بيتك جنتك ورضاء ربك مبتغاك - الصفحة 3

ام امجد14 · 2013-01-20, 16:45

نرجو التثبيت

oummalak · 2013-01-20, 17:12

السلام عليكن واش راهي الاحوال
اليوم نهت على 5و45د توضيت صليت الفجر في وقته قرات 15ص من القران قريت الادكار
طيبت الفطور غير الخبز سخون مع الزيت الزيتون ولادي يموتو عليه
مشطت شعري درتلو شوي زيت اركان
لما فطرو وخرجو للمدرسة لميت القش الوسخ وضعتو فالمشينة اليوم درت3ماشينات
نشرت الي غسلاتو انتاع البارح
غرفتي مسحت الغبار وسيقتها مالجافيل وازيس واش نحكي نظافة ولمعان
زدت سيقت بيت التلفاز+بيت لبنات الدرج من فوق الى تحت والمدخل
زدت سيقت الهول ومسحت غبرة الميكرو وزدت سيقت غرفة الاولاد وبيت الغسيل والمطبخ
درت عدس للغداء ثم بعد ذلك طلعت للسقف متحتو بالجافيل وازيس وعاودتلو بنشافة نقية بالماء مسحت لاروزاس الي فيها النييو
غسلت الكونجيلاتور ورميت الي ما يصلحش
مسحت الثلاجة بالخل كانت نقية
وزدت وجدت دجاج مع البطاطا الصغيرة في بلا كي تجي السادسة نشعلو
اليوم درت اضراب ما درتلهمش القهوة انتاع العشية
وهذا كل شيء
الحمد لله الصلاة في وقتها
يالبنات خصنا نداومو ونوليو نصلو صلاة الضحى راهي فيها بركة عظيمة

oummalak · 2013-01-20, 17:13

اقتباس:

المشاركة الأصلية كتبت بواسطة ام امجد14

نرجو التثبيت

اتمنى ذلك حبيبتي

oummalak · 2013-01-20, 17:15

اقتباس:

المشاركة الأصلية كتبت بواسطة نبض الفؤاد

واش راكي تديري هنا ام ملاك ايا يا الله تكملي شغلك هههههههههههههههه
راني درت الفطور ونكمل ان شاء الله التطبيق

يا معين

راني نعسك وينتا تدخلي ههههههه

oummalak · 2013-01-20, 17:17

اقتباس:

المشاركة الأصلية كتبت بواسطة sabrina alg

هادا وين اتفتحلي الموقع راني قريت البرنامج نع اليوم
الحمد لله صلاة الفجر في وقتها بقالي الشغل ضرك نديرو باقصى سرعة باش نلحقكم

غير بالشوي عليك وما تعبيش روحك الي ما قدرتيلوش الصباح اخدميه مع العشية

oummalak · 2013-01-20, 17:19

اقتباس:

المشاركة الأصلية كتبت بواسطة دموع الانابة

راني معاكم بصح ما عنديش الماء ما جاتنيش العين للاسف

ما عليه اختي غير في غرضك حتي تجي العين واخدمي الي تقدري عليه

oummalak · 2013-01-20, 17:21

اقتباس:

المشاركة الأصلية كتبت بواسطة وفاء سعاد

مساء الخير عليكم راني درك واين خلصت وكلش في يسطر بصح الكوزينة تبرق مدرتش غير الكويزينيار والكونجيلاتور والاجهزة الاخرى نبدا من الصباح نضت عل 5سجيت الطابلة في الكوزينة ودرتلهم السفنج وغسلت الماعن وصليت ونوضتهم فطرو وراحو يقراو طليت عل المنتدى شوية وشفت البرنامج رحت للبيوت مسحت غبرتهم وتاع الاولاد نحيت الاوس وغلافات المخاد كي شفت في البرنامج نديرو القش وانا كان ماعنديش قلت نطبق حرفيا وكي خلتهم الصالو مضيف طليت عليه برك رحت للتلاجة طفيتها وحكمتها بالخل والازيس والجافيل ونشفتها وحطيت داخلها الفحم لامتصاص الروائح والافاني يعطي رائحة مليحة ونحيت تاع التريا تاوعي على شكل اجاصة وتفاحة وفرازة غسلتهم ونشفتهم وريديتهم كي خلصت السقف الغداء كان سلق مع البيض والكفتة وكاين الروطي تاني تاع ابارح تغداو الاولاد وغسلت الماعن وسيقت الدنيا كامل والان جيت معاكم

ما شاء الله ما عندي ما نقول فحاة ونحلة ربي يخليلك صحيحتك

oummalak · 2013-01-20, 17:23

اقتباس:

المشاركة الأصلية كتبت بواسطة bant khlil

البارح قبل ما نرقد غسلت المواعن تاع العشاء وسيقت الكوزينة وغسلت الطراشن بالجافيل وسيقت معاها الهول كي نضت الصباح راح ابني مع راجلي للمسجد الفجر ان توضيت وصليت وفريت 4 صفحات من القران بعد كل صلاة كحلت عيوني ومشطت شعري وجدت لفطور حليب بالخبز غسلت لماعن تاع الفطور بعد ما درت الكسرة ترطاب في هذاك الوقت كانت المرقة تاع الزيتون قريب طيب ناظ وليدي الصغير بدلتلو قشو وشربتو لحليب وهزيت الفش وفرزت الدار لقت الساعة 11 وقعدت نتفرج على12 تغدينا وغسلت لماعن وسيقت الكوزينة توضيت وصليت وقريت4 صفحات وقعدت مع الميكرو

ما شاء الله شاطرة واصلي معنا لكن ولكن ما تعبيش روحك

oummalak · 2013-01-20, 17:27

اقتباس:

المشاركة الأصلية كتبت بواسطة سمراء الدنيا

السلام عليكم
نضنا الحمد لله صباح ناشطين كملت الجانب الديني و فطرت لولاد و راحو و بروسيت سنيا و كحلت و مشطت و رحت للبيوت لميتهم و فوت النشافة و من بعد الهول لميتو و مسحت الغبرة و نقيت هاذ الميكرو كان يبكي على ايامو .... و مسحت التيلي و المدفاات و رحت للكوزينة درت الجلبان يطيب و غسلت لماعين و الكويزينيار و السقف و ما عنديش الثريا غير النيو .... سيقت الكوزينة و جا وقت لغدا لفريجيدار ان شاء الله هاذ لعشية نتلهى بيه

ما شاء اله عليك فحلة ونحلة كثري لعسل برك هههههههههههههه
ربي يعاونك على الفريجدار انا انتاعي راني نحشم نحط فيه الحوايج تالمو راه نضيف هههههه

ليلى القسنطينية · 2013-01-20, 17:28

في البرنامج تع اليوم نظفت الثلاجة و سقف المطبخ ما قدرتش ننظفو لأني عندي بيبي و ثريا تع المطبخ ما عنديش تريا طبعا مع الشغل اليومي و الروتين تع كل يوم ماعن و تسياق و غذاء و عشاء ...
بالتوفيق للجميع و المزيد من الحماس و النشاط

oummalak · 2013-01-20, 17:32

اقتباس:

المشاركة الأصلية كتبت بواسطة ام امجد14

السلام عليكم اسمحوهداوين انفتح المنتدى معى
نحيك اختى ملاك على البرنامج ربى يجعلو فى ميزان حسناتك
عجبتنى طريقتك فى طرح الموضوع وتنسيقك ما بين التنضيف اليومى و التنضيف العميق

وانا نقول الغزالة وين راها والله حتى انا المنتدى راهو مهبلنى
عندك الحق الخدمة مع الساعة حاجة اخرى ربي يعاونك حبيبتي

سهام دوسة · 2013-01-20, 17:59

شكرا اختي جزاكي الله كل خير وكل ما تتمناي

فراشات العمر · 2013-01-20, 19:49

السلام عليكم خلصنا اعشا وخبزت الكسرة للسحور لغدوة ان شاء الله رايحة نفسل لماعن القش غسلتو امس الكويزينيار ثاني غسلتها مسحت ماشينة لافي الفورنو التلفاز والميكرو راهي الدنيا تللش
بارك الله فيك على التنبيه لصلاة الضحى غدوة ان شاء الله نبدى نصليها

نافلة · 2013-01-20, 20:32

[SIZE="7"]

السلام عليكم و رحمة الله تعالى و بركاته
كراكم يا لحبابات
اليوم نضت الصباح درت القهوة مع الكعكة لي بقات من البارح وزدت حطيت شوية زيت زيتون زوجي يفضلو الصباح
كي خرجو بديت بالغدا درت سوب نتاع العدس مع لوبي اخضرا قطعة دجاج محمر مع بطاطا سوتي .....
و لميت الكوزينة وغسلت لماعين و لميت الغرف كنست الدار و البالكونة و فم الباب و بعد دقائق كلي ما درت والو الvو دسابل ماحبستش من البارح
الجانب الديني كثرت الاستغفار و الصلاة على النبي صلى الله عليه و سلم
الجانب الجمالي تنصيف الاسنان و تمشيط للشعر
و هديتي لحبيبي محمد صلى الله عليه و سلم هي نقولو بلي كل حاجة كنت ندير فيها و ناوية الاجر بها و راني علمت ابني سورة الاخلاص

[/SIZE]

نافلة · 2013-01-20, 20:36

لبنات واش هديتو لحبيبنا النبي عليه افضل الصلاة و السلام