|
|
|
|||||||
| قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
دورة الاستعداد لفصل الشّتاء بيتي مشرق كفصل الرّبيع
 |
|
|
أدوات الموضوع | انواع عرض الموضوع |
2015-09-30, 12:17
|
رقم المشاركة : 1 | ||||
|
دورة الاستعداد لفصل الشّتاء بيتي مشرق كفصل الرّبيع
بسم الله الرّحمن الرّحيم
الحمد لله والصّلاة والسّلام على رسول الله وعلى آله وصحبه ومن والاه وبعد : فقد بدأت أوراق الشّجر تتساقط معلنة اقتراب حلول فصل الشّتاء؛لذا جئتُ آخذ بأيديكنّ لننطلق معا في مشروع إعداد بيوتنا لهذا الفصل كي تصبح بيوتنا مشرقة كالرّبيـــع إذا اشتدّ الزّمهرير في الخآرجْ~  حضّري ورقة وقلما لتسجّلي معي النقاط الأساسيّة توكّلي على الله واستحضري نية صالحة في تنظيف بيتك (إدخال السرور على أهل البيت ، تنظيم وقتك لتتفرّغي لعبادة الله،إظهار الصّورة الحسنة للمرأة المسلمة......) وهذا المشروع نهدوه لمعلمتنا " حبيبة" ربي يهنيها ويسعدها ويعطيها ما تتمنى باش تشوف قبل أن تزف الى زوجها انها علمتنا وخلات موراها كيما قالت الغالية أم نسيبة " نساء فحلات" اتّفقنا على أن نسعى إلى إضفاء جوّ مميّز في بيوتنا هذا الشّتاء إن شاء الله بإضافة لمسات وأشياء جديدة لكن قبل ذلك علينا بشنّ حملة تنظيـــــــــف عميق أقسام البيت : -مطبخ -حمام -غرفة النوم -غرف الأطفال -صالون -مكتب -مخازن الفراش -رواق -ساحة البيت -سلالم -حديقة نبدأ بغرفة النّوم :  والانطلاقة من خزانة الملابس :  -لابدّ أن نخصّص يوما بأكمله لها يعني نوضي بكري وجدي الغداء والعشاء ونقي الدار بسرعة وتفرغي للخزانة -ضعي ملابس الشتاء بجانب وافرزيهم حاجة بحاجة ادا لقيتي فيهم غمال ظاهر "نقاط سوداء" احكمي بيكاربونات ديرلها شوية ماء برك ما تجريهاش خليها عجينة وحطيها فوق البقعة زيدي عليها خل ابيض وخليها شوية ومبعد عاودي بصابون حجرة "الطرف" -باقي الملابس الشتوية حطيها في سلة وخرجيهم انشريهم في الشمس خليهم اكبر وقت ممكن تحت اشعة الشمس باش تروح الريحة منهم وتعقمو من الجراثيم " وادا قدرتي تغسليهم فذلك أحسن !   -الآن خزانتك راهي فارغة نحي التلايق واغسليهم وخليهم ينشفو في الشميسة كي ينشفو حديهم -افتحي كل الدواليب والابواب تاع الخزانة باش تتهوى وابداي في مسح الخزانة من الداخل بقطعة قماش نظيفة وناشفة وانفضي كل الغبار  -ادا لقيتي حشرات داخل الخزانة قومي برش مبيد الحشرات المعطر واغلقي الابواب بعض الوقت -يمكنك مسح الارفف بمنشفة بها خل ابيض او ديتول لإزالة الجراثيم والحشرات التي لا ترى -تقدري تمسحيها أيضا بزيت الكافوراو زيت الخزامى ينحي ريحة الغمال -بعد تنظيف الخزانة من الداخل جيدا خليها تتهوى وماترجعيش فيها الحوايج مباشرة -الان نروحو نخملو حوايجنا تكون حطيتي حوايج تاع كل رف وحدهم ماشي ترمي كل شي تزيدي خدمة على روحك: 1-فستان لم تلبسيه منذ عامين يعني أنك لا تحتاجينه في حين أن غيرك قد يحتاجه بشدّة ضعي أمامك كيسا أو حقيبة فارغة ورتّبي داخلها الملابس الّتي لا تحتاجينها ثمّ تصدّقي بها )  2-ملابس الصّيف ماذا سنفعل بها؟ الحال بدا يبرد شوية لكن مازالنا نلبسو نصف كم ؟ : رتّبيها جيّدا واختاري الرفّ الّذي يناسبك " أفضل الرفّ السفلي" وهذا هو المكان لي رايحة تبقى فيه طول الشتاء وادا احتجتي هاد اليامات تلبسيهم عادي اجبدي منهم بصح رجعيهم لمكانهم. "هناك من عندها تدفئة ممتازة بالبيت لذا تلبس ملابس الصيف في الشّتاء هذه ما عليها الا تخبي الحوايج تاع الخرجة مثلا وتخلي ملابس الصيف البيتية. 3-الآن شوفي لخزانتك واحسبي شحال فيها من رف وحاولي تقسمي الملابس عليها بحيث تحطي كل صنف من الملابس وحدو او على الأكثر صنفين من الملابس مثلا : البيجامات تحطيها في رف السراويل والتنورات في رف آخر الجبات والروبات تاع الدار في رف ملابس الخروج في رف القمصان والتريكوات في رف ..............الخ ملاحظة : في بعض الأحيان يلبس احد افراد الاسرة بيجاما مثلا وينحيها ويخرج وتكون مازالها نقية بالاكي تطويها وترجعيها للخزانة يمكنك نشرها باش يضربها الهوا و خصصي سلة صغيرة مزينة او علبة لوضعها فيها (راهم يتباعو عند الحوانت تاع الشناوة وعند حوانت لوازم البيت)  4-فرشي التلايق لي تكوني حددتيهم وابدئي بترتيب الملابس على الرفوف مع مراعاة تنسيق الألوان   إياك والتدكااااااس ! ماديرش التريكوات على شكل جبل مهدد بالسقوط في كل لحظة 5- باش تخلي ريحة حوايجك دايما طيبة اختاري صابونات ذات رائحة زكية ضعيها في شاش او دانتيل ووزعيها على الرفوف وأيضا اشري شوية خزامى la lavande وضعيها في شاش ووزعيها الرفوف تمتص الرطوبة وتعطي ريحة شابة  كاين لي يديرو الكافور لكن انا لاحب رائحته في الملابس بالاك في لفراش لكن الحوايج لالا أيضا هناك هذه الاكياس علقيها من جهة la garde robe تعطي ريييحة تهبل  6-القجور ديريهم للملابس الداخلية والجوارب والخمارات ووو يعني الحوايج الصغار 7-كي ترتبي حوايجك سجلي واش راه خاصك للشتاء مثلا جوارب ، فيزوات... 8-فكرة خلي في خزانتك دايما اطراف صابون مع خمارات او مشاور او عطور على جهة باش تهديها لضيوف لي يجو عندك " هاد الامر ماشي للعرايس برك" 9 – كي تطوي الحوايج دايما ديري لي يتعلقو في la garde robe حتى قبل ما تحديهم ماتخليهمش مرمين او مطويين في مكان اخر 10-فكرة: في معاطف زوجك حطي في الجيب قصاصة فيها كلمة طيبة تفرحي بها زوجك على غفلة راح يبتسم ويفرح بزاف كي يشوفها حتى ولو لم يعبر 11-لي صاك ديالك ادا تحطيهم في الخزانة لازم يكون مخملين ماشي كل صاك في شوية صرف ومناديل ورقية ووو دايما كي تخبيهم فرغيهم تماما وراقبي نظافتهم من البقع والغبار تقدري تعلقيهم ولا تخصصليهم مكان في الدرج  حبيباتي راني عطيتلكم الأفكار الأساسية في ترتيب الخزانة مازالت الرحلة متواصلة مع غرفة النوم في المرات المقبلة ان شاء الله وراني حابة نشوف تطبيقاتكم حبذا لو تكون مرفقة بالصور وانا راني معاكم    --------- ترتيب التسريحة https://www.djelfa.info/vb/showthread...post3994416359 المشاركة 53 ترتيب طاولتي النوم : https://www.djelfa.info/vb/showthread...870927&page=12 المشاركة 167 ترتيب السّرير: https://www.djelfa.info/vb/showthread...870927&page=14 المشاركة 206 لمسات : https://www.djelfa.info/vb/showthread...870927&page=21 المشاركة 309 ------------------------------------------*****------------ تنظيف الحمام المشاركة 339 الصفحة 23 https://www.djelfa.info/vb/showthread.php?t=1870927&page=23 ---------- هيا نديرو اليد في اليد " كي نصنع الربيع في بيوتنا إذا اشتدّ الزّمهرير في الخارج" توكلن على الله احتسبن انطلقن~ إن شاء الله رايحين نديرو لمسااات مميزة كنّ في المتابعة وشجّعن بعضكنّ بالمشاركة محتويات دورة الاستعداد لفصل الشّتاء -ترتيب غرفة النوم (تم بفضل الله) -ترتيب الحمام (تمّ بفضل الله) -ترتيب المطبخ ( جاري التطبيق حاليا) https://www.djelfa.info/vb/showpost.p...&postcount=631 https://www.djelfa.info/vb/showpost.p...&postcount=640 https://www.djelfa.info/vb/showpost.p...&postcount=667 الرّوتينات اليوميّة : -جهزي نفسك صباحا 'العناية الشّخصية" https://www.djelfa.info/vb/showpost.p...&postcount=111 -تلميع الحوض قبل النّوم https://www.djelfa.info/vb/showpost.p...&postcount=111 -في كلّ مشروع خطوة https://www.djelfa.info/vb/showpost.php?p=3994444898&postcount=162 -تبريد المناطق السّاخنة 15 د https://www.djelfa.info/vb/showpost.p...&postcount=297 -جهزي ما يلزمك للغد https://www.djelfa.info/vb/showpost.p...&postcount=297 -اشحني طاقتكِ https://www.djelfa.info/vb/showpost.p...&postcount=670 تطبيقآت أخرى : -فكّري بإيجابيّة https://www.djelfa.info/vb/showpost.p...&postcount=654 -كيف تحدّدين أهدافك الأسبوعيّة؟ https://www.djelfa.info/vb/showpost.p...&postcount=654 -كيف تخطّطين لشهرك؟ https://www.djelfa.info/vb/showpost.p...&postcount=669 متفرّقآت: مسابقة يوم مميّز في حياة فراشة https://www.djelfa.info/vb/showpost.p...&postcount=686 حوّلي حلمك إلى مشروع ناجح https://www.djelfa.info/vb/showpost.p...&postcount=712
|
||||
|
|
2015-09-30, 13:31
|
رقم المشاركة : 2 | |||
|
السلام عليكم و رحمة الله
يسرني ان اكون أول من ترد على موضوعك أشكرك على الموضوع جميل و معلومات مفيدة أتمنى يكون تجاوب من بقية الفراشات هكذا نديرو اليد في اليد نفيد و نستفيد فقط أود أن أشير الى نقطة اذا ممكن تحددي تاريخ معين لانطلاق الدورة مثلا أسبوع في هذه الفترة يتم ابراز الخطوط العريضة للبرنامج ريثما نسجل التحاق عدد من الفراشات لكي نيتسنى لنا الانطلاق سويا اتمنى تكوني فهمتيني في انتظار ردك تقبلي مني تحلى تحية  |
|||
|
|
|
2015-09-30, 13:41
|
رقم المشاركة : 3 | |||
|
موضوع شيق جدا جدا جدا يعطيك الصحة علي المجهود أو الصور لي عودة للمزيد من الاستفادة |
|||
|
|
|
2015-09-30, 13:49
|
رقم المشاركة : 4 | |||
|
وعليكم السّلام ورحمة الله وبركاته أختي أم صابرين |
|||
|
|
|
2015-09-30, 13:51
|
رقم المشاركة : 5 | |||
|
أحسن الله اليك أخيتي أم تغاريد .
|
|||
|
|
|
2015-09-30, 14:36
|
رقم المشاركة : 7 | |||
|
يعطيك الصحة راني معك عجبتني الفكرة |
|||
|
|
|
2015-09-30, 15:33
|
رقم المشاركة : 8 | |||
|
مساء الخير الدورة جات في وقتها اختي تغاريد |
|||
|
|
|
2015-09-30, 16:57
|
رقم المشاركة : 9 | |||
|
مرحبا بكِ الفاضلة أم حفيظة |
|||
|
|
|
2015-09-30, 17:29
|
رقم المشاركة : 10 | |||
|
همسة جمالية
همسة جمالية : نسمات الهواء الباردة لاسيما الصبّاحية منها تؤدي إلى جفاف البشرة وظهور التشققات عند بعض النّساء لذا سنبدأ من الآن بترطيب البشرة لحماية من الجفاف 1-لا تنقصي من شرب الماء في الشّتاء اشربي بسخاء رايحين ان شاء الله نروحو عند بائع الأعشاب ونطلب ماء الورد الصالح للشرب يكون اغلى شوية من المستعمل للتجميل ادا ماغلطتش تجي قرعة تاع زجاج متوسطة ب 250 دج نحطو قطرات منه في قارورة الماء لي نشربو منها ريحتك تولي هايلة وجسمك يتغذى خاصة البشرة 2-بعض الزيوت المرطبة يمكنك استعمالها : زيت الزيتون زيت السمسم يرجع البشرة تاعك تلمع من الرطوبة زيت اللوز معروف انو غني بفيتامين E المغذي للبشرة شوفي واش عندك في الدار وحاولي ديريه وتخليه مدة على وجهك الان ديريها مرة في الأسبوع لكن كي يبدا البرد تاع الصحة ديريها مرتين في الأسبوع خاصة ادا كنتي تخرجي بزاف 3-قناع العسل + خميرة فورية + حليب خليهم ربع ساعة ومبعد شلي بماء دافئ مرة في الأسبوع 4-استعملي صابون دوف وشلي وجهك بماء ورد قبل النوم هادي كل يوم إيّاكِ أن تقتلي أنوثتك بهذه كل حاجة في وقتها : |
|||
|
|
|
2015-09-30, 17:59
|
رقم المشاركة : 11 | |||
|
السلام عليكم |
|||
|
|
|
2015-09-30, 18:11
|
رقم المشاركة : 13 | |||
|
أهلا حبيباتي مرحبا و سهلا و مبروك علينا إفتتاح الدورة و ربي يخليك و يوفقنا في هده اللمة الشيقة و الشكر الخاص للأخت تغاريد تسلمي و يوم الأحد على ما أظن مناسب لظروفي بإدن الله |
|||
|
|
|
2015-09-30, 19:53
|
رقم المشاركة : 14 | |||
|
وعليكم السّلام ورحمة الله وبركاته أختي ام آدم |
|||
|
|
|
2015-09-30, 20:30
|
رقم المشاركة : 15 | |||
|
يعطيك الصحة ام تغاريد راني نستني في التكملة وراح ننظم اليكم في هذا المشوار الشيق |
|||
|
|
|
| الكلمات الدلالية (Tags) |
| الشتاء |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
