الاخت yarasmin26 ترد على استفساراتكم هنا

[لميس اميرة]

دري بيها نوع مختلف من الدزيريات زيديلها حشو مختلف

واش من وصفة استعملتي نقولك لا تقدري تحوليها لقاطو آخر ولا لا

و الطلبات اختي باه يكون المنتدى منظم كاين قسم خاص مثبت لفوق حطي طلباتك تما

[أم ياسين الزهراء]

المشاركة الأصلية كتبت بواسطة choumicha

واش مكاش اللي تسمع لمصطفى بسعدي هنا؟ مكاش الشلفيات؟

ادخلي هنا بلاك تلقاي الاجابة



https://www.djelfa.info/vb/showthread.php?t=1211716

[yarasmin26]

المشاركة الأصلية كتبت بواسطة choumicha

سلام لبنات واش راكم؟
حبيت نطلب منكم مساعدة خاصة لبنات اللي سمعوا لحصة الشيف مصطفى بسعدي بإذاعة الشلف ممكن تعطوني مقادير حلوة القطيفة ربي ربي يخليكم

صباح الخير اختى الكريمة انا نعرف الشيف بسعدي مصطفى شخصيا وهو صديق للعائلة الشيف تخصصو الطبخ وهو بارع وفي القمة اما الحلويات ليست تخصصو وهو ينقل الوصفات من عند ذوي الخبرة فقط هذه المعلومة على ضمانتي
جربي الطبخ انتاعو ومتخافيش اما الحلويات راه في بداية مشوارو معاها الا اذا اعطاتلو الوصفة مختصة في الحلويات وكان مجربها هو وحلوياتو ليست في القمة يعنى مش تاع اعراس من حيث التزين وانا على كل قول شهيد

[yarasmin26]

المشاركة الأصلية كتبت بواسطة همسة مشاعر

اختي انا منيش من الشلف مي نعرف وصفة لقاطو القطيفة وهو شكلو كيما الباتيسري
اختي انا ثاني شهرين ونعرس في الشلف هههه

وين في الشلف راكي رايحة تزوجي اما بخصوص الحلويات اسمها يختلف من منطقة لمنطقة حلوة القطيفة ديرو الصورة او اذكرو شكلها باه نعرفو اسمها في بوابة الغرب

[soumeya_cons]

السلام عليكم شكرا أختي ام كوثر على هاذ الموضوع اللي رايحين نستفادو منو بزاف انا راني نحوس على وصفة لكريمة الزبدة مجربة تكون خفيفة و بنينة جربت وصفة بصح ماعجبتنيش بزاف

[titina]

المشاركة الأصلية كتبت بواسطة *أم كوثر*

ننصحك بالكيس الحلوان الجديد تع السيليكون يتباع ب 20الف وحده ومع لي دوي 30الف هااايل ويتغسل بسهولة ويشدلك

السلام عليكم
ممكن اختي صورتو

[hamsa1987]

المشاركة الأصلية كتبت بواسطة *أم كوثر*

ننصحك بالكيس الحلوان الجديد تع السيليكون يتباع ب 20الف وحده ومع لي دوي 30الف هااايل ويتغسل بسهولة ويشدلك

ممكن الصورة تاعو من فضلك أم كوثر ؟ على خاطر رحت عند الحانوت وراتلي واحد الاكياس بلاستيك حتى ضحكت قتلها هذا كي نتكا عليه يطرطق

[marwa2015]

هناك نوعين من الاكياس منها اكياس النايلون وهي اكياس جوتابل كيما يقولو بالعامية ثمنها 5 دج و اكياس اخرى مصنوعة من القماش الغليظ ثمنها 200دج وهي النوع الرفيع و تدوم لك سنوات استعملي يا اختي الاكياس الاولى في الكريمات او المايوناز واما الثانية تستعمل خاصة البيتي فور ارجو اني وفقت في دلك

[ام نجلاء]

لسلام عليكم لي طلب بسيط لكم اخواتي الفضليات
وهو :ان تعلموني كيف اصنع القهوة النايلية بدقة وماهي نوع القهوة المستعملة وماهي الاعشاب الموضوع فيها لاني بسراح دقتها من قبل في الجلف وهبلت عليها وحاب نعود النطيبها كما نتوما اللف شكر مسبقا والله يحسبها في ميزان حسناتكم

[hamsa1987]

المشاركة الأصلية كتبت بواسطة marwa2015

هناك نوعين من الاكياس منها اكياس النايلون وهي اكياس جوتابل كيما يقولو بالعامية ثمنها 5 دج و اكياس اخرى مصنوعة من القماش الغليظ ثمنها 200دج وهي النوع الرفيع و تدوم لك سنوات استعملي يا اختي الاكياس الاولى في الكريمات او المايوناز واما الثانية تستعمل خاصة البيتي فور ارجو اني وفقت في دلك

شكرا لكي أختي على الاجابة أنا عندي تاع القماش شريتو ب 300 دج لكن كي نولي نركب في الرؤوس يهبلني و أنا من سلبياتي ننفعل بسرعة نهار نخدم بيه نولي نعيط وحدي
شفت في واحد الموضوع أكياس السليكون بانولي فور و شفت في الحانوت هاذوك تاع البلاستيك بصع ما عرفتش شكون المليح ؟

[زينة سلمة]

مساء الخير اختي انا من الجلفة و القهوة تاعنا نوعها اربيكا و نحمصوها مليح و نطحنوها و كي تكوني طيبي حطي شوية فلفل اسود في ثم ضعي القهوة بودر وابداي حطي الماء الساخن بشوية و كي طيبيها ضعي لها الشيح وهو عشبة تجيديها في السوق و البصحة و العافية واي استفسار انا موجودة

[ام عبودة]

يعطيك الصحة
خيتي القهوة النايلية ما كيفها قهوة وارواحي كتحكم في القوايل
دارنا يزيدوها الخلجلان وعود القرفة
وتاع جداتنا يزيدولها الشيح والفلفل الاسود وكل وحدة وذوقها
لكن تيقى القهوة النايلية السوبر

[wala]

السلام عليكم تحياتى لياراسمين وان شاء الله يرزقك ربى من باب واسع لان لى يتعب فى عملو هو ماجور عليه والعمل عبادة زائد فعل الخير والله ربى مايخليك حبيت نفيد حبيباتى بالنسبة لكيس الحلوانى انا شريتو مرة واحدة كى خسر فصلت بدالو كيس من قماش المضلة القديمة يخرج روعة سيرتو راهم جوتابل

[amina-31]

hna ndiro kahwa arbia fi remdan tkhaliha tib 3la nar kilila 4h+ wmenba3d diri soukor w ls épices hror khal hab des fois ndir hror khdar hab mlih bzf3od sghir karfa kronfel khenjlen star anis w kababa w hab el héél tji fooooort

[ام فاطمة زهراء]

250غ مرغرين التوريق كاس زيت كاس سكر رطب 4 بيض
نقطع المرغرين قطع صغيرة نضيف لها 1 حبة بيض شوية سكر شوية زيت و نضرب بالباتور حتى تتجانس ثم نضيف حبة بيض شوية سكر شوية بيض و نضرب و هكذا حتى ننهي كل الكميات السابقة نضرب جيدا في هذه المرحلة نكون تحصلنا على كريمة زبدة لذيذة نستطيع اضافة سكر اذا احتاجت حلاوة او كاكاو للتلوين
هذه الكريمة اذا نشفتيها بالفرينة وشوية مايزينة لكن تبقى طرية استعملي la poche واصنعي gateau sec