اللي ترد راح ندعيلها في الصلاة - الصفحة 3

asmamajic · 2012-03-03, 19:49

حطي كاوكاو محمص ومطحون وضفيلو شوية سكر +شوية زبدة ذائبة+مبشور الليمون او ملعقة لفاني باش يتنكه الخليط ونشمخوه بماء الزهر لكن متكثريش ماء الزهر باش مايجرالكش الخليط
وانشاء الله جربيها وتعجبك

remadna · 2012-03-03, 19:52

كيما قالو الأخوات زيدي الزبدة
ربما مدة الطبخ تاعك طويلة

malikaa3 · 2012-03-03, 20:05

moi aussi je ne le sait pas

imi122009 · 2012-03-04, 13:33

okhti ana ndir lcawcaw merhi w sucre glace w la vanille w tlemi be bayadh lbayedh

هدايات26 · 2012-03-04, 14:08

انا دائما نستعمل الكوكاو+سكر+مبشور القارص+بياض البيض لكن ما نكثرش لذا تلقايني دائما اختار الحبة الصغيرة

والله عمري ماخرجتلي يابسة

سؤالي لك هل العقدة فقط تجيك يابسة اوحبة المشكلة

my lamis · 2012-03-04, 14:32

سلام ختي الغالية و ياريت تدعيلي ربي يرزقني بولد ولا بنت توّنس لميس
يا الغالية أنا وحدة خدمتي قاع بالكوكاو كل نوع نجربو ندير كوكاو
و المشكلة ثان درتها بالكوكاو و لميتها بالبيض يعني نفس المقادير باللوز + سكر + معطر + بيض حتى تجيني شادة روحها نقدر نعجنها عادي بصح البيض ديري بالحبة و خلطي
خطرة جريتها و زدتلها كوكاو و في طيابها قاع متخسرش و متخرجليش يابسة

oprah · 2012-03-04, 14:38

أنا ندير الكوكاو و شوية قرفه أو فاني تختاري نكهة وحده و قطرات برك نتاع ماء الزهر بش متيبسش و أنا باش تجيني طرية و ميبسش الكوكاو ندير صفار البيض نلمد بيه العجينة
و ندير زوج مغارف أكل دهان دايبه و السكر طبعا

هكدا جامي يبستلي

soumay12 · 2012-03-04, 14:52

اختي اسكندريات او مشكلة دون بيض ما تصراش راح يخرجلك العقدة

تقدري ديري دزيريات بالكاوكاو عادي اومشوك راه مليح

موفقةةةةةةةةةةةةةةةةةةةةة

gougue · 2012-03-04, 15:08

اقتباس:

المشاركة الأصلية كتبت بواسطة هدايات26

انا دائما نستعمل الكوكاو+سكر+مبشور القارص+بياض البيض لكن ما نكثرش لذا تلقايني دائما اختار الحبة الصغيرة

والله عمري ماخرجتلي يابسة

سؤالي لك هل العقدة فقط تجيك يابسة اوحبة المشكلة

الحبه كامله وخاصة الحشو ومن ردود الاخوات رب يقدرني نردلهم الخير راني نشك بلي الفرن نتاع ماما ماشي مليح على خاطر جربت فيه حلويات وماجاتش بنفس الجوده لما نعاودهم في فرني نتاع داري انشاء الله نعاود المشكله في داري لاني جامي سييتها في فرني ملاحظه الفرن هذا مدة الطياب نتاع اي قاطو تكون ضعف المده في الفرن العادي وتكون النار خفيفه جدا والاتنحرق مباشره بعد ادخالها في الفرن

gougue · 2012-03-04, 15:49

اقتباس:

المشاركة الأصلية كتبت بواسطة my lamis

سلام ختي الغالية و ياريت تدعيلي ربي يرزقني بولد ولا بنت توّنس لميس
يا الغالية أنا وحدة خدمتي قاع بالكوكاو كل نوع نجربو ندير كوكاو
و المشكلة ثان درتها بالكوكاو و لميتها بالبيض يعني نفس المقادير باللوز + سكر + معطر + بيض حتى تجيني شادة روحها نقدر نعجنها عادي بصح البيض ديري بالحبة و خلطي
خطرة جريتها و زدتلها كوكاو و في طيابها قاع متخسرش و متخرجليش يابسة

اللهم يا سامع الدعاء و كاشف البلاء ارزق لميس وابني عبد الله اخوة صالحين مصلحين حسني الخلقة و الخلق عاجلا غير اجل انك ولي ذلك والقادر عليه

my lamis · 2012-03-04, 15:53

اقتباس:

المشاركة الأصلية كتبت بواسطة gougue

اللهم يا سامع الدعاء و كاشف البلاء ارزق لميس وابني عبد الله اخوة صالحين مصلحين حسني الخلقة و الخلق عاجلا غير اجل انك ولي ذلك والقادر عليه

آآآآآآآآآآآآآآآآآآآآآآمييييييييييييييييييييييييييي ييييين يا رب نشالله يسمع منك و مني يارب
و نشالله تكوني من أهل الجنة بدعوتك يا الغالية

medmedi · 2012-03-04, 17:52

شوفي اختي الديفو ماشي في البيض الديفو في الفور على حساب وش فهمت القاطو يطول وهو يطيب ولهذا السكر الي فيه يتكرمل يعني يتحرق ويجيك القاطو يتعلك وبالناسبة للمشكلة او العقدة ,مدة الطياب ما تفوتش 25 دقيقة اما القاطو انتاعي راكي تلقايه هنا في المنتدى

mamia20 · 2012-03-05, 16:12

ديري كاوكاو + سكر رطب + شوية ماء زهر + ملعقة كبيرة زيدة طرية

younes meg · 2012-03-05, 16:26

السلام عليكم كوكاو سكر عادي زازت الليمون وتلمي بلبيض مع ملعقة كبيرة سمن وصل اللهم و سلم على محمد وشكرا .

omanis · 2012-03-05, 18:24

اختي انا نعطيلك السر راهو في التعسيل يعني زيدي شوية ماء الزهر في العسل و خليه داخل الكسرونة تاع العسل دقيقتين تم انزعييه
وطبعا لا تكتري البياض في العقدة و الله و لي التوفيق