|
|
|
|||||||
| قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
المشوشة في الصوص الحمراء طبق فخم من اعالي جرجرة لعيون بنات الجلفة
 |
|
|
أدوات الموضوع | انواع عرض الموضوع |
2016-05-23, 13:54
|
رقم المشاركة : 1 | ||||
|
المشوشة في الصوص الحمراء طبق فخم من اعالي جرجرة لعيون بنات الجلفة
السلام عليكم حبيباتي. اليوم جبتلكم طبق فخم من مخاميخ نساء جبال جرجرة . ياخي تسمعو بالكيك الحلو لي يقدر يتحول الى الكيك المالح لي يديروه بالخضر و البيض و تسمعو بالبوراك بالكفتة و الفرماج لي يقدر يتحول الى سيغار حلو معسل محشو باللوز . امالا جداتنا تع بكري كانو ايضا مبدعات . كلكم تسمعو بالمشوشة بالبيض التي تأكل مع العسل االله االله و يحطوها للنافسة .نسا بكري تاعنا زادو عصرو مخهم و قالو وعلاه منديروش منها طبق مالح فيتاميني يؤكل كطبق رئيسي فاخترعن هذه التحفة المكونات نحتاج بصلة متوسطة و حبة طوماطيش(مصورتهاش) و حوالي 4 الى 5 فصوص ثوم و ملح و فلفل اكحل و فلفل عكري و راس الحانوت و ملعقة صغيرة طماطم مصبرة و قطعة صغيورة من شحمة العيد يمكن الاستغناء عنها لكن حنا نحطوها تغلي غلوتين في الصوص ثم نحوها  نضع كل هذي المكونات في طنجرة واسعة( اومبعد تفهمي وعلاش) و نقليهم مليح  ثم نمرق الى نصف الطنجرة لانه رايحين نحطو قرصة المشوشة داخل الصوص و رايحة تشرب الماء ثم نرمي في الصوص قرنين فلفل احمر يابس يعطي نكهة و زيدي شوية نعناع يابس مفتت و نخليها تطيب .  من جهة اخرى نحتاج 9 بيضات و 8 ملاعق كبار سميد رقيق و واحدة لوفور و نعناع يابس تطحنيه مبين صباعتيك و زيت. هذ الكمية تمد قرصة كبيرة انتي تقدري ديري نصف المقادير باه تتحصلي على قرصة اصغر في اناء حطي 8 ملاعق سميد مع قرصة ملح و النعناع و من جهة اخرى حطي زيت زيتون مخلط مع زيت عادية(حوالي نصف كاس) في كاسرونة حتى ت سخن مليح ثم فرغيها على السميد هكاك سخونة و خلطي بلمعلقة باه يتبسس السميد جيك شغل رايحة تديري المبسس بهذا الشكل   ثم كسري البيض تاعك و خلطي وزيدي اللوفور و خلطي مليح   من جهة اخرى تكوني وجدتي مقلاة فيها زيت مشي بزاف قيس م ثلاث ملاعق كبار بهذ الشكل   خليها تسخن ثم ارمي الخليط تاعك في المقلاة برفق و غطي عليها  . النار لازم تكون قليلة باه تطيب المشوشة مليح  . بعد حوالي 2 الى 3 دقائق طلي عليها تلقايها بدات تطلع طلي على الاطراف باسباتولا به تشوفي اذا بدات تتحمر. كي تشوفيها تحمرت. وجدي مقلاة اخرى بنفس حجم الاولى و ديري فيها قيس 3 ملاعق زيت خليهم يسخنو مليح مليح ثم ارمي الزيت مباشرة فوق وجه المشوشة تولي هكا   ثم اقلبيها برفق في المقلاة الاخرى على هذاك الوجه هنا خذي حذرك اختي اخدمي فوق ليفيي باه متقسيش روحك بالزيت و غير بالعقل عليك. هيليك المشوشة كي نقلبوها   هنا عسي عليها طلي عليها بالسباتولا حتي تشوفيها حمارت تكون الصوص طابت دوقيها كاش متزيدي ملح ثم نحي هذوك الفليفلات و ارمي داخل الصوص القرصة تاعك كاملة برفق باه متطرشيش روحك بالصوص. هيليك   ارفدي موس و ثقبي به القرصة في عدة اماكن باه تتشرب من الصوص رايحة تسمعيها تبقبق ......خخخخخ نقصي على النار . بعد حوالي 5 دقائق قطعيها بالموس الى 4 قطع دائما داخل المرميطة قطعيها مثلثات كيما القاطو و سربي كل مورصو داخل طبسي عميق مع شوية صوص و بطاطا . و صحتين و هنا على قلوبكم . و خليها تزيد تطيب و تتشرب من المرقة حوالي 10 دقائق رايحة تلاحظي انها تزيد في الحجم علابيها قولتلك لازم طنجرة واسعة باه تديلك كامل قرصة المشوشة . لازم تبقالك شوية صوص داخل المرميطة سينو غلي شوية ماء و زيديه و ذوقي و شوفي كاش متزيدي توابل . هنا خلاص طابت   دعوة خير ليما لي علمتني هذ الوصفة تكفيني و لكن بالمثل حبيباتي   
|
||||
|
|
2016-05-23, 14:42
|
رقم المشاركة : 3 | |||
|
فكرتيني في زمان كنا نديروها فالشتا والله هدي اليمات هدرنا عليها حنا تقولولها قرصة المرقة بارك الله فيك |
|||
|
|
|
2016-05-23, 14:53
|
رقم المشاركة : 4 | |||
|
آزول زيكا تحبولت نتملالت (خخخ زعما نعرف القبايلي ههه)اه شحال حابة ناكل هادي الوصفة و زدتي كملتي عليا كي شفتها من تحت يدين احلى شاف قبايلي زيكا يا مصيبة واش ندير انا دوكا حابة ناكلها من تحت يديك ااااه قلبي الصغنون لا يتحمل اممم وامممم واممممممممممممممممم تهبل لالا موشي تهبل تقتل خلاص يعطيك الصحة حنونتي رووووعة مواااح سلامي للوالدة الكريمة و كل العائلة و ربي ينجح توأم ام حسام |
|||
|
|
|
2016-05-23, 15:04
|
رقم المشاركة : 6 | ||||
|
اقتباس:
|
||||
|
|
|
2016-05-23, 15:08
|
رقم المشاركة : 7 | |||||
|
اقتباس:
اقتباس:
|
|||||
|
|
|
2016-05-23, 15:11
|
رقم المشاركة : 8 | ||||
|
اقتباس:
|
||||
|
|
|
2016-05-23, 15:28
|
رقم المشاركة : 9 | |||
|
روووعة رووووعة نموووت في التقليدي كيما انت تموووتي على لي بات هههههههههه ربي يحفظك ويحفظلك ست الكل وبوسة ليديها لحنان |
|||
|
|
|
2016-05-23, 19:05
|
رقم المشاركة : 12 | |||
|
يشهي يسلمو ايديكي التقليدي لا غنى عنه كيما يقولو الجديد حبو و القديم لا تفرط فيه ندورو ندورو و نرجعو ليه |
|||
|
|
|
2016-05-23, 19:46
|
رقم المشاركة : 13 | |||
|
روعة روعة انا لازم نذوق اطباقك دبري رأسك واعرضيني |
|||
|
|
|
2016-05-24, 12:49
|
رقم المشاركة : 14 | ||||||||
|
اقتباس:
اقتباس:
اقتباس:
اقتباس:
اقتباس:
|
||||||||
|
|
|
2016-05-24, 18:57
|
رقم المشاركة : 15 | |||
|
اااااااااااااااه يا رزيقة اختي قلبتي علي المواجع نحبها و مانيش قاعدة باش نديرها حنا في بوقاعة نديروها و نسميوها قرصة المرقة بصحتك حبيبتي تعيشي و تطيبي |
|||
|
|
|
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
