
 
الصورة الرمزية amira19
 

 

 
إحصائية العضو










افتراضي

مممممم يشهي لقهوة العشية ههههه نروح نطبقو و نردلك لخبر عجبني كي ساهل و ما يديش مكونات
على فكرة انا يويو حطيتها لعبة اليويو ههههه دخلت لقيتها مممممم







رد مع اقتباس
قديم 2017-11-20, 15:42   رقم المشاركة : 3
معلومات العضو
zokhrofa
عضو مميّز
 
الصورة الرمزية zokhrofa
 

 

 
إحصائية العضو










افتراضي

هههههههههههههههههههههههه يعطيك الربح اميرة واش جاب اللعبة في الماكلة

انا تان طيبتو اليوم للقهوة اوكي ديريلي صور باش نحطها هي في الموضوع ههههههه خير من صور غوغل







رد مع اقتباس
قديم 2017-11-21, 09:46   رقم المشاركة : 4
معلومات العضو
محتاجة لعفو الله
عضو فعّال
 
الصورة الرمزية محتاجة لعفو الله
 

 

 
إحصائية العضو










افتراضي

يعطيك الصحة زخرفة ربي يجازيك خير فعلا وصفة اليويو سهلة و اقتصادية و زاكية تقطع بزاف ما شاء الله
انا من بكري نديرهم معتمدة وصفة أمي نفس المقادير فقط حنا نستعملو 2 حبات بيض و 2 خمارة الحلوة و باقي المكونات عيني هي ميزاني و الخل ما نديروهش نعطيك عفسة تسهل عليك الخدمة ابسطي العجينة ديالك بالحلال و قطعي بالطابع دوائر على شكل اليويو او استعملي كاس و بوشون صغير تاع قرعة كملي كل الكمية ممبعد اقليها يخرج شكلها روووووعة تنتفخ ما شاء الله و تجي هشة ممممممم مثل الصورة تماما







رد مع اقتباس
قديم 2017-11-21, 11:30   رقم المشاركة : 5
معلومات العضو
zokhrofa
عضو مميّز
 
الصورة الرمزية zokhrofa
 

 

 
إحصائية العضو










افتراضي

نعم نعم اختي ههههههههههههه نعرف هذه الطريقة لكن كنت عجزانة نخدم بالحلال ههههههههههههه البرد قتلني درتو و رحت نتغطى نجري







رد مع اقتباس
قديم 2017-11-21, 15:45   رقم المشاركة : 6
معلومات العضو
محتاجة لعفو الله
عضو فعّال
 
الصورة الرمزية محتاجة لعفو الله
 

 

 
إحصائية العضو










افتراضي

ههههههههههههه شتي البرد واش يدير فينا يرجعنا مفنينين من الكوفيرطة ما نخرجوش







رد مع اقتباس
قديم 2017-11-21, 18:30   رقم المشاركة : 7
معلومات العضو
fadila34
عضو محترف
 
الصورة الرمزية fadila34
 

 

 
إحصائية العضو










افتراضي

ماشاء الله زخرفة ساهل ماهل واقتصادي ربي يخلي ايامك كلها ساهلة ماهلة وحلوة كاحلوة اليويو يعطيك الصحة







رد مع اقتباس
قديم 2017-11-21, 22:10   رقم المشاركة : 8
معلومات العضو
zokhrofa
عضو مميّز
 
الصورة الرمزية zokhrofa
 

 

 
إحصائية العضو










افتراضي

نعم محتاجة عفو الله هههههههههههههه انا وليت كان نصيب الماعن ما نغسلهمش

اختي فضيلة ربي يعيشك اختي على كلامك الحلو والله يرجع النفس







رد مع اقتباس
قديم 2017-11-22, 10:16   رقم المشاركة : 9
معلومات العضو
البحر الصافي
عضو محترف
 
الصورة الرمزية البحر الصافي
 

 

 
إحصائية العضو










افتراضي

يعطيك الصحة زخرفة اليويو باين هايل ليك وحشة اضربي طلة للكوزينة راني ساعات ندخل كي نلقى وقت







رد مع اقتباس
قديم 2017-11-22, 11:43   رقم المشاركة : 10
معلومات العضو
nihal159
عضو مميّز
 
الصورة الرمزية nihal159
 

 

 
إحصائية العضو










افتراضي

يعطيك الصحة زخرفة؛ شكون مايحبش اليويو هههههههههه.
مافيهش خميرة الخبز؟؟؟؟؟؟؟؟؟ لأني نشوف فيه منفّخ الله الله لكن مادكرتيش خميرة الخبز فالمقادير







رد مع اقتباس
قديم 2017-11-22, 19:54   رقم المشاركة : 11
معلومات العضو
salamon kalou
عضو فعّال
 
إحصائية العضو










افتراضي

جازاك الله كل خير







رد مع اقتباس
قديم 2017-11-27, 11:44   رقم المشاركة : 12
معلومات العضو
zokhrofa
عضو مميّز
 
الصورة الرمزية zokhrofa
 

 

 
إحصائية العضو










افتراضي

اهلييييييييييييين بحورة و الله انا تان توحشتك نتمنى تكوني بخير و على خير مشكلتي الانترنت كي ندخل للكوزينة ما يطلعوليش الصور نقنط نخرج هههههههه ما وليتش كامل ندخل ليها

اختي نهال لا ما فيهاش خميرة الخبز سر التنفاخ هذاك هو انك غير تحكي الحبة ترمي عليها الزيت بالمغرف من الفوق باش تتنفخ لو ما درتيش هكذاك ما تتنفخش من الفوق

اختي كالو ربي يجازيك الخير انتي ايضا







رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 21:49

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2017 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright © 2016 vBulletin Solutions, Inc