|
|
|
|||||||
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
خلية النحل أو الشهدة الشهية من مطبخي
 |
|
|
أدوات الموضوع | انواع عرض الموضوع |
2016-08-15, 22:59
|
رقم المشاركة : 1 | ||||
|
خلية النحل أو الشهدة الشهية من مطبخي
البسملة1 الشهدة أو خلية النحل هاني جيت وجبتلكم وصفة الشهدة كيما وعدتكم ماتخافوش مانسيتش باقي الوصفات راني نحط كل ماتسمح الفرصة بإذن الله نكمل كل الوصفات اللي طلبتوها مني  طلبتو بكثرة وصفة الشهدة وصراحة وصفة ولا أروع ننصحكم جربوها صدقوني ماتندموش بحول الله ولا أروع مع قهوة العشية  أنا عن نفسي هذه الوصفة أرضت كل العائلة وقضاو عليها في دقائق بنينة وخفيفة وريحتها تشهي فقط ننصحكم خمروها مليح  هذه الكمية تعمل صينية صغيرة فقط وتكفي خمسة أشخاص أنا عايلتي صغيرة ممكن انت تضاعفو المقادير المقادير : كاس كبير ونصف فرينة ( مايعادل 10ملاعق كبيرة فرينة مملوءة ومكومة ) ملعقة صغيرة ونصف خميرة الخبز علبة ياوورت صومام نكهة فراولة 2 ملاعق كبيرة ماء زهر 2 م ك سكر عادي بياض بيضة واحدة ( نحتفظ بالصفار للدهن ) 2 م ك زبدة طرية 1 م ك فاني نوعية جيدة ( من الأفضل تستعملوا النوعية الموجودة في الصورة راااااائعة ) 1 م ص ملح ( غير مملوءة ) عسل مخفف بشوية ماء زهر نسقي بيه الشهدة أو ممكن تعملو مثلي عسل مخلوط مع لاجولي تعطيكم طعم تحححححححححححححححفة للدهن : صفار بيضة مخلوط جيدا مع 1 م ص حليب سائل أو قهوة سائلة الحشو : حسب الرغبة ممكن شوكولا نوتيلا أنا عملت زبيب ( خليتو منقوع في ماء ساخن طول مدة تخمير العجين ) وزدت معاه شوية سكر بني و رشة خفيفة قرفة ( ممكن تحطو زبيب وحدو ) الطريقة : - نخلط المكونات الجافة مع بعض ( فرينة وملح وسكر وخميرة وفاني ) ثم نضيف السوائل ( بياض البيضة وماء الزهر والياوورت ) ونخلط جيدا .... سوف نتحصل على عجينة رخوة وطرية وتلتصق بالأيدي أنصحكم باستعمال الفانيلا واليوورت الموجودين في الصورة  - نبدأ العجن داخل الصحن لأن العجين رخوة ولايمكن بتاتا أن تتم عملية العجن على طاولة العمل لانها تلتصق هذه العجينة تكون رخوة أكثر قليلا من عجينة البريوش وهذا هو السبب في خفتها مممممممم نعجنها جيدا حوالي 10-5 دقائق حتى ترجع ملساء ومطاطية( لاحظو في الصورة أصبحت لاتلتصق بالصحن لانها مطاطية )  - ملاحظة : إذا حسيتو العجينة رخوة جدا وصعب جدا التحكم في عملية العجن ممكن إضافة ملعقة فرينة لتسهيل العملية دون المبالغة في إضافة الفرينة لأن العجينة هذي لازم تكون رخوة باش تتحصلو على شهدة خفييييييييفة مثل الريشة - نضيف الزبدة الطرية ونعجن جيدا حتى نحصل على عجينة ملساء وناعمة - نترك العجين في صحن عميق ونغطيها بنايلون ونخليها تتخمر بزاف حتى يتضاعف حجمها ثلاث مرات ( عملية التخمير تكون على الأقل ثلاث ساعات ) أنا عادة نعجنها الصباح ونخليها تخمر نص يوم حتى تملأ الصحن وتخمر جيدا وتكون واجدة لقهوة العشية هنا راهي مغطية بفيلم غذائي باش العجينة ماتنشفش ودير قشرة لانها طول وهي تخمر  - كي تخمر مليح العجين نرش شوية فرينة على طاولة العمل ونقسمها إلى كريات صغيرة جدا ومتساوية ( كل ماكانت الكريات صغيرة كل ماكانت الشهدة بنينة أكثر وخفيفة أكثر ) أنا غلطت في الحساب كان المفروض نقسمها إلى 12 على الأقل باش جي مليحة - نقسم الكريات أحسن شيء بواسطة قطاعة العجين والأفضل تستعملو الميزان باش تتحصلو على كرات متساوية الحجم ويكون الشكل النهائي جميل مثل خلية النحل - نحشي كل كرية بالحشو المفضل عندكم ونغلق مليح ونكورها مليح ( رشوا على أيديكم فرينة باش تقدرو تكوروها لأنها تلتصق )  - ندهن صينية صغيرة ( يفضل صينية الفرن الزجاجية ) نحط الكريات بشكل منتظم ونخليها تخمر ويتضاعف حجمها( لازم نخلي فراغات بين الحبات باش تلقى مكان وين تخمر ويتضاعف الحجم نتاعها من بعد كي تخمر تلقاو الفراغات تعمرو ماتخافوش تقولو خلينا الفراغ بيناتهم من بعد تحيروا كيفاش يتضخموا ويلصقو في بعضاهم لوكان ماتخليوش فراغات ماتلقاش وين تنتفخ الحبة ويجيكم البريوش معجن )  - الآن ( يعني حتى تخمر تماما الشهدة ) ، نشغل الفرن يسخن على 180° - بواسطة فرشاة السيليكون ندهن الشهدة برفق شديد بخليط صفار البيض ( نستعمل فرشاة السيليكون دائما للدهن لأنها طرية ماتفسدش الطلعة للمعجنات إذا ماعندكش أدهني البريوش قبل التخمير باش ماتفسديلوش الطلعة ) - نرش فوقها جلجلان  - كي يسخن الفرن ، ندخلها للفرن طيب ( ماطولش بسرعة تتحمر ) - نحمرها من فوق أيضا - نخرجها من الفرن نخليها ترتاح خمس دقائق فقط ونسقيها بخليط العسل ولا جولي ويكون طبعا بارد  - نخليها ترتاح وتتشرب وتبرد شوية ونقدمها مع قهوة وحليب ممممممممممم  والله يابنات تحفة تحفة    كي قطعتها وبديت نهز بالقطعة ونحط في الصحن ماتتصوروش الخفة رييييييييييييييييشة أما الذوق والله روعة كي البنة كي الريحة كي الخفة كنت خايفة من رشة القرفة اللي حطيتها في الحشو من بعد مابانتش بالعكس الخليط مع بعضو خرج روعة والسكر البني ذاب مع الزبيب ورجع القلب نتاع الحبة معسل  ننصحكم جربوها بشدة والله أنا شخصيا ندمت أني ماجربتهاش من قبل حمروا وجوهكم قدام ضيافكم راهي تهبل واللي يذوقها يطلب الوصفة  تحياتي .......... أنا لهلوبة ........ آآآآآآآآآآخ نعست .. تصبحوا على خير
|
||||
|
|
2016-08-15, 23:10
|
رقم المشاركة : 4 | |||
|
يعطيك الصحة إلهام والله خدمتك متقونة وهايلة مشاء الله انا من متابعينك ومنتظرين جديدك دايمآآ ... |
|||
|
|
|
2016-08-15, 23:30
|
رقم المشاركة : 6 | |||
|
|
|||
|
|
|
2016-08-15, 23:47
|
رقم المشاركة : 8 | |||
|
أولا .... مشكورات خفاشاتي على المرور |
|||
|
|
|
2016-08-15, 23:50
|
رقم المشاركة : 9 | ||||
|
اقتباس:
ري يعينك حنونتي |
||||
|
|
|
2016-08-15, 23:51
|
رقم المشاركة : 10 | |||
|
ألف مبروك ربي يهنيها ولعقوبة لكل العازبآت ليلتك سعيدة إلهآم بانتظار جديدك أدام الله عليك الصحة والعافية
|
|||
|
|
|
2016-08-15, 23:54
|
رقم المشاركة : 11 | |||
|
السلام عليكم يشرفني اني نعلق على موضوعك يافنانة والله انو وصفاتك روعة نديرهم وعيني مغمضة سواء بالمسروقة او المعلنة هههههه ونحبك بلا منعرفك يعطيك ويمنيك ويبارك فيك و يرزقك ربي ان شاء الله من حيث لا تدري وينولك اي حاجة راكي متمنيتها ان شاء الله اختك في الله واتمنى تثبيت الموضوع من قبل المشرفات وليك احلى واغلى واعلى تقيييم سلام |
|||
|
|
|
2016-08-16, 02:16
|
رقم المشاركة : 14 | |||
|
بارك الله فيك تحفة الله يسترك دنيا واخرة |
|||
|
|
|
2016-08-16, 09:11
|
رقم المشاركة : 15 | |||
|
اممممم روعة الهام كلشي من تحت ايديك طيب يسلمووو |
|||
|
|
|
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
