**كعكة البرتقال من مطبخي **

[*أم جابر*]

السلام عليكم ورحمة الله و بركاته

في الحقيقة كان عندي غير 3حبات بيض و كنت لازم اندير حاجة للقهوة و ما كانش اللي يروح يشريلي امالا درت هذي الكعكة و جات بنينة و خفيفة
المهم درت 3حبات بيض +كاس سكر+1كاس حليب+1كاس ماشي معمر زيت +باطة تع لابال معمرة بالفرينة نقصت شوية ماعمرتهاش كامل باش اجي خفيفة +2باكيات خميرة الحلويات +لافاني لوصفة تع كيكتي الانيقة برك نقصت الفرينة هاوليك الرابط https://www.djelfa.info/vb/showthread.php?t=1722051
ضربو بالخلاط البيض+السكر حتى يبياض الخليط +الفانيليا+الحليب+الزيت +(الفرينة+الخميرة)

وديريها في المول المدهون بالزبدة والمرشوش بالفرينة
بالنسبة للكريمة من نهار شفتها و انا معتمدنها في معظم كعكاتي و الله رائعة بزاااااااف وهي لاكرام تع الاخت فاطمة ربي يجازيها خير https://www.djelfa.info/vb/showthread...DD%D1%C7%D4ه\ا الرابط
و خدمت شاربات ب1كاس سكر +كاس ماء و خليتهم غلاو شوية باش نشربوا الكعكة
اما بخصوص كريمة البرتقال عصرت ابرتقال مقدار تع 2 حبات +2مغارف مايزينة و السكر حسب ال\وق +شوية ملون برتقالي ولا زعفران +السكر حسب ال\وق انا درت 3مغارف لان البرتقال حلوة
و تقدري اديريه بالعصير اللي يتباع
بعد ما طابت الكعكة و بردت قطعتها و شربتها امبعد حشيتها بالكريمة ودرت الطبقة 2 من الفوق امبعد رجعتها للمول من الافضل المول اللي يتنحى القاع ديالو
و فرغت كريمة البرتقال من الفوق و خليتها حتى جمدت الكريمة تع البرتقال و هذى النتيجة نتمنى تعجبكم

[ام رويدة]

رائعة يعطيك الصحة وبصختكم

[ام هاديل وياسين]

الله يبارك ام اسيد خرجتلك رووووعة بصحتك

[maryouma46]

رووووعة يعطيك الصحة

[أم لجين هيثم]

هايلة يعطيك الصحة

[ام سوهيل]

يعطيك الصحة حنونة انا درتلهم لمونة وحشيتها بي كريمة البرتقال وغطيتها بي الشكلاط من فوق

[lamia zina]

ما شاء الله خرجتلك هايلة

[idron0]

باااااااااارك الله فيك اختي ربي يحفظك ان شاء الله

[touta :)]

رووووعة يعطيك الصحة

[أم عبد الكريم]

الله يبارك يعطيك الصحة

[جيجلية]

ماشاء الله

جات هايلة

طبقتي المثل القائل

الحاجة ام الاختراع

[*أم جابر*]

بارك الله نورتم الموضوع

[أم الحبايب 26]

مشالله خرجتلك راوعة و بماقدير باسيطة يعطيك اصحا

[*أم جابر*]

الله يسلمك اختي ام الحبايب مرورك الاروع