عندي سؤال عن قاطو الفلسطينية

[لجين وفاء]

قلولي ممكن انو نحشي القاطو بالعقدة تاع الكاوكاو بدل من الغرس ولا مايصلحش

[لجين وفاء]

للي جربو هادا القاطو تجاوبني

[محتاجة لعفو الله]

الله أعلم أختي نتمنى اللي جربوه يفيدوك

[لجين وفاء]

108مشاهدات ولا رد
كتر خيركم كل سؤال نسالو نقعد نحاول ونعود ونحلل فيكم باه تجاوبني
مشكورين وتصبحو على خير

[لجين وفاء]

108مشاهدات ولا رد
كتر خيركم كل سؤال نسالو نقعد نحاول ونعود ونحلل فيكم باه تجاوبني
مشكورين وتصبحو على خير

[~أمة الله~]

السلام عليكم أختي
أنا جرّبت القاطو مرّتين لكن بالتمر، لكن أظنّ يمكن جدّا تديريه بحشو مختلف المُهم ما تجريهش هذا ماكان، يكون طريّ برك. وممكن تجربي كمية صغيرة 125غ تاع الزبدة.
والله أعلم

[لجين وفاء]

مشكورة اختي أمة الله

[عصفور الجنة]

السلام عليكم
انا ايضا جربتو بالتمر وكيما قاتلك الاخت امة الله الحشو ميكونش جاري باش يحافظ على الشكل وميخرجش بصحتك حنونة وحطيلنا المحاولة اذا كانت ناجحة


سلااااام

[ام كادي]

انا جربتوو مي باش نقلك الصراحة هي قالت انو يجي يدوب في الفم مي انا كي جربته قعد ايام و من بعد ولا يابس شوية و زيد اهلي ماحبوهش و ماحبوش ياكلوه حتى الافال الصغار ما حبوهش المهم انعم تقدري تعملي العقدة بدل التمر

[لجين وفاء]

مشكورات أخواتي رايحة نجربو ونقلهم

[طيور الجنان]

اختي انا جربتو مرتين بصح غير بالتمر ممكن يصلح بحشوة اخرى جربيه و قولينا.

[لجين وفاء]

جربتو هدي لعشية بالحشو تاع الباقلاوة بالكاوكاو
جادوقو يشبه التشاراك المسكر بصح تبانلي بالغرس رايح يكون دوقو مختلف
هو طري وبنين بصح بالغرس أكيد رايح يبان تغيير في القاطو

[لجين وفاء]

تبانلي تصلح هده العجينة التشاراك هري طرية وتذوب في الفم وناخد الرأي ههههههه في تشكيلها وماتخرش لافاغس تلعبها
يعني أنا من اليوم هدي هي عجينة التشاراك تاعي نحيلها غير الخميرة والسلام

[أم رقية نسرين]

سلام ختي انا جربتو بالغرس و عجبني بزاااف
بصح قوليلي كي درتيلو حشوة الكاوكاو كيفاه كانت يعني كي رحيتي الكاوكاو متوسط و كيفاه كان القوام تاع الحشوة
حطيتي موضوع تسقسي فيه كليتك بالأسئلة ههههه

[لجين وفاء]

شوفي أختي انارحيت الكاوكاو رقيق شوية صبح ماشي رطب وكيلت 4 كاوكاو1سكر وبليت بالماء زهر وقشور الليمون تاني درت جات ملمومة ماشي جارية وماشي شايحة تتفتح
وماخرجليش الحشو وقعد طري