راني حاصلة...

[hakima.s]

وشيهوا السر انو تجيك المرقة بنينة يعني اي نوع من المرق سيرتو تاع الخظرا و الجاج ...................... وماذابيكم تعطيوني الوصفة........

[imene t]

سلام اختي بلنسبة للمرقة الحمرا انك تخليها تعقد يعني حتى تشوفيها خاثرا و البيضاء تعملي العقدة تحكمي غراف تع المرقة مع الاخير و تديري فيه ملعقة تع فرينة تحركي مليح وترديه فلمرقة الاخرى تخليها تغلى شوية او تطفي عليها نتمنى انى نكون افدتك

[أم ياسين الزهراء]

ماتكثريش الماء في المرقى هو اللي يسمطها وكل ماتقلي القدرة كل ماتجي بنينة

[ياربي اني راضية]

الصوص حمراء تجيي عاقدة بالطماطم والدجاج تعقاد اما البيضاء انا كي نعود قريب انطفي انحي شوية صوص نديرلها مغرف فرينة وعصير القارص نخلط مليح ونرجعها للصوص شوية ونطفي وكاين اخت قالت انوا السر باه تجي المرقة بيضا عاقدة اتنحي شوية صوص تزيديلها المايوناز وترجعيها للنار بصح انا مازلت ماجربتهاش

[بت البويرة]

اختي لصوص الحمراء لازم تكتتكي البصل والثوم مع العقاقر مليح من الول ييعني تقليى اللحم ولا الدجاج في الزيت حتى يحمارو ومبعد نحيهم وديري البصل تتقلى بعد زيدي رجعي اللحم وباقي المقادير ما تكثريش الماء وخليها تعقد بلنسبة للبيضاء نفس واش قالولك خياتي

[هبة الرحمان انشراح]

اسرار الطبخ كثيرة من بينها انك اتخلي المواد الاولية تتغلى ملييييح مع اللحم او الجاج ثانيا التوابل كل مرق وتوابله الخاصة بالنسبة لي المرق الابيض انكثرلو البصل مع سنة او اثنان ثوم اما الاحمر بالعكس اي الثوم اكثر في المرق الابيض نستعمل كروية قرفة عرق اصفر فلفل اسود اما المرق الاحمر نستعمل الكمون وراس الحانوت لمخلط وكل منطقة وخصوصيتها لكن الاهم ما اتكثريش الماء بزاف باش ما تسماطش المرقة وماتنسايش العامل النفسي مع الثقة بالنفس وبالتوفيق ان شاء الله

[hakima.s]

بارك الله فيكم

[nadia38]

السر في الطبخ قول بسم الله زايدماذكروا

الأخوات زايد تطبخي على نار قليل