اريد أن أفهم شيئ رجاءا اود اجابة

[الملآذ]

السلام عليكم

ذهبت للجامعة لكي اجمد العام الدراسي لكن قالوا لي حتى تظهر الوثيقة الخاصة بما يعرف بالعطلة الاكاديمية

لكن سؤالي هو هناك اعضاء هنا استطاعوا تجميد العام الدراسي كيف ذلك هل كل جامعة ومتى ظهور العطلة الاكاديمية؟

سؤالي الاخر قالوا لي يجب طبيب مختص ولا يكفي طبيب محلف اي انه ربما لا يقبل ملفك

اريد ان اعرف اذا لم يقبل مثلا هل يتم طردي او اكون اني اعدت السنة؟

واذا تم طردي مثلا هل يمكنني العام القادم دراسة تخصص اخر بالبكالوريا هذه؟

رجاءا او الاجابة سينفجر رأسي؟

[sofianfilali]

أعانك الله.عذرا لاأدري

[yasmina-00]

salam khti l3am li fat fatni wa9t tajmid makontch nrou7 had l3am normal dert bih transfert wa9t tajmid 7ta l octobre w lazem tkouni t3arfi un médecin bach ydirlek certificat

[الملآذ]

المشاركة الأصلية كتبت بواسطة sofianfilali

أعانك الله.عذرا لاأدري

امين وشكرا على ردك

[الملآذ]

المشاركة الأصلية كتبت بواسطة yasmina-00

salam khti l3am li fat fatni wa9t tajmid makontch nrou7 had l3am normal dert bih transfert wa9t tajmid 7ta l octobre w lazem tkouni t3arfi un médecin bach ydirlek certificat

شكرا على الرد اختي بارك الله فيك حببيبتي

[hadger**]

و الله اختي حصلت على شهادة طية من عند مختص
رحت باش نبلوكي قالولي لازم تعقبي عند طبيب الجامعة يفاليديهالك
كي رحت لعندو ما حبش يفاليديها و بقى يقول ما عندك حتى مرض منقدرشش و عدة اعدار و الله انا محتارة مثلك

[Yeah]

المشاركة الأصلية كتبت بواسطة hadger**

و الله اختي حصلت على شهادة طية من عند مختص
رحت باش نبلوكي قالولي لازم تعقبي عند طبيب الجامعة يفاليديهالك
كي رحت لعندو ما حبش يفاليديها و بقى يقول ما عندك حتى مرض منقدرشش و عدة اعدار و الله انا محتارة مثلك

لوكان جيت كيفك تشوفي كيفاه نديرلو / قوليلو معندي حتى مرض قولي انا هذا الشوا ميساعدنيش و حابا نعاود بالملاحة و لا القباحة

[الواثقة با الله]

مزالة العطلة الاكادمية في ديسمبر
انا دفعت شهادة طبية شهرين من حتى يجي وقت العطلة ندفع ملف التجميد

[Sàmi.AMG]

Lblocage mn Octobre hta l Décembre ... ida kan Tbib spéc w m3rof y9bloha wybda lblocage f décembre w ida ma9ablolkch lazém tkon 3ndék ma3rifa m3a tbib ta la fac li t9ray fiha wmatgoliloch bli sejlti llbac psk ymkro fik wmaya9blolkch .

[charafbz]

ويذا انا دفعت الملف او مازلت نستنا مارحتش للجامعة خلاص نورمال و لا اها

[max8]

جماعة عندي حل روحو جيبو ورقة من عند اخصائي نفساني
ديرو بلي عندكم التوسويس ولا راكم في صدمة من نتائج البكالوريا
العبوها متوحدين و شاردي الذهن و ادخلو في حالة من السلبية مع الطبيب تاع الجامعة و هي فرات

الأخصائي النفساني هو الحل بما أنه من المستحيل ادعاء مرض عضوي

[hadger**]

المشاركة الأصلية كتبت بواسطة max8

جماعة عندي حل روحو جيبو ورقة من عند اخصائي نفساني
ديرو بلي عندكم التوسويس ولا راكم في صدمة من نتائج البكالوريا
العبوها متوحدين و شاردي الذهن و ادخلو في حالة من السلبية مع الطبيب تاع الجامعة و هي فرات

الأخصائي النفساني هو الحل بما أنه من المستحيل ادعاء مرض عضوي

و الله يا اخي احضرتها من عند طيب نفسي و عملي عدر ل6 اشهر على اساس تعب نفسي و كيما قلت نلعبوها كذا و كنت انا اصلا متعبة من السفر وكان معايا الاب تاعي زعما باش ما نهدرش انا
المشكل طبيب الجامعة فايق من اول وهلة عارف و قالي مستحيل زعما يحوس يرجعني نقرا التخصص ليمانحبوش و يتهرب يعني كان يوم اسود و الحمد لله وكيلهم ربي

[hadger**]

المشاركة الأصلية كتبت بواسطة yeah

لوكان جيت كيفك تشوفي كيفاه نديرلو / قوليلو معندي حتى مرض قولي انا هذا الشوا ميساعدنيش و حابا نعاود بالملاحة و لا القباحة

و الله حاولت لكن مش متفهم و يتهرب لازملهم معريفة قاوية و اعطاني بديل قالي ادفعي طلب خطي و تعهد زعما لظروف و تعدي اللجنة في ديسمبر
كي دفعتو قالولي لالازم تجي تقراي بصح مانيش رايحة و خليتهم

[الملآذ]

شكرا على ردودكم والله امر محير جدا

صايي خلونا من البلوكاج الحاجة الي حبيت نفهمها اذا مقبلوش ملف التجميد ولا اصلا مرحتش نبلوكي واش يعتبروني ونقدر العام القادر نقرا تخصص اخر ولالا

[فيلسوف سعيد]

بسم الله الرحمن الرحيم انا جمدت العام ولم اجد اي مشكل مثلما تقولون ذهبت الى طبيب الجامعة لاعمل عنده شهادة طبية فاخبرني انه يجب ان اذهب الى طبيب مختص ثم امر عليه لكي يعطيني الموافقة على الشهادة الطبية وادفعها مع ملف التجميد في القسم المهم انا عندي بنت خالتي طبيبة فراتني ليه ليه رحت للجامعة كي جيت راح ندخل عند الطبيب بديت ننسج في كذبة في راسي على المرض باه نقولهالو كي دخلت عندو ومديتلو الشهادة مباشرة بلا منهدر خلاه قالي كي تعاود الباك وش حاب تدير العام الجاي يعني ربي فرجها ( انا حسب اقوال بنت خالتي قاتلي قلو في مخي مرضت معنويا فالليل وليت نحلم بكوابيس النوم بطلتو وليت نقلق ياسر لدرجة اني ساعات ندوخ لانو فالشهادة الطبية ميكتبوش سبب المرض وقاتلي او مستحيل طبيب يعفس على قرار طبيب اخر ويرفض الشهادة الطبية ) بالنسبة لسؤال الاخت انا عندي صديق يدرس علوم سياسية من سنتين توقف عن الدراسة بدون تجميد لاسباب شخصية خاصة به المهم بعدها رجع الى نفس تخصصه بدون اي مشاكل والله اعلم يعني مزالك الباك تاعك اذا مقريتيش بيه السنة التخصص تاعك فالجامعة قادرة ترجعي العام الجاي على حساب المقاعد البيداغوجية والله اعلم ان الاولوية ليست لك يعني اذا سجلو ناس ياسر في ذاك التخصص قادرة متطيحلكش بلاصة مي مزالك قادرة تسجلي بيه ان شاء الله يكون هاذ الجواب كافي