المقروض هبلني

ليونيل م · 2014-10-02, 17:09

السلام عليكم خواتاتي لي عندها وصفة تاع المقروض تاع المقلى تعطيهالي راني قريب نهبل تقريبا جربت كامل الوصفات بصح غير نحطو فالزيت ينحل و يولي دقيق قولولي واش ندير الله يحفظكم و صح عيدكم

ام هاديل وياسين · 2014-10-02, 17:25

انا ثاني كنت كي نديرو ينحل حتى جربت تاع الاخت ام سامي ولله غير خرجلي

رووووعة ومرة سمعت في قناة سميرة قالت كي تلقاي المقروط ينحل اغطسيه في الماء وكملي القليان

صراحة مزال مجربتش هذي الطريقة

ام فروحة · 2014-10-02, 18:13

انا نموت على المقروض ولكن صممت اني نديره بيديا والله الله الله الله يحفظها ام اماني77 درت وصفتها جربته 3 مرات قبل العيد بكميات قليلة خرجلي روعة راني فرحانة كثير كثير بنفسي واليوم درت كمية كبيرة للعيد والحمد لله خرج مليح منبعد نحط الصور نتاعه المذاق يهبل شوفي وصفتها وديريها وعينيك مغمضيك برك تبعيها واش دارت خطوة بخطوة وان شاء الله تنجحي فيه

سيمسمة · 2014-10-02, 20:24

وصفة مضمونة مئة بالمئة اختي جربيها و ما تندميش اولا قبل ما تقلي المقروط اغطسيه في كاس ماء مع 2ملاعق نشاء او فرينة ثم اقليه مباشرة

وهرانية31000 · 2014-10-02, 20:59

السلام عليكم شوفي ختى جربي هادا ورديلي الخبر انا هدي هيا وصفتى وما ينتحليش ويجي يدوف فالفم

3غرافة سميد غليض
غرفية وحدة سميد متوسط
غرفية تخلطي فيها السمن مدينة ووماارغريين لاابال وقد ززوج صبااع زيت
وتبسيه وتخليه يبات ليلة كاملة غدوة تخدميه وتقليه
بالنسبة للحشو غررس وشوية عسل وشوية زيت زوج مغارف هكة ومكسررات لا ععندك
جربوووووووووووووووووه راه يهببل وماا ينتححلش فالزيت