الجزء 177 من واش طيبتي اليوم ك وزينة - الصفحة 50

أم سدرة · 2017-02-17, 22:25

ابني نور عيني · 2017-02-17, 22:53

ام سدرة يعطيك اللف صحة على الاطايب اللذيذة يسلمو ايديك يا الفحلة ربي يفرحك باولادك ويحفظلك زوجك ويديم عليكم النعمة و السعادة
ربي يشافي باباك ويطول في عمرو ويخليه تاج فوق راسك و سنة حلوة للرويجل تاعك كل عام وهو بالف خير عقبال تشوفيه عريس و تفرحي بيه

ابني نور عيني · 2017-02-17, 22:59

انا اليوم كان يوم العبادة و التسبيح ما دخلتش بززاف للمنتدى و تاني خرجت مشوار ساعة بدلت الجو خاصة الحال ربيعي ادينا محمد و رحنا دورنا شوية ورجعنا

ام ياسين الزهراء بصحتكم الطعام والبسبوسة هنيئا مريئا
ام عبيدة كبري عقلك ماعليش ساعفيه وروحيلو غير بالشوية و ما تزعفيش روحك صدقيني حاجة ماتستاهل وربي يكون في عونك

تصبحو بالف خير كامل نتلاقاو غدوة ان شاء الله

ابني نور عيني · 2017-02-18, 06:58

صباح النور البارح انا غلقت الكوزينة واليوم انا فتحتها
صباحكم منور و سعيد كيفاش صبحتو؟؟؟؟؟
ام يوسف وام عبيدة وام هدول وشاوية حرة و حيوتة و بيلسان وصدق العطاء و زقزوقة اللي توحشناها وليزا و اريج و ام ابراهيم و ام ياسين الزهراء و ام اسلام واسيا و امنية و حياتي كلها امل و و فاتي و كوكا اللي نسيتهم يسمحولي
كامل انشاء الله تكونو بالف خير انتوما واحبابكم

ابني نور عيني · 2017-02-18, 07:03

الحوامل كامل طمنونا عليكم كيف صبحتو حيوتة وام يوسف و ام ابراهيم و شاوية يا رب تكونو بخير والبيبيات يكونو في احسن صحة اميييين
ام سدرة طمنينا على باباك و ام هدول طمنينا على امك طهورا انشاء الله هدا هو حد الباس ان شاء الله ورلي يحفظ امهات واباء المسلمين كامل

ابني نور عيني · 2017-02-18, 07:05

ام عبيدة كيفاش صببحتي وككيف حالك مازلتي زعفانة ولا خلاص قوليلي؟؟؟

ابني نور عيني · 2017-02-18, 07:08

انا ستقهويت بالكرواسون تاع عمو البولونجي كيما تقول رزيقة توحشناك يا زقزوقة بززاف يادرا كيف حوالك و زدت معاه كسرة و تمر و راني راح نبدا الشغل ماعنديش بزاف خدمة اليوم تخمال بسيط لانو الدار راهي منظمة ونقية لهاذا رايحة نخصص اليوم للعناية الشخصية
فطوري ان شاء الله بوريه بالمرغاز اممم نموت عليه و شلاظة و عصير برتقال ان شاء الله

oum islem · 2017-02-18, 07:14

[size="6"]صباح النور مامات البوقوص إن شاء الله لاباس عليكم؟؟![شفت بلي أم هدول ماماها مريضة يارب تشفيها عاجلا ويطمئن قلبك عليها وتلبسها ثوب العافية ويقدرك على الغربة يا غالية

أم سدرة ليك وحشة كبيرة حبيبة وكل عام ووليدك بكل الصحة والعافية ومن نجاح إلى نجاح ربي يحفظه ويصلحه
وربي يشفي باباك ويعفو عنه ويعافيه في روحه وبدنه

حبيت نحط الميلفاي وتفكرت مازال ما قسمته ما صغرت الصور

/size]

ام ابتسام74 · 2017-02-18, 07:15

السلام عليكم لبنات اخباركم لباس عليكم

غبت عليكم لفترة وعبالي ولا وحدة حست بغيابي لظروف اقوى مني وفاة الوالد ومرضي ربنا يشفي جميع مرضى المسلمين

مين نحصل واش نطيب نطب هنا نلقى جواب لحيرتي طيباتكم تشهي ربي يدومها نعمة عليكم ويرزقنا ديما الخير والبركة يومكم موفق سلام

ابني نور عيني · 2017-02-18, 07:29

اهلا ام اسلام واش تحوااك وام ابتسام ربي يصبرك و يجعل مثواه الجنة ان شاء الله ربي يكون في عونك

أم يوسف2 · 2017-02-18, 07:32

صباح الخير اليوم ماكاش البندير
ام ابتسام مرحبا بيك اختي نورتينا وربي يرحم الوالد برحمتو الواسعة
ام اسلام وشراكي
ام محمد وش حوالك يالشاطرة البارح خلبتيني ندور وحدي امبعد وليت خرجت تحلالي كي نكونوا قاع مجمولين ان شاء الله الغايبات يكونوا بخير
وحقا زقزوقة هاد اليامات وين راهي مبانتش

ابني نور عيني · 2017-02-18, 07:33

صباح النور ام يوسف واش راكي مع الحمل ؟؟؟؟

oum islem · 2017-02-18, 07:33

أم عبيدة زعلانة؟؟؟؟ ليش؟؟؟

وردة الرمال وحيوتة وأم يوسف وأم إبراهيم وشاوية حرة وكل الحوامل جبت لكم طمينة النافس الصحية إن شاء الله تعجبكم والأهم ربي يسلككم على خير وتفرحو بالمواليد الجدد
ركزي معايا ملييح وردة الرمال

أصلا الوصفة ما فيهاش كيل محدد ديري عينك ميزانك بصح تعمدت نكيل للمبتدءات

6كيلات قمح كامل مغسول ومنقي ومحمص في طاجين الطين
كيلة حمص محمص
كيلة تمر يابس ومرحي

ربع كيلة لوز
ربع كيلة عدس
لك الاختيار تحبي تحمصيهم تحبي لالا أنا العدس حمصتو خفييف واللوز خليتو نيء

ترحيهم عند الطاحونة الرحى ثم تغربليهم في غربال عيونه محلولين شوية تتخلصي من الشوائب واحتفظي بيها في إناء مغلق لوقت الاستعمال هاذي البسيسة للناس الكل
أما النافسة تزيد كمية مليحة من الحلبة وشوية زريعة البسباس وشوية حبة حلاوة والزعتر مرحيين
كمية من الجنجلان المحمص وشوية قرفة مرحية

ابني نور عيني · 2017-02-18, 07:36

اقتباس:

المشاركة الأصلية كتبت بواسطة oum islem

أم عبيدة زعلانة؟؟؟؟ ليش؟؟؟

وردة الرمال وحيوتة وأم يوسف وأم إبراهيم وشاوية حرة وكل الحوامل جبت لكم طمينة النافس الصحية إن شاء الله تعجبكم والأهم ربي يسلككم على خير وتفرحو بالمواليد الجدد
ركزي معايا ملييح وردة الرمال

أصلا الوصفة ما فيهاش كيل محدد ديري عينك ميزانك بصح تعمدت نكيل للمبتدءات

6كيلات قمح كامل مغسول ومنقي ومحمص في طاجين الطين
كيلة حمص محمص
كيلة تمر يابس ومرحي

ربع كيلة لوز
ربع كيلة عدس
لك الاختيار تحبي تحمصيهم تحبي لالا أنا العدس حمصتو خفييف واللوز خليتو نيء

ترحيهم عند الطاحونة الرحى ثم تغربليهم في غربال عيونه محلولين شوية تتخلصي من الشوائب واحتفظي بيها في إناء مغلق لوقت الاستعمال هاذي البسيسة للناس الكل
أما النافسة تزيد كمية مليحة من الحلبة وشوية زريعة البسباس وشوية حبة حلاوة والزعتر مرحيين
كمية من الجنجلان المحمص وشوية قرفة مرحية

ام عبيدة تقلقت البارح لانو زوجها ماتفكرش عيد ميلادها مسكبنة ظلت دايرة شنوفة البارح ان شاء الله يكون مورالها مليح اليوم وتجي تبندر علينا توحشنا جماعتها

oum islem · 2017-02-18, 07:38

اقتباس:

المشاركة الأصلية كتبت بواسطة ام ابتسام74

السلام عليكم لبنات اخباركم لباس عليكم

غبت عليكم لفترة وعبالي ولا وحدة حست بغيابي لظروف اقوى مني وفاة الوالد ومرضي ربنا يشفي جميع مرضى المسلمين

مين نحصل واش نطيب نطب هنا نلقى جواب لحيرتي طيباتكم تشهي ربي يدومها نعمة عليكم ويرزقنا ديما الخير والبركة يومكم موفق سلام

إنا لله وإنا إليه راجعون

الله يصبر قلوبكم أختي ربي يرحمه ويوسع عليه
ويرحم كل موتى المسلمين