اريد طريقة طاجين الحلو يكون اصفر

فوزية1975 · 2014-07-08, 16:21

يعني لاصوص نتاعو ما تجيش ما ئلة للسواد اريد كيما الي في الصورة عملت كم طريقة لكني مانجحتش

soha1987 · 2014-07-08, 19:31

اختي دخلت علاجالك
هاكي طريقة ماما لي هيا ذبلي اللحم مع بصل وشوية زبدة ومن بعد زيدي عود قرفة وشريحة قارص ومرقي وكي يطيب اللحم صفي ورجعي اللحم وعود القرفة والبرقوق والمشمش والزبيب لازم يترنخو من قبل وكي صضفيت المرق ضيفيهم ليه وضيفيا السكر انا كي ندير ندير مع الاول 5 مغارف كبار وكي نشوفو ماشي عاقد نزيدو طبقيه ودرك تشوفي يجك اصفر وبنين يهبل
ردي بالخبر وماتنساينيش بدعوة في هاد الشهر

فوزية1975 · 2014-07-08, 20:19

شكرا لكي ربي يعطيك واش تتمناي اختي نرنخو في ماء بارد او سخون و نخليهم يغليو بزاف او نحطهم يغليو شوية و نطفي

أم الفرسان · 2014-07-08, 21:04

أم الفرسان · 2014-07-08, 21:14

أختي الصورة الأولى طاجين الحلو نتاعي تاع العام الماضي والثانية نتاع هذا العام
إن شاء الله يعجبك
نصيحتي الأولى لك فوري الفواكة المجففة وما ترنخيهاش في الماء
أنا منديرش البصلة ندير اللحم والزبدة أو السمن مع عود قرفة ونجمة الأرض ونزيدلهم 3 مغارف سكر
وقبل ما نرمي الماء ندير رشة زعفران ونمرق بالماء ولما يطيب اللحم نرمي الفواكة المشمش والزبيب وأي فاكهة أخرى وخلي العوينة آخر حاجة وزيدي السكر حسب الرغبة والذوق وطفي النار ودير يشوي فانيليا ورشة سخية من ماء الزهر زيني كيما تحبي
إن شاء الله تكون الطريقة واضحة وأي سؤال انا في الخدمة جربيه ورديلي الخبر
صح صياامك

soha1987 · 2014-07-08, 23:22

اقتباس:

المشاركة الأصلية كتبت بواسطة فوزية1975

شكرا لكي ربي يعطيك واش تتمناي اختي نرنخو في ماء بارد او سخون و نخليهم يغليو بزاف او نحطهم يغليو شوية و نطفي

لالا ماء بارد ولوحيههم كي يطيب اللحم وتكوني درتي السكر قبل وخليهم يغلو وشفي لكان عاقد ولالا وحتى يعقد طفي
ممممم راو بنبنن هادي وصفة امي تهبلللللللل خير منها ماكانش
شكر ا على الدعاء

pomaria_aindefla · 2014-07-08, 23:36

الي يدير السواد في المرق هو القرفة غبرة و العين أو البرقوق