انيروني تعيشو

[فافا مينوشة]

سلام عليكم أنا طلقت معنديش بزاف طلقة واحدة وبعد فشل جلسات صلح ...الخ
وراني في صدد باش يتم استلام النفقة بين قوسين فقط ( هو طلاق تم عن طريق اختو وامو راكم عارفين نظن ربي وكيلهم انا عندي بنت 6 أشهر مهم طلقنا وراح لي راح)
المشكلة الآن هو راه يبعتلي في رسائل سمحولي نتاع اشتياق و مرات نلقاه عند خدمتي كي يشوفني ينوض طونوبيل ويروح
من غير مرات يسال اخي الصغير عن احوالي واحوال بنتو
ويتصل بيا لكن منهزش لانو خلاص بينا كولشي
حبيت فقط نسقسيكم سمعت مؤخرا من وحدة تخدم معايا ختها جارتهم قالتلي بلي راهو في حالة يرتى لها وانو قاتلي بلي لعياط ديما في بيتهم ويقول ليماه انتي سبابي ...
اخواني تعيشو حياتي تخلطت وعييت والله ما فهمت وش ندير كان حاب يولي منقدرش نولي للجحيم نتاع عيلتو والله منقدر والكرية قالي بزاف عليا رغم انو حالتو المادية لاباس بها ...كانت عندو دار تساهمي نهار كنا مخطوبين راح كتبها باسم يماه وقعد راها غالقتها باطل قاتلو نزوجك هو رفض وحتا جارتهم لي نوتهالو كيما قالت هي هابلة عليها قاتلها انا منتزوجش في دار المهبلة وراهم هادرين عليا يسما خسرت كلشي
معرفتش عييت وكي نشوف في بنتي نزيد نعيا كتر والله ماعرفت خاوتي فيدوني وسمحولي كان طولت عليكم وربي يجازيكم خير

[zokhrofa]

سلام اختي فافا ههههههههههههه وراك وراك و الزمن طويل

انا نوّرتك من قبل و قتلك صلي صلواتك و ديري اذكارك و ديري كل يوم استخارة

ربي هو الوحيد لي يفيدك في هذا الأمر

و قتلك مادام راكي قررتي ما ترجعيش ليه علاش مزالك تهدري عليه سواء هنا او مع زميلاتك ؟

اطوي الصفحة ديالو و كونك مرأة قوية و قد قراراتك

انا لاحظت من نهار و انتي تكتبي مشاكلك انو الريح لي يجي يديك اسفة على الكلمة و انو قراراتك كلها مهضومة تقولي اليوم حاجة و غدوة تحكيلنا حاجة

مش بعيد غدوة تكتبيلنا انك رجعتي

اذا حددي موقفك

مادام انتي ماشي قادرة على شقاك علاش راكي تهبلي في روحك ولي ليه وخلاص

[فافا مينوشة]

المشاركة الأصلية كتبت بواسطة zokhrofa

سلام اختي فافا ههههههههههههه وراك وراك و الزمن طويل

انا نوّرتك من قبل و قتلك صلي صلواتك و ديري اذكارك و ديري كل يوم استخارة

ربي هو الوحيد لي يفيدك في هذا الأمر

و قتلك مادام راكي قررتي ما ترجعيش ليه علاش مزالك تهدري عليه سواء هنا او مع زميلاتك ؟

اطوي الصفحة ديالو و كونك مرأة قوية و قد قراراتك

انا لاحظت من نهار و انتي تكتبي مشاكلك انو الريح لي يجي يديك اسفة على الكلمة و انو قراراتك كلها مهضومة تقولي اليوم حاجة و غدوة تحكيلنا حاجة

مش بعيد غدوة تكتبيلنا انك رجعتي

اذا حددي موقفك

مادام انتي ماشي قادرة على شقاك علاش راكي تهبلي في روحك ولي ليه وخلاص

والله يا زخرفة علابالك تخلطت في مخي وكترو عليا الهداير وهو والله يا زخرفة وش جابو لخدمتي ومنعرف عييت حنونة والله معرفت ومنيش فاهمة روحي تحبي صح والله ياريت نرقد ونوض نلقا روحي في منام
منولييييش ابدااااا علاه نولي وليمن ربي يهدي برك والله صح مخلطة وقالوهالي حتا زميلاتي في العمل بلي راني نضرب ونخطي

[zokhrofa]

علابالي تخلطت عليك كي تكون امر فيه قلب فالوسط تتخلط خاطش القلب يقول حاجة و العقل يقول حاجة

لكن صدقيني انا مريت بأمّر من هذا و بالصلاة و الاذكار و الاستخارة قتلك نسيت اسمهم كامل و الحمد لله مرات كي نتفكر هذوك الناس نقول ياااااااااااااا كم كنت حنونة ههههههههه

لكن الحكاية ماشي طلاق

لذلك انا قتلك صلي و استخيري ربما ترجعو لبعضاكم و ادعي ربي يفتح عليه و يقدر يكري او يشري فالدعاء يغيّر القدر

[الأصيــل]

تقولي طلقة واحدة وتقولى احواله المادية لاباس بيها ويرسلك ويسال عليك وانتى تسألي على احواله ... كل كلامك يدل على انه تحبو بعضكم
ورافضين للطلاق ... على هذا...
الحل هو اتصلي بيه بأي طريقة تشوفيها مناسبة تلفون او اخوك او اي شخص يعرفه ويتفاهم معاه على الرجوع بشرط
يجيب ناس وإمام و يكون شرطك الاول هو سكن يكريه لك وخلاص ... وان شاء الله ترجعو لبعضكم

[nihal159]

أنا من رأي الأخ الجزائري الأصيل؛ أنت ضاهريا رافضة ترجعي تعيشي في دار العايلة و ترجعي للمشاكل و في نفس الوقت قلبك معلّق مع راجلك و رافضة وضع المطلّقة؛ و زوجك نفس الشي متمسّك بيك و يضلّ يتبّع فيك و يسقسي في خوتك عليك؛ و الله أعلم أنتي مازلتي فالعدّة و راجلك عندو الحق يرجعك.

[FATIHA131]

ربي يفرج عليكم ويجيب لي فيه الخير ليكم ولبنتكم

[sarajevo]

ahamedi rabi ki mazalo ykhamm fik kayan rejal ki ytalko ywalo yajero mor lbnate wyansaw g3 k kano matzawjin nakdab 3lik lokan jite ana wlah mankhalih mi il f tehatilo chorote bach tewalilo menha le istiklaliya 3la darehom kol wahad fihalo ana ki ja ytalakeni kan kilbahlole yasana fidarehom ydisqidiwlo ytalak wla lala wasmah fiya facilment malgerie kan ymote 3liya dok kharaj fiya g3 la3yob limaandehom hata ma3na kal k ana manti3och wakil hab yaksad manti3ch yamah

[فافا مينوشة]

المشاركة الأصلية كتبت بواسطة zokhrofa

علابالي تخلطت عليك كي تكون امر فيه قلب فالوسط تتخلط خاطش القلب يقول حاجة و العقل يقول حاجة

لكن صدقيني انا مريت بأمّر من هذا و بالصلاة و الاذكار و الاستخارة قتلك نسيت اسمهم كامل و الحمد لله مرات كي نتفكر هذوك الناس نقول ياااااااااااااا كم كنت حنونة ههههههههه

لكن الحكاية ماشي طلاق

لذلك انا قتلك صلي و استخيري ربما ترجعو لبعضاكم و ادعي ربي يفتح عليه و يقدر يكري او يشري فالدعاء يغيّر القدر

تعيشي حنونة ان شاء الله ربي ييسرنا الامور هدا مكان راني قع منيش فاهمة روحي

[فافا مينوشة]

المشاركة الأصلية كتبت بواسطة الأصيـ الجزائري ـل

تقولي طلقة واحدة وتقولى احواله المادية لاباس بيها ويرسلك ويسال عليك وانتى تسألي على احواله ... كل كلامك يدل على انه تحبو بعضكم
ورافضين للطلاق ... على هذا...
الحل هو اتصلي بيه بأي طريقة تشوفيها مناسبة تلفون او اخوك او اي شخص يعرفه ويتفاهم معاه على الرجوع بشرط
يجيب ناس وإمام و يكون شرطك الاول هو سكن يكريه لك وخلاص ... وان شاء الله ترجعو لبعضكم

المشكل هو راه متمسك انو يسكن مع لوالدة نتاعو هو صح راه يتصل ولكن منيش نهز خاصة وقت اتصالاتو في العشية وانا منكونش في العمل وعلابالك الاهل ودار خويا الصغير هو الي يتواصل معاه بزاف بيسك يلقاه ديما فلقهوة لانو خويا صاحبو عندو قهوة يضل تم راك عارف ليجان قالي نلقاه تم نحشم لا ندور وجهي ولا يكمل لحديت معاه ان شاء الله ياربي اخي الفاضل يعيشك

[فافا مينوشة]

المشاركة الأصلية كتبت بواسطة nihal159

أنا من رأي الأخ الجزائري الأصيل؛ أنت ضاهريا رافضة ترجعي تعيشي في دار العايلة و ترجعي للمشاكل و في نفس الوقت قلبك معلّق مع راجلك و رافضة وضع المطلّقة؛ و زوجك نفس الشي متمسّك بيك و يضلّ يتبّع فيك و يسقسي في خوتك عليك؛ و الله أعلم أنتي مازلتي فالعدّة و راجلك عندو الحق يرجعك.

فهمتيني نهال؟ والله راني بين نارين رافضة نرجع لدار العايلة عانيت بزاف نهال وكرهت راكي فاهمة وكيما قلتي طلاق مر والاهل مش دايمين وبنتي وحدي ومنوصلهاش في التربية لازم باباها وحرت كيما قالت زخرفة منيش حاكمة راي صحيح والله تخلطت

[فافا مينوشة]

المشاركة الأصلية كتبت بواسطة sarajevo

ahamedi rabi ki mazalo ykhamm fik kayan rejal ki ytalko ywalo yajero mor lbnate wyansaw g3 k kano matzawjin nakdab 3lik lokan jite ana wlah mankhalih mi il f tehatilo chorote bach tewalilo menha le istiklaliya 3la darehom kol wahad fihalo ana ki ja ytalakeni kan kilbahlole yasana fidarehom ydisqidiwlo ytalak wla lala wasmah fiya facilment malgerie kan ymote 3liya dok kharaj fiya g3 la3yob limaandehom hata ma3na kal k ana manti3och wakil hab yaksad manti3ch yamah

والله ياختي قتلو في جلسة صلح وقدامهم قع ادا حب نوليلك وتربي بنتك خلينا نستقرو ونتعاونو فلكرا يماه موراه موراه حتا خربتلو دارو هو مازال يتصل بيا ويسقسي على الطفلة مع خويا ويبعتلي ميساج بصح والله مني حابة هديك دار كرهتها يا لطيف وش تحبي ختي ربي وكيلو طليقك ان شاء الله تخرج فيه متعمريش راسك صح طلاق مر ولكن ربي يعوضك حنونة

[nihal159]

المشاركة الأصلية كتبت بواسطة فافا مينوشة

فهمتيني نهال؟ والله راني بين نارين رافضة نرجع لدار العايلة عانيت بزاف نهال وكرهت راكي فاهمة وكيما قلتي طلاق مر والاهل مش دايمين وبنتي وحدي ومنوصلهاش في التربية لازم باباها وحرت كيما قالت زخرفة منيش حاكمة راي صحيح والله تخلطت

والله يا أختي قطّعتيلي قلبي؛ لاحول ولا قوة إلا بالله؛ ربي يصلح بينك و بين راجلك؛ أدعي ربي سبحانو و رانا كامل ندعيو معاك ربي يفرّج عليك .

[بسمـة أمل]

ربي يصلح الاحوال
يا اختي شوفي لبنتك ...مدام الراجل لاباس بيه ارجعي
متخليش بنتك تعيش بدون اب .. و السكن ادعي ربي يفرج و متعرفي مين يجي الخير
بلاك تلقاو كراء و تستقروا
المهم شوفي لبنتك و ضحي من اجلها
متخليهاش تعيش التشتت بينك و بين باباها

[*** عبق الزهور ***]

السلام عليكم
ربي يفرج عليك ان شاء الله والله ربي اعلم شحال اثرت في حالتك وخاصة بنتك صغيرة ربي يكون معاك اختي
نقولك حاجة انت صلي استخارة وداومي على الاذكار كيما قالو لي قبلي وحطي النقاط على الحروف افمي روحك وش راكي حابة و وين حابة توصلي
اذا شايفة ان رجوعك رح يزيد يرجع المشاكل ارمي عليك واذا شايفة في امكانية ان الاحوال تنصلح ارجعي ولمي شكمل عائلتك
من حديثك باين انو زوجك حابك ترجعي على ذلك شوفي كيفاه تفريوها اذا قررت انك ترجعي قال حابة داري ومانيش حابة المشاكل مع اهلك هم في حدهم وانا كذلك واعتقد انو اذا كان حابك صح وحاب يلم شمل عائلتو يشوفلك حل خاصة انك راكي تقولي بلي وضعو المادي مليح وحتى وان كان كذلك انت خدامة قال نتعاونو في زوج على هم الزمان وصايي لكن قبل هذا افهمي روحك ملييييييييييييييييييييييح وش راكي حابة حاولي انك تبعدي على كامل الناس المحيطين بك لمدة حتى تقدري تخمي ومن بعد شوفي وش تديري
ربي يكون معاك ويوفقك ان شاء الله باذنه تعالى لن انساك من دعائي
ادعيلي نخدم في ليكونترول برك خخخ