كيف أوقظ قلبي؟

[مشكلتي]

سلام إخوتي
\\
والله ليوم قررت نطلب نصائح من عندكم
حاسة قلبي تقيل بزاف
والغفلة لافاته
حبيت نعرف كيفاش نفطنه؟
راه راقد في سابع نومة

كيفاه نعمل باه نتخطى مرحلة للعلم للعمل
لأنو بزاف أمور نعرفها ومانخدمهاش
علابالي بيها لكن الايمان بيها ضعيف
مانيش نحاسا بخطورة الوضع

نصحوني كيفاه نصلي صلاتي في وقتها
ونخشع فيها
مرات نحس الايمان top عالي خلاص
ومرات يهبط ونضيع الصلاة والقران

كرهت من حياة التردد هاذي
على الاقل مش في اساسيات الدين

والله قصدتكم كأخت او ابنة
نصحوني ودعيولي معاكم
ولا تنسوا ان من يدعو لأخيه بظهر الغيب له مثل ذلك

ربي يجزيكم سلام

[زبدة ذايبة]

حافظي على صلاتك وقراءة القرآن

وابتعدي عما حرم الله.

ينصلح حالك.

[وسيمツ]

إضافةً لما قالته الأخت آنفًا، جرّبي النوم بعد صلاة العشاء مباشرةً و الإستيقاظ عند وقت صلاة الصبح و لا ترجعي للنوم بل اقرئي القرآن، كتاب،افعلي أيّ شيئ و ان أحسست بتعب عوّضي ساعات النوم في القيلولة ، هذا سيعطي يومكِ بُعدًا آخر و سيسهل عليك تغيير ما تريدين فيك.
مُوفّقةٌ.

[نورسين.داية]

إبتعدي عما يلهيك عن الصلاة ........و برمجي حياتك و نشاطاتك أنها تنتهي عند وقت الصلاة تصلين ثم تستأنفين النشاط الدي تقومين به يوميا

و ضعي في نفسك إعتبار الموت التي ليس لها لا طريقة و لا وقت و لا سن محدد و تذكري يوم السؤال و أعدي الجواب

بالتوفيق عزيزتي

[dede2000]

مدام خممت هكذا والله فيك الخير واكيد رايحة تنجحي
انت من النوع لعندك نفس لوامة وهذا جيد
وهذا تأنيب الضميير مليح ودليل علي انو قلبك مزال حي
اختي انوي نية صادقة مع ربي وروحي بلعقل برك والله ما يخيبك ربي العالميين
شوفي انا ندعيلك لكن بشرط ادعينا أنت ثاني بالهداية والثبات انا وجميع الاخوة والاخوات لي معانا في المنتدي

[زهرة وهران]

يا اختي و انا هذه الأيام مانيش نصلي فاقت ادعيلي بصح السبب هو الانترنت كنت غاية نقرأ القرآن و نسمع يوميا و مع العطة العراس البحر ضيعت بزاف
ربي يهدينا
للأسف ما قدرنا الله حق قدره و ما عبدناه حق عبادته