رُبْ التمر الجزائري او دبس التمر الشرقي ........ تعرّفو على الفرق مع زُخْرُفَةٌ - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم العصائر و التحليات

قسم العصائر و التحليات الوصفات حصرية لأعضاء منتدى الجلفة

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

رُبْ التمر الجزائري او دبس التمر الشرقي ........ تعرّفو على الفرق مع زُخْرُفَةٌ

إضافة رد
 
أدوات الموضوع انواع عرض الموضوع
قديم 2017-05-03, 17:00   رقم المشاركة : 1
معلومات العضو
zokhrofa
مؤهّلة منتدى هُنّ
 
الصورة الرمزية zokhrofa
 

 

 
إحصائية العضو










B11 رُبْ التمر الجزائري او دبس التمر الشرقي ........ تعرّفو على الفرق مع زُخْرُفَةٌ

السلام خواتاتي لعزاز صحاب الكوزينة الزينة و الطياب البنين

حبيت اليوم نهدرو على وحد الظاهرة لي اسمها دبس التمر



شفت بزاف خواتاتي الزينات في المنتدى يقولولو دبس التمر مع انو هذا الدبس كان موجود منذ القدم في الجزائر و اسمو رُبْ التمر

معليش مافيها والو كي نغلطو لكن اذا عرفنا الحقيقة و بقينا نقولو راح تنقرض الحضارة تاعنا و نولو نبانو حنا ما نعرفو نديرو والو صح ولا لالا ؟

اذا الطريقة :

تحكمي التمر لي ماشي شباب يعني شفتي مرات نشرو تمر و ما يعجبوناش شي حبات

او تشري التمر الرخيس في السوق

خاطش هو الرب ما يندارش بالتمر المعسل

نقيه من العلف و اغسليه و حطيه يغلي حتى تتحصلي على الماء يولي لونو احمر داكن

وحد 2 سا ولا 3 سا فوق النار هادية

تحكمي تصفيه و تخليه يقطر بعقلو

تحكمي هذاك السائل الاحمر الداكن و ديريه في كسرونة و تخليه يزيد يطيب لكن بشرط تكون النار قليلة حتى يعقد خاطش لوكان تزيدي للنار راح يولي كاراميل و تروح بنة التمر

كاين لي يديروه جاري بزاف يوصل لدرجة غليان 105° و كاين لي يديروه عاقد يوصلوه حتى 108° او 110°

ضرك انتي و واش حابة

و هذا طيبيه كي يكون موسم التمر باش نهار يخرج التمر في جانفي فيفري مارس و افريل هاذو كامل ما فيهمش التمر تاكلي الرُبْ

مع الطعام

مع الخبز

ديرو بيه الشربات زيديلو الماء البارد عليه

و حبيت نبه تاني لحاجة هو ماشي دواء هو فقط مادة غذائية مليحة للجسم اذا ردو بالكم يخدعوكم

و الرُبْ تقدري تديريه بأي فاكهة بنفسك الطريقة

مثلا الرمان

التفاح

الايجاص

العنب









 


رد مع اقتباس
قديم 2017-05-03, 17:48   رقم المشاركة : 2
معلومات العضو
أمنية غفران
عضو محترف
 
الصورة الرمزية أمنية غفران
 

 

 
إحصائية العضو










افتراضي

بارك الله فيك زخرفة و مشكورة على الموضوع

انا الرب نحبو بزاف بزاف و حنا في منطقتنا ناكلوه بالمطلوع من بعد ما نخلطوه مع الدهان الحر امممممممممممممم

و شحال بنين خاصة كي يكون ايام البرد و الثلج يا يمى شحال بنين

كانت اختنا الأمنيات دارت طريقة صنعه هاوليك الرابط

https://www.djelfa.info/vb/showthread.php?t=1891842

هو يستعمل بتمر اسمه تـــمــر الـــحــمــيـرة ما يجي يابس بزاف ما يجي طري و ما يجي معسل يجيبوه من منطقة الساورة الي هي ادرار و بشار وتندوف

https://ar.wikipedia.org/wiki/%D8%A7...88%D8%B1%D8%A9

هاوليك صورة تمر الحميرة






ان شاء الله كل أخت تدخل و تقول لينا اسم تمر الي يستعملوه للرب

هاد الرابط لقيت فيه أخ يحكي على الرب شوفو

https://www.djelfa.info/vb/showthread.php?t=1429953

تحياتي










رد مع اقتباس
قديم 2017-05-03, 18:02   رقم المشاركة : 3
معلومات العضو
zokhrofa
مؤهّلة منتدى هُنّ
 
الصورة الرمزية zokhrofa
 

 

 
إحصائية العضو










افتراضي

صحيتي اختي امينة على المعلومات انا ماكنتش نعرفها نتمنى الاخوات يستفادو من هذا الموضوع

لي الهدف تاعو ماشي طريقة التحضير و انما تصحيح مفاهيم خاطئة او تسميات خاطئة لاشياء صنعها الجزائريون منذ القديم

لكن كي ابتعدنا على تقاليدنا و عدنا نشرو كل حاجة بدلولنا التسميات و غلطونة










رد مع اقتباس
قديم 2017-05-03, 18:02   رقم المشاركة : 4
معلومات العضو
امّ اياد
عضو مميّز
 
الصورة الرمزية امّ اياد
 

 

 
إحصائية العضو










افتراضي

يعطيك صحة زخرفة على روب حنا نخدموه بالتمر لي يجي فالبطانة وكي يطيب نحطو فوق كسكاس كتان تاع شاش ونعصرو هداك تمر لي طاب ومبع نرجعو نعقدوه ومرات نديرو خبزات بالفرينه نرقوهم مليح مليح ونرموهم في هداك رب باش يزيدو يعقدوه اكثر ومبعد نحوهم هدوك الخبيزات ناكلوهم ورب نصفوه ونخبوه ويتكل مع مطلوع ودهان الحر










رد مع اقتباس
قديم 2017-05-03, 18:09   رقم المشاركة : 5
معلومات العضو
أمنية غفران
عضو محترف
 
الصورة الرمزية أمنية غفران
 

 

 
إحصائية العضو










افتراضي

اقتباس:
المشاركة الأصلية كتبت بواسطة zokhrofa مشاهدة المشاركة
صحيتي اختي امينة على المعلومات انا ماكنتش نعرفها نتمنى الاخوات يستفادو من هذا الموضوع

لي الهدف تاعو ماشي طريقة التحضير و انما تصحيح مفاهيم خاطئة او تسميات خاطئة لاشياء صنعها الجزائريون منذ القديم

لكن كي ابتعدنا على تقاليدنا و عدنا نشرو كل حاجة بدلولنا التسميات و غلطونة
يا حنونة الرب معروف منذ القدم عندنا في الجزائر احنا غي تقولي الرب مباشرة نعرفو بلي نتاع التمر و ادا كانو اخواننا العرب مسمينه دبس التمر الله يسهل عليهم عندك الحق نسمو الأمور بمسمياتها عندنا و ماكان لاه نتبعو تسميات غيرنا الحمد لله بلادنا معمرة بالتقاليد من جميع النواحي ماشي غي في المأكولات و هادا فخر لينا و لله الحمد و المنة

مشكورة أختي









رد مع اقتباس
قديم 2017-05-03, 19:53   رقم المشاركة : 6
معلومات العضو
zokhrofa
مؤهّلة منتدى هُنّ
 
الصورة الرمزية zokhrofa
 

 

 
إحصائية العضو










افتراضي

اقتباس:
المشاركة الأصلية كتبت بواسطة امّ اياد مشاهدة المشاركة
يعطيك صحة زخرفة على روب

حنا نخدموه بالتمر لي يجي فالبطانة
وكي يطيب نحطو فوق كسكاس كتان تاع شاش ونعصرو هداك تمر لي طاب
ومبعد نرجعو نعقدوه
ومرات نديرو خبزات بالفرينه نرقوهم مليح مليح ونرموهم في هداك رب باش يزيدو يعقدوه اكثر
ومبعد نحوهم هدوك الخبيزات ناكلوهم
ورب نصفوه ونخبوه ويتكل مع مطلوع ودهان الحر
ها يعطيك الصحة على الطريقة انا شخصيا نحب هذه الاشياء خاصة انو يجي حلو لكن بدون سكر تخيلي مممممممم









رد مع اقتباس
قديم 2017-05-03, 19:55   رقم المشاركة : 7
معلومات العضو
zokhrofa
مؤهّلة منتدى هُنّ
 
الصورة الرمزية zokhrofa
 

 

 
إحصائية العضو










افتراضي

اقتباس:
المشاركة الأصلية كتبت بواسطة أمنية غفران مشاهدة المشاركة
يا حنونة الرب معروف منذ القدم عندنا في الجزائر
احنا غير تقولي الرب مباشرة نعرفو بلي نتاع التم
اخواننا العرب مسمينه دبس التمر
عندك الحق نسمو الأمور بمسمياتها
عندنا و ماكان لاه نتبعو تسميات غيرنا الحمد لله بلادنا معمرة بالتقاليد من جميع النواحي ماشي غي في المأكولات و هادا فخر لينا و لله الحمد و المنة

مشكورة أختي
الله يخليك اختي امينة راكي فهمتيني واش حابة بالضبط انو نسمو الاشياء بمسمياتها









رد مع اقتباس
قديم 2017-05-03, 20:11   رقم المشاركة : 8
معلومات العضو
أمنية غفران
عضو محترف
 
الصورة الرمزية أمنية غفران
 

 

 
إحصائية العضو










افتراضي

هاوليك زخرفة الرب بدهان الحر الللله مع المطلوع سخون اممممممممممممممممممممم تفضلي

و نقول لك دوري الكرة الأرضية بكمالها محال تلقاي البنة كيفه يا دلالي










رد مع اقتباس
قديم 2017-05-03, 20:14   رقم المشاركة : 9
معلومات العضو
zokhrofa
مؤهّلة منتدى هُنّ
 
الصورة الرمزية zokhrofa
 

 

 
إحصائية العضو










افتراضي

و كيفاش ندير انا ضرك هههههههه حابة تقتليني شفتو عوارو عينيا يا يما هذاك الخبز الزين و الرب قدامو يسواو الدنيا بما فيها










رد مع اقتباس
قديم 2017-05-04, 08:54   رقم المشاركة : 10
معلومات العضو
أم رقية نسرين
عضو محترف
 
إحصائية العضو










افتراضي

بارك الله فيك
ممكن السبب انو يخدموه في منطقة دون الأخرى على هاديك منعرفوهش انا وحدة مكنتش نعرفو عرفتو فقط منذ مدة قصيرة دخلتو في غذاء بنتي لانها متاكلش مليح نحطهولها مع الحليب










رد مع اقتباس
قديم 2017-05-04, 09:21   رقم المشاركة : 11
معلومات العضو
zokhrofa
مؤهّلة منتدى هُنّ
 
الصورة الرمزية zokhrofa
 

 

 
إحصائية العضو










افتراضي

اهلا أختي طالبة

ربما جداتك تعرفو كان سقسيتي امك او هكذا ناس كبار في السن اكيد يعرفوه

صح كيما راكي تقولي يعرفوه بالمنطقة لكن كل منطقة عندها الرب ديالها يعني كاين لي معروفين بتاع التمر و كاين لي معروفين بتاع العنب الخ










رد مع اقتباس
قديم 2017-05-04, 11:35   رقم المشاركة : 12
معلومات العضو
أمنية غفران
عضو محترف
 
الصورة الرمزية أمنية غفران
 

 

 
إحصائية العضو










افتراضي

عزيزتي زخرفة طلعي هاد الموضوع لقسم التحليات و العصائر و لا اتصلي بالمشرفات










رد مع اقتباس
قديم 2017-05-04, 14:38   رقم المشاركة : 13
معلومات العضو
zokhrofa
مؤهّلة منتدى هُنّ
 
الصورة الرمزية zokhrofa
 

 

 
إحصائية العضو










افتراضي

انا ما عرفتش وين نديرو امينة هههه درتو هنا

بلاك ضرك يفيقو و يحولوه










رد مع اقتباس
قديم 2017-05-05, 17:19   رقم المشاركة : 14
معلومات العضو
*أم كوثر*
مراقبة منتدى الأسرة
 
الصورة الرمزية *أم كوثر*
 

 

 
الأوسمة
المشرف المميز المشرف المميز 2014 المشرف المميز لسنة 2013 المرتبة الثالثة وسام التميز في قسم الطبخ المرتبة الاولى 
إحصائية العضو










افتراضي

يعطيك الصحة زخرفة وبارك الله فيكم على المعلومات










رد مع اقتباس
قديم 2017-05-05, 17:26   رقم المشاركة : 15
معلومات العضو
أمنية غفران
عضو محترف
 
الصورة الرمزية أمنية غفران
 

 

 
إحصائية العضو










افتراضي

زخرفة هاوليك الموضوع راهو في مكانه المناسب قسم التحليات و العصائر

يعطيك الصحة ام كوثر










رد مع اقتباس
إضافة رد

الكلمات الدلالية (Tags)
تمر, زخرفة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 12:25

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc