اليوم مررت بمركز الطرود البريدية بقسنيطينة

[chdjamel30]

السلام عليكم

سبق وان طرحت هذا الموضوع بخصوص عدم وصول احد طرودي https://www.djelfa.info/vb/showthread.php?t=1746388

اليوم ذهبت لمركز الطرود بقسنطينة والنتيجة قالوا لي ان الطرود الخاصة بولاية باتنة لا يتم فتحها هناك و انما يتم فتح الطرود الخاصة بقسنطينة وبعض الولايات المجاورة كجيجل و أم البواقي حوالي ست ولايات على ما

أعتقد . أما الخاصة بباتنة فيتم ارسالها لمركز الطرود بباتنة و قال نحن بمثابة مركز عبور بالنسبة للطرود الذاهبة لباتنة و أروني كيسين من الطرود الذاهبة لباتنة و التي قال أنها تذهب في كيس بقفل خاص بالبريد و آخر خاص

بالجمارك و لا يتم فتحهما الا بحضور مممثل من الطرفين و حتى أنهم اروني المراسلات الخاصة بالطرود التي قدمت في شهر ديسمبر و الغريب انه لم أجد فيها رقم التتبع الخاص بطردي رغم ان مركز بئر التوتة قالوا لي انهم ارسلوها بتاريخ 18 ديسمبر ؟؟؟

الخلاصة اعتقد فعلا ان الطرود الخاصة بولاية باتنة يتم فعلا تفتيشها بباتنة .

اتصلت بأحد اقاربي في جمارك باتنة وقال لي غدا سيفستفسر عن الطرد الخاص بي في باتنة . وقال لي ان الطرود لا تعود الا بعد مضي ثلاثة اشهر. غدا سنرى .

[chemseddine]

إن شاء الله خير

[jawaad]

والله يا خويا حتى انا من باتنة و نفس الحكاية صراتلي رحب لقسنطينة و هكا قالولي ، درك الطرد نتاعي فات عليه 60 يوم و لا شيء جديد ، رحت للبريد نتاع باتنة ، قالي نعم حنا لي نفتشوهم و كي ستفسرت على الطرد نتاعي قالي وسمك ، كي قتلوا قالي للآن ما لحقناش طرد خاص بهدا الإسم !!

والله حرت الطرد تاعي مند 2 اشهر و انا انتظر !

[chdjamel30]

تجي تفهم دوخ مواقع التتبع تقول السلعة دخلت الجزائر

مركز بئر التوتة يقلك بعثناها

ومبعد شهرين ماكان والو؟؟؟؟

[الحاج انطوان]

ان شاء الله خير وابقينا على اطلاع الا بانلك كاشما جديد

[chdjamel30]

ان شاء الله

[jawaad]

oui khouya markaz touta gali le 22 sel3a b3atnaha l constantine , ki roht l constantine galouli telgaha fi batna ki roht l batna galouli makan walou , sel3a win rahi allaho a3lam

[chdjamel30]

والله تحير معاهم وين راحوا الله أعلم . كاش ما بنلك جديد خبرنا.

[chdjamel30]

فيها ان السلع هاذي اللي جات في منتصف ديسمبر

اذا كان ممكن نعملوا حاجة حنا اللي اختفت سلعنا في هاته الفترة.

[jawaad]

والله ربي وكيلهم وما نسكتوش على حقنا يا خويا ، كاش نهار نتلاقاو ونروحولهم

[samy algerien]

اريد معرفة هل بسكرة تابعى لجمارك قسنطينة ؟

[nassim1]

اذا بقي الحال هكذا
لن اشتري من النت مستقبلا

[chdjamel30]

احد الاعضاء نصحني بوضع شكوى لدى البريد لمعرفة مصير السلعة

و اليوم استفسرت من زميل لي يعمل كقاضي نصحني بوضع شكوى لدى البريد

فان ظهرت السلعة عادي و ان تلقيت جواب بفقدانها او لم يردوا عليا في مدة ثلاثة اشهر على ما اعتقد اضع شكوى ضد ادارة البريد

في حد ذاتها. جاري اتخاذ الخطوات اللازمة و الله ما ني سامح في حقي.

[" رَائِد المًسْتَقْبَـــل "]

المشاركة الأصلية كتبت بواسطة jawaad

oui khouya markaz touta gali le 22 sel3a b3atnaha l constantine , ki roht l constantine galouli telgaha fi batna ki roht l batna galouli makan walou , sel3a win rahi allaho a3lam

نستنتج ان السلعة و هي رايحا من قسنطينة لباتنا سرقوها بالاك الشوفوور داها