لحظة تقرر لك مستقبلك

[سوسو الزينة]

ليلة قبل اليوم الموعود.
القلب يخفق بسرعة .. الآيادي ترجف
العقل يحاول تجميع كل الأفكار دفعة واحدة .. و هنا تتعقد الأمور و تشعر أنك نسيت كل شيئ �� .. تعاود تحكم الكراس و تحاول تراجع من جديد
تبقى تراجع و الساعة تجري .. راهي 00:00 .. نرقد شوي باش صباح نوض بكري .. لا لا نزيد شوي .. الساعة 1:00 بزااف ما قدرتش لازم نرقد ..
تحس نفسك ما رقدتش حتى 15 دقيقة و انت تسمع في يماك نوض آ ولدي .. واش يما فاتني الحااال !!! لا لا ولدي نوض تزيد تراجع راهي 5:30 .. آآ صحا
تنوض تتوضى و تصلي .. و تزيد تراجع شوي
تشرب قهوتك توجد روحك
عايلتك : ياك ما نسيت والو .. الإستدعاء لاكارت .
لا خلاص ما نسيت والو
أيا روح و ركز و كمل وقتك ..
اوكي ��
راك خارج عند الباب .. يما دعيلي
روح يا ولدي راك ناجح .
تخرج تلقى صحابك تروحو كيف كيف
و نتوما كامل ساكتين
الخوف المورال طايح .
تلحق ليسي تشوف لابوليس الحماية المدنية لونبيلونس ... تحكمك الفشلة في ركايب .. تدخل ينحولك تليفون و فتشوك كي شغل داخل للحبس
تدخل للقسم تحكم بلاستك يطيحو عليك 3 أساتذة كامل مزيرين وجوهم كي شغل يسالوهالك .. خلاص سكات أي حركة تعتبر غش .. راح نبداو ��
تنحط قدامك ورقة الإجابة تكتب إسمك و رقم التسجيل و تعاود تتأكد منهم 15 مرة من الخوف .
ينحطو قدامك الموضوعين
تتسارع دقات قلبك .. يديك و رجليك يرجفوا
تسمي الله و تقرى شي دعاء
و تبدا تقرى كامل الأسئلة و تختار الموضوع لي يساعدك
تحطو قدامك و تبعد الثاني عليك باش ما يشتت انتباهك و تبدا على بركة الله
التمرين الأول.
التمرين الثاني.إلخ
تكمل و نتا فرحان على خاطر الأسئلة كانت في المتناول و نتا قدرت تجاوب عادي و هكذا و مازال عندك الوقت باش تراجع ورقتك .. تراجعها خلاص
تقول في قلبك علاه يخلعوا فينا هكذا علاه .. راه الموضوع ساهل على الإختبار تاع الأستاذ تاعنا âک؛
هنا يطلعلك المورال و ما تزيدتش تتخلع و لا تكبر الأمور فوق حدها ..
تروح لدار فرحان و توجد روحك للأيام الباقية .
و تجري الأمور على ما يرام. لا هي نهاية العالم و لا هم يحزنون. كل شيء عاااادي
تدعيلك الوالدة بالنجاح و نفس الشي الوالد
تبقى تستنى في النتائج
النتيجة #ناجح
يبداو الزغاريت في داركم و يزيد يطلعلك المورال كي تسمع الزغاريت في دار جوارينكم
#الباك إمتحان عادي لازم نجيبوه يا جماعة
ربي يذوقكم فرحتو

[دمعة فرح*]

اميــــــــــــــــــ،

[الفتاة السعيدة]

امين يارب يارب

[بسمة ღ]

امييييييييييييين