الجزء161 من كوزينة واش طيبتي اليوم .....فعلا يا حراير الكوزينة اثبتن محبتكن واخوتكن الخالصة - الصفحة 3

أم اسيل · 2016-03-13, 20:05

عشايا اليوم

karimazaki · 2016-03-13, 20:38

مبروك افتتاح الكوزينة و انشاء الله تكون كوزينة اللمة و الخيرات

ام عبدو و ملاك · 2016-03-13, 20:45

ام حبوبة هادا شوي طياب من الارشيف حتى نطيب الجديد ان شاء الله

ام سارة18 · 2016-03-13, 20:52

دخلت على باروك ام ابراهيم يدي لعقل ماشاء الله ربي يحفظك
وحلويات ريتاج والصابرة وفاطمة قالمة وعشاء ام اسيل وارشيف ام عبدو وقاطو رزيقة بصحتكم كامل
اهلا بالاخت كريمة ان شاء الله تعجبك لمتنا وتحطيلنا طيابك نستمتعوا بيه
ام حبوبة خممي في التطبيقات الي تقترحيهم علينا بشرط يكونو ساهلين مايدوش الوقت خخخخ

lahna moka · 2016-03-13, 20:52

يا عمري شكون حلّت الكوزينة موااااااااااااح نموت على خفة دمك يا حلوة يا أمّورة
ربي يجعلها فال زين عليك و علينا يا رب
تفضلي ربي يحلّي أيامك

حياة نور الدين · 2016-03-13, 21:02

تفضلوا عشايا

بقالي جلبانة من البارح زدت معاه ليزابا بالبصل والفرماج امممم

ودرت تشيشة تاع القمح بالحليب وزيت الزبتون

ام عبدو و ملاك · 2016-03-13, 21:09

اخت لهنا المقروط يقتل تعيشي حطيلنا الوصفة
حياة بصحتك العشا يشهي

ام احمدي · 2016-03-13, 21:27

السلام عليكم
ام حبوبة الف مبارك الكوزينة حنونة
ام عبدو وملاك بليييييييييييييز شفتك في كوزينة ام جوجو حطيتي قراتان البسباس بالحليب ياريت الرابط
لهنة المقروط روووووووووعة يسلموووو فكرتيني في حنان الغالية
البنات راكم كامل فور يعطاكم الصحة

Oum Habouba · 2016-03-13, 21:31

اقتباس:

المشاركة الأصلية كتبت بواسطة حياة نور الدين

كوزينة مربوحة اختي ويعطيك الصحة على استضافتنا ربي يقدرنا ونعمروهالك بالخيرات الف الف مبرووووك

تفضلي باروكي

حلوى اللمبوط طااازة

حياة الغالية تسلميلي يا حبووبتي راكي زهيتيلي الكوزينة الله يزهي ايامك والله يفتح عليك

اقتباس:

المشاركة الأصلية كتبت بواسطة ام هدول

جبتلك تميرات حلوين اممممممممممممممم
باش تبقى كوزينتك حلوة

ام هدول امممم على التميرات حلوين كيفك شكرا حبيبتي على الباروك

اقتباس:

المشاركة الأصلية كتبت بواسطة أم سدرة

[IMG]

[/IMG]
تفضلي باروكي ام حبوبة

ام سدرة اهلا اهلا وتسلمي عزيزتي على الباروك

اقتباس:

المشاركة الأصلية كتبت بواسطة حياة نور الدين

حياة دوختيني الله الله تسلمي

اقتباس:

المشاركة الأصلية كتبت بواسطة ام سارة18

الف مبروك افتتاح الكوزينة الجديدة وان شاء الله تنعاد علبنا وعليك بالبركة وتكون كوزينة النشاط والمحبة وتتعمر بالخيرات من يدين الحراير الفحلات ونشكرك ماخليتيناش برا وان شاء الله تجي زاهية بروحك المرحة والطيبة نحمل باروكي ونجي
سفنج ديرتو هاد لعشية الحبة ديرتها قد البالون خخخخ
ههه ام سارة والله مايلحق السفنج نتاعي تقول لابوي وتسلميلي على الباروك الله يفرجها عليك

ههه ام سارة والله مايلحق نتاعي تقول لابوي نتاع البحر وتسلميلي يا الغالية والله يفرج عليك حنونة

اقتباس:

المشاركة الأصلية كتبت بواسطة omjoujou

الف الف الف مبروك افتتاح جزء جديد من الكوزينة عميرتي ام حبوبة ان شاءالله تكون عتبة خير عليك وعلينا

[IMG]

[/IMG][/IMG]

ام جوجو عميرتي كوزينتك فاتت روووعة واكيد كيفك حبيبتي وشكرا على الحلو يا حلوة

اقتباس:

المشاركة الأصلية كتبت بواسطة رزيقة16

يا عمري و الله غير يعطيك الصحة حنونة كنا برطميتينا الله اخليك حبيبتي و يحلي ايامك ا ايامنا الف مبروك الكوزينة

الله يجعل ايامنا كلها حلوة و يدوم المحبة و اللمة لي جمعتنا

رزيقة شكرا مع انو كي نقرا اسمك راها تحكمني البردة هههه الله يكملك ونفرحو بيك

اقتباس:

المشاركة الأصلية كتبت بواسطة oum ibrahim

مساء الخيرات يا الحراير كوزينة مبروكة ام حبوبة المحبوبة ماشاء الله عليك عندك خفة دم و روح ربي يدوم عليك الفرح
باروكي حلويات كنت درتهم من مدة
بسم الله

والحمد لله حمدا كثيرا طيبا مباركا فيه
عشايا مودر من بعد نراجع و نرجع بارقام و تعاليق كما تقول ام اسلام و اية الي توحشناها اذا راكي تشوفي فينا ادخلي حبيبتي توحشناك

ياااااا ام ابراهيم شوفي لارض دارت بيا ماشاء الله لاقوة الا بالله شوفي كل وصفة اعطيني كيفاش وعلاش وقتاش

اقتباس:

المشاركة الأصلية كتبت بواسطة fatima guelma

مساء الخير يا لحراير واش راكم
مبرووك عليك الكوزينة ام حبوبة ان شاء الله تدخليلها بالخير و تكون زاهية و خفيفة
هذا باروكي لحلو
url=https://up./]

[/url]

تسلمي يا فاطمة على الحلو والله يشافيلك ميمتك

اقتباس:

المشاركة الأصلية كتبت بواسطة الصابرة المحتسبه‎ ‎

مبارك عليك الكزينة حبوبة الحبوبة بعض اطباقي وباروكي تستاهلي ياجيل كل خير

اممممم يا الصابرة اتاريك مش سهلة وين كنتي مخبية هدا الشيئ رائع رائع تسلميلي حبيبتي

اقتباس:

المشاركة الأصلية كتبت بواسطة ريتاج 09

ام حبوبة الحبوبة مبروك عليك افتتاح الكوزينة ربي يجعلها عامرة بالخيرات والمسرات
تفظلي باروكي كاين القديم والجديد

ريتاج تسلميلي يا سكرة على الباروك ونقبل كلللشيئ القديم والجديد وحتى المسيرج

اقتباس:

المشاركة الأصلية كتبت بواسطة الصابرة المحتسبه‎ ‎

رواااائع

اقتباس:

المشاركة الأصلية كتبت بواسطة أم اسيل

عشايا اليوم

ام اسيل حبيبتي ماتعبيش روحك حنونة والله يعطيك وقفة ساهلة حنونتي مشكوووورة

اقتباس:

المشاركة الأصلية كتبت بواسطة karimazaki

مبروك افتتاح الكوزينة و انشاء الله تكون كوزينة اللمة و الخيرات

مرحبا اختي وان شاء الله تكون

يفي الفرحة معانا واللمة

جزائرية 16 · 2016-03-13, 21:38

السلام عليكم مممممممممممممممممممممم يعطيكم الصحة كلشي رووووووووووووووووووووووووعة شهيتونا
مبروك عليك افتتاح الكوزينة اختي ام حبوبة
حاولت نحط الباروك و لكن ..ولا مركز حاب يرفعلي الصور

أم اسيل · 2016-03-13, 22:04

القناعة كنز · 2016-03-13, 22:09

هذا باروكي من الارشيف حت نجيب الجديد

ام سهام 02 · 2016-03-13, 22:18

السلام عليكم غالياتي

ام حبوبة الغالية السكرة مبروك الكوزينة اللله يجعلها فال خير للجميع

ام هبة العاصمية · 2016-03-13, 23:26

بارك الله فيكن يا حراير و جزاكن الله خيرا على كل المجهودات اللى راهي تبذل من قبل العضوات او المشرفات خاصة الغالية ام كوثر شكرا شكرا على الابداع والتالق مشكورات

om kamilia · 2016-03-14, 08:14

ام جوجو كوزينتك فاتت روعة كروعة بسرعة البرق , آسفة كنت حابة نشارك لكن ظروووفي منعتني وهذا باروووكي المتواضع ونخلفهالك في المرة الجاية باذن الرحمان
وللعلم ماصوت حتى طياب

هذا الرد كتبتو لك ولقيت الكوزينة مغلقة