الأخت ndj اعطتك المقادير ،
و انا اعطيك الطريقة
قبل ما تبداي تخدمي خلي الزبدة تاعك خارج الثلاجة بعض الوقت باش تولي طرية،
في الاول حطي الزبدة في القصعة تاعك ضيفيلها شوية ملح ،السكر الناعم ، شوية فانيلا مسحوق ،و ابداي تخلطي طريقة الخلط هي باستعمال راحة يدك تحوالي تدخلي السكر في الزبدة مليح اقعدي غير تحكي الخليط ممع القصعة براحة يدك،
لما تحسي انو دخل مليح فيها ابداي تضيفي صفار البيضات شوية شوية حبة مور حبة او حتى تخلطي صفار الحبة الاولى مليح مليح مع الخليط بنفس الطريقة باستعمال راحة يدك باش تضيفي صفار الثانية ...الخ باش ما يتقطعلكش الخليط ،
لما تضيفي كامل البيض ضيفي المايزينة + الخميرة و ابداي تضيفي الفرينة حتى تتشكل معاك عجينة مالازمش تكون يابسة بزاف ، لازم تكون طرية ،
غطيها باش ما تيبسلكش، و ابداي تحلي بالشوية و تشكلي الاشكال تاعك . هذا كل شيء
و اذا حبيتي مثلا تزينيها بالسكر الناعم من الافضل غير تخرجيها من الفرن ذري عليها السكر لانو لما تكون سخونة يلصق عليها مليح.
ان شاء الله نكون فدتك و ربي يعاونك
حنا المقادير لي موالف نستعملوهم
500 غ زبدة
4 صفار بيضات
الفرينة منديروش العبر كي تحسي باللي العجينة راهي مليحة تحبسي اضافة الفرينة
( تقرير عن مشاركة سيئة )، و الموجودة أسفل كل مشاركة .
2013-07-30, 19:19
العرض العادي
