هاياااا اي جاتكم البندراق تفضلن

[لينة المتفائلة]

راني جيتكم وجبت معايا الجديد وهاذي المرة البندراق [IMG][/IMG]
رايحين نبداوها على بركة الله
اول حاجة واشنو هي البندراق او كيفاه تجي
هايليك تتشرى كيما هكذا تشبه شوية للسلق
[IMG][/IMG]
ونقيوها نفس التنقية نتع البندراق وباه نقطعوها لا زم تتقطع رقيق بزاف
دركا وحنا نقيو فيها لازمنا نسهلو على روحنا كل ما نقيو عرق نتع بندراق نحكموه في يدنا حتا يشكلنا حوزة كيما نسميوها بلهجتنا يعني هكذا
[IMG][/IMG]
ونستفوها في السينية تانيك كل حوزة وحدها هاذا كامل باه نسهلو على روحنا طريقة الجدود ناس بكري كانو يديرولها هكذا ولوكان تدخلو لاي بيت تقرتي راح تلقاوهم يديروةها بهاذي الطريقة
[IMG][/IMG]

شفتو كيفاه حتى نكملو البندراق ليعندنا
دركا نروحو للتقطاع نتاعها
شفتو الحوزة لي حكمناها من قبل
ايه هاذي
[IMG][/IMG]
نبداو نهزو بالوحدة بالوحدة او نقطعوها شوفو كيفاه تتحكم او كيفاه تتقطع

[IMG][/IMG]

[IMG][/IMG]

[IMG][/IMG]
شوفو كيفاه تجي رقيييييقة
[IMG][/IMG]
نروحو دركا نغسلوها لازم تتغسل مليح حطيناها في كسكاس و بدينا نفرغو عليها ماء غزير شوفو كيفاه هههه
[IMG][/IMG]

[IMG][/IMG]

خلاص دركا كملنا البندراق نتاعنا او وجدناها
شوفو خليناها تقطر ملييييييييييح

[IMG][/IMG]

دركا نروحو للحوايج لي نحتاجوهم
نجيبو البندراق نتاعنا نحطوها في الكسرونة لي راح طيبي فيها
[IMG][/IMG]
وهاذو اللي نحتاجولهم
الكابو و الباطاطا و البصل و الملح و الزيت و الفلفل الاحمر اليابس و الاخضر الحار و لحم الخروف + الذيل لازم يكون مملوء شحم سر البنة اكييد + الفول اليابس ايلا متوفر عندك الحجم الكبير ايلا مكانش معليش ديري الرقيق
[IMG][/IMG]
[IMG][/IMG]
[IMG][/IMG]

هذا الديل
[IMG][/IMG]
وهاذي كمية اللحم
[IMG][/IMG]
[IMG][/IMG]

نبداو في ترتيب المكونات نتاعنا في الكسرونة
نضع البندراق بعدها يجي الفول بعدها الخضر واخيرا اللحم و الفلفل الحار
الصور توضح
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
ونديرولها الملح و الزيت ونخليوهم على نار قليييييييييلة بالاكو ديرولها الماء راني نبه خاطر البندراق كيما السلق راها تطلق الماء شوفو ماما مدارتلهاش الماء لكن شوفو قداه طلقت
[IMG][/IMG]
[IMG][/IMG]
[IMG][/IMG]
بعدها كي طيب الخضر و الفول و اللحم نحيو اللحم نتاعنا و لي ميحبش تجيه حارة ينحي الفلفل ونبداو نهرسو فيها بلاكم كاش وحدة تقول نرحيها في الروبو هاذا غلط
[IMG][/IMG]
شوفو طريقة الهرس
[IMG][/IMG]
[IMG][/IMG]
[IMG][/IMG]
[IMG][/IMG]
حتى تعود هكذا
[IMG][/IMG]
ونرجعوها تتجمر
شوفو يعاود الماء نتاعها يطلع لاكن بالاكو تغفلو عليها تتحرقلكم من الاسفل وتوليو تقولو الوصفة نتع لينة مش مليحة بالاكو
[IMG][/IMG]
[IMG][/IMG]
في الاخير شوفو كيفاه تولي ماش جارية او مش ناشفة
[IMG][/IMG]
[IMG][/IMG]
[IMG][/IMG]

وهذا الكسكس عادي طيبوه هاوليك
[IMG][/IMG]
وهنا كملنا الطبق نتاعنا واخيراا
[IMG][/IMG]
[IMG][/IMG]

شكلو يشهييييييييي
[IMG][/IMG]

هاني كملت والله تعبت وانا نحط في الموضوع ان شاء الله تجربوها يالوكان بالسلق لكن تاكدو بلي البنة ماراحش تجي 100/100 كيما البندراق لكن المهم دوقوها

[IMG][/IMG]


بعض المعلومات من طرف العضوة ana7anane

المشاركة الأصلية كتبت بواسطة ana7anane

يعطيك الصحة اختي لينة والله جوعتيني حبيت نقول للي ما يعرفش البندراق راهم يقولولو في قسنطينة البرتقالة ولا البرتقانة ما نيش متاكدة و زيد في المشرق العربي يسموه البقلة و في مصر تحديدا الرجلة و هذا واش يقولو عليه في ويكيبيديا
تسمى في بلاد الشام البقلة، وتعرف في بعض المناطق بـ، وفي مصر تعرف بـ الرجلة، وفي بعض دول الخليج تعرف بـالبقلة المباركة ورشاد وحرفات وفارفا وبربين ونحلة وفرخو " لوينة " و " بويردة".
وتسمى في جنوب الجزائر البندراق والبرطلاق
اعتبرت البقلة ولفترة طويلة نباتاً طبياً حيث أنها تحوي على نسبة بيتا كاروتين عالية أكثر من السبانخ، بالإضافة إلى المستويات العالية للمغنيسيوم والبوتاسيوم وفيتامين ا، وسي، واستعملت لمعالجة اوجاع الرأس والمثانة ولشفاء القروح ولطرد الديدان ولشفاء ضربة البرد والاصابات بمسحوق البارود. وبشكل عام فقد استخدمت تاريخيا كعلاج للروماتيزم.
في الطب الصيني التقليدي, استخدمت البقلة لإزالة الحرارة والمواد السامة، وايقاف النزيف، إضافة لاستخدامها في علاج امراض التنفس. وفي الطب الصيني الهندي والقبرصي تستعمل ازهار واوراق البقلة لمعالجه امراض كثيرة ومنها : التهابات الجلد، الاكزيما، الباسور والتهابات في المسالك البوليه والرئتين ولتحضير الضمادات ضد الحروق، فقد بينت الدراسات التي اجريت في المختبرات ان البقلة تحوي مواد مضادة للجراثيم والفطريات.
تستعمل البقلة هذه الايام لتنقيه الدم ولمعالجة التهابات اللثه وذلك عن طريق مضغها.

[أم إناس]

بارك الله فيك وصفه جديدة مانعرفهاش يعطيك الصحه

[لينة المتفائلة]

وفيكي باركة اختي شكرا على المرووور

[بشرى2008]

حكالي عليها خويا كي راح لعرس صاحبو في تقرت
عمبالو دايرين سلق في آلكسكس

[لينة المتفائلة]

ايه وقالك بنينة او ننن ؟؟؟؟
ايه يا ختي هايلة والله وصيوه يجيبلكم منها او جربيها كاين حتى لي يشريها يابسة من عند العشاب بصح تلقايها غير في تقرت

[fatihaali]

كيفاش تتكل ................تسقيو بيها البربوشةولا كيفاش...................................هل لحم الدجاج يصلح لهاذ الوصفة ام لا

[لينة المتفائلة]

تتسقى كيما تسقيه بمرقة حمرا او تخلطي عادي كيما طعام لوخر بصح متجيش بالدجاج

[mounia hse]

شكراااااااا حبوبة على الوصفة
يعني لوكان ندير السلق تجي نفس الذوق
انا نجرب الوصفة هذيك لتشبه لكسكسي نهار الجمعة ان شاء الله نجربها و مبعد نشري سلق و نجربها
بارك الله فيك

[لينة المتفائلة]

ان شاء الله اختي لكن كي تجي تجربي البندراق ماديريش نفس الكمية لي درتها لانو هاذي حنا بعتنا مها حتى للجارة
وان شاء الله نشوفو تطبيقك

[مدونه جمالك مهم]

بارك الله فيك

[لينة المتفائلة]

شكرا لمرورك اختي شرفتيني

[مدونه جمالك مهم]

وصفه رائعه تسلم ايديكى
الحواوشى بالطريقه السعوديه رهيب

مدونه جمالك مهم

[lyzzabel]

شكرا حبيبتي على الوصفة الجديدة و الشهية ،، يعطيك الصحة على المجهود و ربي يخليلك ماماك و يعطيها الصحة

[لينة المتفائلة]

شكرا لمروركن علابالي راح تكون وصفة جديدة على قداش من وحدة فيكم

[ضحى تسابيح]

مشكورة أختي وبارك الله فيك و جزاكي كل خير