مــــجلس **جوهرة رمضان**...حاص بقسم التدابير المنزلية

سمراء الدنيا · 2014-06-29, 11:14

السلام عليكم و رحمة الله و بركاته
رمضان كريم و كل عام و انتم بخير

نفتتح هده الصفحة للتشاور حول تحديات المسابقة

للاطلاع على المسابقة و على موضوع التحديات من هنا

انــــطلاق ** جوهـــرة رمـــضان**

شروط المسابقة
1_ لن يكون تأجيل لأي وقت لانتهاء التحدي .. يعني اذا حطينا تاريخ معين لا أحد يقول زيدوا المده .
2_ النقاط التي ستوضع ستكون نهائية وغير قابلة للتغيير .
3_ التقييم راح يكون من " اللجنة"+ **ضيوف شرف** يعني ما راح يكون فيه تحيز ابدا لأي احد فيكم ولن نظلم احد ان شاء الله ..
4-راح توضع النقاط على حسب القوانين المفروضه في كل تحدي " وبالتالي لازم تركزوا في موضوع التحدي جيدا " .
5_ إعادة الواجب ممنــــــــــــــــــــوع وما راح نشوف الثاني
6-يرسل تطبيق واحد وفقط ويكون نهائي
7-الاستفسار في المجلس

الـــــــــــتـــــحدي الاول

[IMG]**طبق دجاج مبتكر+ نوع من المخبوزات[/IMG]

**jumpsuit
ذو طابع رمضاني

**تزيين سلة لوضع المخبوزات الرمضانية

** طي المناديل الورقية

لا يفوتني أن أشكر الأخ عمر على التصاميم و على ادارة المسابقة

بالتوفيق للجميع

ايمان2009 · 2014-06-29, 14:02

اني هنا نستنى فالاسئلة تاع الباك ههههههههههههه

جوري لؤلؤة · 2014-06-29, 16:03

ايمان الاسئلة راهو حطها الاخ عمر في قسم الخياطة اضربي طلة ورديلي لخبر

جوري لؤلؤة · 2014-06-29, 16:07

لبنات الي عنها تفكار تطربني ونطربها انا بافكاري هكة نتشاورو ونوصو لنتيجة تفرح

ايمان2009 · 2014-06-29, 19:04

علابالكم شفت كلشئ صعيب ولا كي عدت جيعانة وعطشانة ماعرفتش نخمم خلي فالليل نصحصح ونزيد نشوف

جوري لؤلؤة · 2014-06-29, 20:05

ههههه صح فطوركم لبنات و صيام مقبول
وش كشما افكار جاتكم كي عمرتو لكريشة

ايمان2009 · 2014-06-30, 07:51

انا حيرني jumpsuit بطابع رمضاني دورت دورت في راسي مالقيت حتى معنى

سمراء الدنيا · 2014-06-30, 08:00

صباح الخير و النشاط و الحيوية و صح صيامكم
حاولت البارح نوضحليكم بعض الامور لكن الميكرو كان بالفرنسية و لازمني نطفيه و نعاود نشعلو و نديرو عربية و انا ما كنتش لاتيا بيه
ما عليش اليوم نتناقشو شويا في العمل

سمراء الدنيا · 2014-06-30, 08:03

لازم تقسمو المهام بيناتكم
شكون تخدم تحدي الخياطة
و شكون تخدم تحدي الاشغال اليدوية
و شكون تخدم تحدي المطبخ + التدابير

وهداك jumpsuit راهو ساهل خلاص مدامنا في السخانة ممكن يتفصل بكتان بارد و خفيف و الديكور من ليزيستغاس

سمراء الدنيا · 2014-06-30, 08:10

شوفو هاد المودال نتاع جارتي نقصتليها من الطول ..... و هدا راهو فخم و نتاع اعراس .... من كتان لاموسلين ... لكن احنا نحوسو حاجة بسيطة تناسب سهرات رمضان و السخانة ..... فقط بغيت نوريكم انو فصالتو ساهلا

و عجبتني طريقة تنسيق هاد الطاولة و عجبني طي المناديل

نبض الفؤاد · 2014-06-30, 08:42

صباح الخير ......أووووووووو....وشنو هذا؟؟؟؟
أنا قلت لكم ندخل غير الصباح.....أييييييييي
يا سمراء....الخياطة وقيلا البوبو.....مليح....والسلة مقدور عليها...الذجاج المبتكر؟؟؟
وطي المناديل ساهلة
وينكم يا جوري وإيمان.....؟؟؟

ايمان2009 · 2014-06-30, 08:44

اني هنا يعني يقصد بطابع رمضاني نديروه على شكل عباءة

ايمان2009 · 2014-06-30, 08:48

اني مازلت حايرة كون قصدو هكا راو قال قندورة ولا عباءة ماش جامبسويت اني خايفة نديرو حاجة نجيو بعاد خلاص على المطلوب

نبض الفؤاد · 2014-06-30, 08:52

وش صبحتي ختي....راحت عليك الصرعة نتاع نهار الاول؟؟؟؟

ساهل ....شفتي الاسم برك كبير ههههههه.....كل شيء ساهل بصح ما تنسايش....المنافسات شديدات.....

سمراء الدنيا · 2014-06-30, 08:53

لبنات ما شفتكمش في باقي المجالس .... ادخلو و شجعو زميلاتكم من الفرق الاخرى و حطو استفساراتكم عن كل تحدي في المجسلس المخصص ليه

[CENTER]قسم الاعمال الفنية

مجلس التشاور ..جوهرة رمضان.. للاعمال الفنية

قسم الخياطة

مــــجلس **جوهرة رمضان** هنا ملتقانا اليومي

قسم الكروشي

مجلس التشاور اليومي **جوهرة رمضان**

قسم التدابير

مــــجلس **جوهرة رمضان**...حاص بقسم التدابير المنزلية

قسم الطبخ

الملتقى التشاوري لمتأهلات مسابقة رمضان الكبرى

[B][SIZE="5"]