دورة في التطريز بشرائط الساتان - الصفحة 53

sondse1 · 2012-03-26, 19:18

اقتباس:

المشاركة الأصلية كتبت بواسطة faizarbh

اختي سندس شكرا لكي و بين الوردات راني دايرة لكن ماهيش تبان في الصورة و هاذاك الرشام اللي بقالي كون نغسلو يروحلي ؟

اوكي حنونة
بالنسبة لسؤالك
الا راكي كلكيتيها برك تتنحالك عادي والا بالستيلو تطول باه تتنحا

sondse1 · 2012-03-26, 19:19

اقتباس:

المشاركة الأصلية كتبت بواسطة nouna-12

الله يسلمك حنونة تعيشي
شريت الساتان و راني نخدم في الكوفرولي
خليت حتي لاخر لحظة لكن لونه ماعجبنيش بزااف
تقلقت كي شريت المهم ان شاء الله يخرجح ملييح برك
اما فيما يخص ادوات الساتان راهم عندي و خاصني غير الخيط الخشين مالقيتش لون شباب
ماشريتش المرة الماضية جبت غير في قماشة عادية اللي كنت نجرب فيها العام الماضي
و جربت بلون بني ديرقرادي نتاع المسلول اللي بقالي
و دوك بغيت نعاود نخدم طايبلية و راني حايرة كيفاش ندير في الخيط

ربي يكون معاك حنونتي

انا غير كيف رايحة نبدا في التروسو نتاع السموكس
رايحة نديرو كامل بغرزة الياسمينة لاني مهوسة بيها هههههه

ربي يوفقك

جيهان13091991 · 2012-03-26, 19:24

[QUOTE=fifiarch;9348045]مساء الخير لبنات

جيجي راها دايرة السوكسي
كامل عجبتهم خدمتك
بصحتك يا لالة
حتى انا عجبتني وخرجت عليك

ههههه يا فيفي . يسلمك يا الحبيبة و الشكر و التقدير الكبير ليك و لسندوسة , و الاخوات كل , المجموعة هاذي هي لي تخلينا نخدمو , ذرك نخدملك وحدة زيها بصح القلب معدول ههههه

فتاة مسلمة · 2012-03-26, 19:40

السلام عليكم واش راكم
صح عشاكم

ساي راني خدمت الوردة تاع الساتان ، والبرعم والاغصان والورقة، لكن ماجاونيش متقونين مليح
ماعليش هادي التجربة الاولى (راني نكورج في روحي هههههههههه)

sondse1 · 2012-03-26, 19:43

الله يبارك عليك حنونتي
شاطرة

حطيلنا التطبيق باه يتشعجو خواتاتنا

انا لليوم باه بديت
و راني حابة نكمل التروسو كامل باه نبدا في السموكس
ربي يعاوني

جيهان13091991 · 2012-03-26, 19:58

اقتباس:

المشاركة الأصلية كتبت بواسطة fifi180

شطورة حبيبتي

ههههههههههههه انت لي شطورة ياخي انت لي خدمتيها و قلتيلي حطيها باسمك هههههههههههه
مرسي حبيبتي انت الكل فالكل

فتاة مسلمة · 2012-03-26, 20:08

اقتباس:

المشاركة الأصلية كتبت بواسطة sondse1

الله يبارك عليك حنونتي
شاطرة

حطيلنا التطبيق باه يتشعجو خواتاتنا

انا لليوم باه بديت
و راني حابة نكمل التروسو كامل باه نبدا في السموكس
ربي يعاوني

الله يسلمك اختي
ربي يعاونك في التروسو تاعك اختي
ايه غدوى ان شاء الله يلا كتب ربي نحط التطبيق

جيهان13091991 · 2012-03-26, 21:03

مساء النور عليكم البنات
مساء النور على مشريفتاي فيفي و سندوسة
هذا وين تحملتلي الرشمة هاذي هي لي راح نخدموها الوردة دجيك هكا يا يما حاجة باينة مانيش راح نديرها مي نحاول صعيبة

faizarbh · 2012-03-26, 21:26

اقتباس:

المشاركة الأصلية كتبت بواسطة sondse1

اوكي حنونة
بالنسبة لسؤالك
الا راكي كلكيتيها برك تتنحالك عادي والا بالستيلو تطول باه تتنحا

اختي سندس راني راسماتو بالديكالك ماشي بالستيلو اختي ماعليش ندخل الدرس الثاني في لاناب التاعي نديرو في الوسط واش رايك

fifiarch · 2012-03-26, 21:27

مساء النور الاخوات
واش اخباركم ان شاء الله بخير
زميلتي في الاشراف سندوسة واش اخبارك

ماشاء الله اختي فتاة مسلمة على النشاط ربي يبارك

وان شاء الله لبنات كامل راها ساهلة معاكم الخدمة

انا مازال مابديت و ما قريت الدرس
راني لاتية مع الشغل

ان شاء الله نطبق في اقرب وقت

و سيدتي ام سفيان الف شكر ليك راهي وصلتني الاجزاء
مازال ما قريتهم الحق
كاين بعض الصور ناقصين
ضك نرسلك في اقرب وقت ولاش مازال ناقص
ونتباحثو فيه
الف شكر ليك مرة ثانية

فتاة مسلمة · 2012-03-26, 21:43

السلام عليكم حبيباتي
راني كملتهه بصح غادي نقيم روحي قبل ماتقيموني هههه
الاغصان عوجين وكلش عوج ماجاونيش متقوونين غاية
غدوى ان شاء الله نصورهم وعطوني رايكم لانو درك ماعنديش الوقت باش نصورهم
وتاني عطوني رايكم في الطابلية يعني نديرلها الدونتار في الحاشية باش تولي شابة نتوما عطوني رايكم وخلاص لانو مشي موالفة نخيطهادي اول مرة

ام مرية · 2012-03-26, 21:57

اقتباس:

المشاركة الأصلية كتبت بواسطة جيهان13091991

اهلين حبيبتي ام مرية انشاء الله تكوني بخير انت و كتكوتة المنتدى , شكرا على تعليقك تالعلي المورال مالا غير نكمل هههه
وعلاه ماتخدميش كيفي تخدمي حتى خير مني و خدمتي راهي ناقصة شوية راكي تشوفي القلب معوج باين خلاص سما فيها نقائص , و هاذي اول مرة نخدم فيها الذبلة , تبعت برك الفيديوهات على خاطر مانفهمش بالصور و خدمت هذا ماكان و راني متكدة خدمتك دجي مليحة و توكلي على ربي

شكرا حبيبتي كلامك هو الي يطلع المورال انا الوردة الاولى خدمتها بالحاشية الصغيرة 0.5 ايا ما جاتنيش كيما انتاع الاستاذة وردتي من كوكب وردة الاستاذة من كوكب اخر ايا عاودت خدمت اخرى بالحاشية 1 سم جاتني كيف كيف ولكن انا اخطات في اختيار القماش و الابرة لقماش متين والابرة ما حبتش لا تدخل ولا تخرج غير بشق الانفس ايا قلت لنهار الجمعة ونشري قماش البوبلين وابرة الكوبرة ونعاود نطبق الدرسين معا ربما الاستاذة سندس تزيدلي شوية وقت

fifiarch · 2012-03-26, 22:01

اهلين اختي فتاة مسلمة
يعطيك الصحة راكي ناشطة
انا برايي ديري الدونتال السامبل للطابلية يجيها فور
واكيد لازمها دونتال راهو يزين مليح ياسر

اختي ام مرية
لازمك تلتزمي بالادوات لي كتبناهم لانهم هوما لي يعاونوك في الخدمة
البوبلين والا الطوبي هو يسهل ليك الخدمة
وابرة الكوبرا تانا
وبالتوفيق ان شاء الله تلحقي في الوقت
وحتى اذا تاخرتي
معليش لكن التطبيق لي بعدو لازم تطبقي في الوقت

ام مرية · 2012-03-26, 22:08

لبنات وحدة تحطلي الرشمة ديال الدرس الثاني راني ما عرفتها وشكرا حبيباتي

ام مرية · 2012-03-26, 22:11

اقتباس:

المشاركة الأصلية كتبت بواسطة fifiarch

اهلين اختي فتاة مسلمة
يعطيك الصحة راكي ناشطة
انا برايي ديري الدونتال السامبل للطابلية يجيها فور
واكيد لازمها دونتال راهو يزين مليح ياسر

اختي ام مرية
لازمك تلتزمي بالادوات لي كتبناهم لانهم هوما لي يعاونوك في الخدمة
البوبلين والا الطوبي هو يسهل ليك الخدمة
وابرة الكوبرا تانا
وبالتوفيق ان شاء الله تلحقي في الوقت
وحتى اذا تاخرتي
معليش لكن التطبيق لي بعدو لازم تطبقي في الوقت

شكرا ليك حنونة وان شاء الله نلحق سيرتو كي راني تقريبا كملت درس هاد الاسبوع نتاع التروسو راح باذن الله يكون عندي وقت نكمل الدرسين معا ديال الطرز وراح نكون في الموعد وماراح نخيب ضنك فيا حبيبتي واستاذتي الغالية