استفسار

[الامل الجديد]

السلام عليكم و رحمة الله
لدي اتمنى ان اجد ردكم عليه
هل من يلقي مذكرة تخرجه في سبتمبر يعتبر دخل المرحلة الاستدراكية
يعني كل المقاييس طلعها صايي و بقات له غير مذكرة التخرج القاها في سبتمبر
هل العام حصل عليه يالاستدراك ام لا

[سطايفية بكل فخر]

واش من نظام تقراي

[الامل الجديد]

قريت نظام كلاسيك

[سطايفية بكل فخر]

في النظام لكلاسيكي وعلى حساب علمي واش راهو يخدم معهدنا
الطالب مخير انو يقدم المدكرة في جوان او يخليها لسبتمبر وميعتبرش دخل راتراباج
اصلا فالكلاسيكي ميهمش الراتراباج مش كيما ل م د

[الامل الجديد]

انا قريت كلاسيك و سنواتي كامل طلعتهم في العادي و حتى عامي الخامس امتحاناتي جوزتهم عادي الا المذكرة القيتها في سبتمبر
كي حبيت نشارك في الماستر قالولي كي سوتنيتي في سبتمبر يعني دخلت راتراباج و ما قبلوش اني نكمل ماستر

[سطايفية بكل فخر]

المشاركة الأصلية كتبت بواسطة الامل الجديد

انا قريت كلاسيك و سنواتي كامل طلعتهم في العادي و حتى عامي الخامس امتحاناتي جوزتهم عادي الا المذكرة القيتها في سبتمبر
كي حبيت نشارك في الماستر قالولي كي سوتنيتي في سبتمبر يعني دخلت راتراباج و ما قبلوش اني نكمل ماستر

اه قوليلي من الاول هكا انت حابة تسجلي ماستر ل م د بليسانس كلاسيكي
والله صباح فقط وانا نتناقش مع وحدة مثلك في هدا الموضوع
قالتلي انو لي يسوتني في سبتمبر ميعتبرش دخل راتراباج ويقرا عادي فلكلاسيكي
مي كي يجي يدخل ماستر لبريوريتي يمدوها للي سوتناو في جوان باش تجيو نتوما لي سوتنيتو في سبتمبر
وعدد المقاعد كيما تعرفي ثلال سيبورصا مقبلوكش
نصيحتي جربي في اكثر من جامعة بلاك تصلحلك
ان شاء الله
بالتوفيق

[الامل الجديد]

بارك الله فيك اختي على تجاوبك معي
جزاك الله كل خير

[سطايفية بكل فخر]

امين اجمعين ان شاء الله
+
العفو واجبنا واي سوال اخر تفضلي بيه