خطيبي السابق

[مشكلتي]

مساء الخير
اتمنى تكونو بخير
بلاما نطول عليكم انا فتاة عمري 29 سنة مطلقة بعد ماضربني وخلاني ااجهض وهذي حكايتي
كنت مخطوبة لابن خالة امي منذ 6 سنوات وصراو مشاكل بين العايلتين و من ضغط فسخنا الخطوبة مع انو كنا نحبو بعض قبل الخطوبة 3 سنوات المهم انا قررت اي خاطب نرفضو لانو كنت متعلقة بخطيبي السابق بزااااااااااااف واهلي ارغموني نتزوج بابن صديق ابي هو عاود تزوج من وحدة نسمع دايما بلي عندو مشاكل معاها عندو 4 سنوات زواج وانا بمحض الصدفة نخدم ممرضة عند طبيبة نساء وهي جات عندها قريت ملفها لقيت عندها مشكل كير في الانجاب من هذاك النهار وانا في حيرة حابة نقلو نرجعو لبعض وقابلة مايطلقش مرتو ونكون الزوجة التانيةوخصوصا العائلتين تصالحو وانا متاكدة انو مزال يحبني لانو زوجة صديقو نعرفها مليح وهي الي خبرتني والله مزالني نموت عليه ومانتخايلش حياتي بلابيه انصحوني ربي يخليكم راني في نار

[bello angel]

يا اختي خافي مولااااااااااااااااااااك

هدا هو النوع تاع النسا لي نكرهو تديرو الضغط
كيما يقولو لمصريين تصطادي في مية عكرة
مصائب قوم عند قوم فوائد
راجل و مرتو وانت واش دخلك بيناتهم؟؟؟ ربي يسترنا من نسا لي كيفك

[loubna87]

سيدتي , لماذا تحشرين نفسك بين زوج و زوجة . هل أنت من تطلبين الزواج منه ؟؟ فكري في زوجته التي تعاني من مشكلة الحمل . ما تزيديلهاش . بطلي تخمامك .هذا استغلال للوضع .

[ابو-علي]

كان مما حذر منه النبي صل الله عليه وسلم أمته ذلك الداء العضال الذي استشرى في زماننا وكثر بين الناس وانتشر بين منتسبيه وتعددت طرقه وتنوعت سبله أنه مرض النفاق الخطير الذي طالما حذرنا منه صل الله عليه وسلم وفي لفظ البخاري عن عبد الله بن عمرو رضي الله عنه أن النبي صلى الله عليه وسلم قال: ((أربع من كنَّ فيه كان منافقاً خالصاً، ومن كانت فيه خصلة منهن كانت فيه خصلة من النفاق حتى يدعها:
إذا اؤتمن خان، وإذا حدَّث كذب، وإذا عاهد غدر، وإذا خاصم فجر)) رواه البخاري .
أولا ما فهمته من مشكلتك أنك حاليا مطلقة و اجهضتي وكنت مخطوبة لابن خالة امك منذ ستة سنوات ثم فسختي الخطوبة ومن بعد ارغموك اهلك على الزواج من ابن صديق والدك وهو اعاد الزواج (هو هل تقصدين بصمير الغائب ( هو )ابن صديق والدك ام زوجك السابق ام خطيبك قبل 6 سنوات )

ثانيا وبالصدفة اكتشفت ان له مشكل في الانجاب ، من خلال اطلاعك على ملف زوجته الطبي من الناحية المهنية كان لا يجب ان تتحدثي عن أسرار مهنتك والمتعلقة بأشخاص إئتمنوك على اسرارهم خاصة في المجال الطبي والذي يكاد يكون المجال الوحيد الذي يجب كتم اسراره ولا يباح بها لاي كان الا بعد موافقة المعني بالامر هذا من جهة من جهة اخرى انك اقترحت قبولك زوجة ثانية لان زوجة صديقه اخبرتك كما تتدعين انه مازال يحبك .، في الاصل هذه لوكانت صديقتك فعلا ماكانت لتنقل لك أخبار مطلقك السابق وهي تعلم انه متزوج الان
اسمحي لي أختي الفاضلة أن أنبهك الى شيء ربما غاب عنك أو أنك تتعمدين تجاهله وهو عدم التماس أعذار واهية وحجج باطلة سوف تضرك أكثر مما تنفعك فنصيحتي هي أن تطلبي المغفرة من الله و ان تتوبي الى ربك لعل وعسى يسامحك ويغفر ما انت تفكرين فيه.
و أرجو ان تتقبلي رأيي ونصيحتي بقلب واسع فما اردت لك الا الخير والله وتنبيهك عن جرم كبير سوف تندمين عليه لو أقدمت على فعله . أخوك ابو علي

[♥سهام♥]

مقدرة وضعك نقولك خلي ايمانك بربي قوي و نحي هاد الافكار لي فراسك و دعي ربي يرزقك بابن حلال و رح تحبيه اكثر ان شاء الله

[اياد حياتي]

ولا عندو مشاكل معاها هذا ما يعنيش انو ما يحبهاش كلنا يصراولنا مشاكل وحسب رأي أنك ما تحبيه ما والو برك راكي تعيشي في فراغ عاطفي بسبب طلاقك اياك انك تعملي هذا الشيء والجايء إلى المولى عز وجل لانو الوحيد الي راح يفرجها عليك وإن شاء الله ربي يرزقك بالزوج الصالح

[fella111]

انا فهمت شيئا واحدا من مشكلتك هو ان حياتك خربت و تريدين تخريب حياة الغير و تشرطي ثاني بقولك "وقابلة مايطلقش مرتو" من باب اذا عمت خفت .......هو .عندو مشاكل مع زوجته وانت مالك ربي يفرج عليهم ......على اساس انك رايحة تحليلو مشاكله اتخدعيننا ام تخدعين نفسك دكتور فيل حضرتك... انت بمثابة قنبلة موقوتة لجملة من مشاكل اضافية له لو تحقق اللي في بالك .....

[نور لاتراه]

السلام عليكم
معادلة بسيطة ..لو كان يحبك كما تظنين (الواقع من طرف واحد)
لتتبع اخبارك كما تفعلين وعرض عليك الفكرة
الحب اهم شيئ في الزواج..لكنه ليس كل شيئ

[زبدة ذايبة]

واشنو هذا ؟؟؟؟؟؟؟؟؟؟؟؟؟؟؟؟؟

حبيتي تدخلي بين اللحم والظفر ؟؟؟؟؟؟؟؟؟؟؟؟؟؟؟؟

لوكان يحبك صح ماكانش يخليك ويروح يتزوج بأخرى !!!!!!!!!!!!!!!!!!!

مازالك دايرة في بالك بلي يحبك كيما تحبيه انت!!!!!!!!!!!!

هو عارف بلي طلقتي ماظهر منو حتى مبادرة ؟؟؟؟؟؟؟؟

وانت جايبة خبرو بلي ماشي متفاهم مع مرتو وزيد مرتو عندها مشكلة ماتولدش

وانت تقولي بلي راكي إمرأة منجبة

طامعة تروحي زوجة ثانية وتخلي الزوجة الأولى وتعيشي مع هذا الرجل متهنية ماكاين حتى مشكل

وتتكرمي على زوجتو باش تخليها تعيش معاكم انتوما في زوج


اسمحيلي على واش راكي رايحة تقراي مني

هذا في المنام مايصراش

شكون اللي قالك بلي صح عندو مشاكل معاها

في بعض الأحيان من حب الرجل لزوجتو تبدى تدلل عليه

واش يديرلها ماترضاش

ماشي شرط يكونو يتكارهو

4سنوات زواج ماشي بزاف حتى يفهم الرجل زوجته

ولوكان ماشي متفاهم معاها كيما راكي متخيلة لوكان ياحسراه من اللي طلقها

إذن خليك من هذ الأوهام اللي راكي عايشة فيها وحابة تقنعي نفسك بيها

الحياة والواقع مختلف كل الاختلاف عن الأوهام

ممكن ظاهر حياتو مع زوجتو أنه في مشاكل

لكن حقيقة الواقع هو أدرى بها

والحمل والإنجاب بيد الله رب العالمين قادر يرزقها في أي لحظة

ننصحك تعيش حياتك بعيد عن هذه الأفكار

وابقاي محافظة على قيمتك ودينك

ماشي المرأة اللي تروح تخطب الراجل ؟؟؟؟؟؟

وكيما قلتلك أخطيك من هذ الأوهام اللي مارايحة توصلك لحتى نتيجة

سوى للذل والإهانة والمرض النفسي

أدعي ربي يرزقك الزوج الصالح اللي يعوضك عن هذا الرجل

وانسايه !!!!! وانساي أنك كنت مخطوبة ليه

خلي الراجل يعيش حياتو مع زوجتو كيما قسم رب العالمين

"من يتق الله يجعل له مخرجا ويزقه من حيث لايحتسب"

[* الحلم سكر *]

باختصار ...
تخيــلي روحك في وضعها .. و جاوبي روحك ..
كان ترضيها على روحك .. ؟؟؟
قلك : دير الخير تلقى الخير
أرحميها يرحمك ربي .. يكفيها همها ما تزيديلهاش


ملاحظة : كان على الانجاب قادرة تتزوجيه هي تنجب و انتي لا ... رزق ربي خلوه على ربي و يااااااا ربي يا حنان يا منان يرزقها عاجلا غير اجل درية صالحة .. و يرزقك زوج صالح و ذرية صالحة

أرجوا من كل من الاخوة جميعا الدعاء للزوجة بالذرية و الدعاء للاخت السائلة ............

ســــــــــــــــلام

[نصيرة الإسلام]

السلام عليكم

:
دائما في اي مشكلة لا يمكن الحكم على صاحبها او غيره ...لأن سطور قليلة لا تكفي و ما وراء ذلك الكثير ..و ليس من العدل الحكم ما دمنا لم نسمع من الأطراف الداخلة في القصة
:
و لكن أختي مهما كان وضعك و مهما كان حبك له ( و إن كان يبادلك الشعور هو كذلك) فيجب ان تقبلي بما كتبه الله لك و له
:
أولا ما كان يلزم عليك قراءة ملفها خصوصا عندما تعرفتي عليها من تكون, فهذه أسرار المريض , فقد اخطأت و هذا الخطا جعل الشيطان يزين لك الطريق إلى العودة إلى خطيبك السابق , يعني بكل بساطة تغتنمين فرصة الرجوع بحجة مرضها ؟؟؟ ربي يهديك
:
أختي مهما تكلم الناس فتبقى الأسرار في البيت و الزوجين هما أدرى بحالهما إن كانا سعدين أو لا ,,حتى و ان صدر منهما الشكوى للغير,
حتى و إن علمت أن بينهما نزاعات ,,فهذا ليس مبررا ,,مادامت هي زوجته و لم يطلقها هذا يعني أنه راض بها و راضية به,,و لا يوجد بيت خال من المشاكل
:
فاختي نصيحتي أن تبتعدي ,,فإن أنت لم يوفقك الله في زواجك ..فلا تحاولي تخريب زواج غيرك.,,إن كنت تقبلين أن تكونينين الزوجة الثانية فربما هي لا تقبل.
تخيلي أنك تزوجته و أراد أن يأخذها هي كزوجة ثانية أكنت ترضين بذلك؟ لا أظن
:
السبيل هو الكف عن الأخذ في الحديث عنهم مع هذه زوجة صديقه ,,و لا تبحثي عن أسرارهم و تحلي و تفكي وحدك ..خليهم يعيشو حياتهم و عيشي أنت حياتك . و ارمي الماضي عنك.,و تمني لهم السّعادة ,,و اقومي بالدعاء لزوجته بالشفاء( فهذا سيطيب قلبك و يزيدك قربا لله ,,فلا تدري قد يفتح الله لك بابا آخر خير لك)
و من يتّق الله يجعل له مخرجا و يرزقه من حيث لا يحتسب ,
:
و ربي يفرج عليك اختي
و السلام عليكم

[أم ريتاج زهرة]

مين مازالك متعلقة بيه علاش طلقتي منه يا اختي حطي نفسك مكانها و بركانا من التخمام هدا كن نهار الاول قعدتي عنده مشي حتى مين تزوج الله يهديك اختي و ربي يجيبلك ولد الحلال

[كنزة88]

المشاركة الأصلية كتبت بواسطة ابو-علي

كان مما حذر منه النبي صل الله عليه وسلم أمته ذلك الداء العضال الذي استشرى في زماننا وكثر بين الناس وانتشر بين منتسبيه وتعددت طرقه وتنوعت سبله أنه مرض النفاق الخطير الذي طالما حذرنا منه صل الله عليه وسلم وفي لفظ البخاري عن عبد الله بن عمرو رضي الله عنه أن النبي صلى الله عليه وسلم قال: ((أربع من كنَّ فيه كان منافقاً خالصاً، ومن كانت فيه خصلة منهن كانت فيه خصلة من النفاق حتى يدعها:
إذا اؤتمن خان، وإذا حدَّث كذب، وإذا عاهد غدر، وإذا خاصم فجر)) رواه البخاري .
أولا ما فهمته من مشكلتك أنك حاليا مطلقة و اجهضتي وكنت مخطوبة لابن خالة امك منذ ستة سنوات ثم فسختي الخطوبة ومن بعد ارغموك اهلك على الزواج من ابن صديق والدك وهو اعاد الزواج (هو هل تقصدين بصمير الغائب ( هو )ابن صديق والدك ام زوجك السابق ام خطيبك قبل 6 سنوات )

ثانيا وبالصدفة اكتشفت ان له مشكل في الانجاب ، من خلال اطلاعك على ملف زوجته الطبي من الناحية المهنية كان لا يجب ان تتحدثي عن أسرار مهنتك والمتعلقة بأشخاص إئتمنوك على اسرارهم خاصة في المجال الطبي والذي يكاد يكون المجال الوحيد الذي يجب كتم اسراره ولا يباح بها لاي كان الا بعد موافقة المعني بالامر هذا من جهة من جهة اخرى انك اقترحت قبولك زوجة ثانية لان زوجة صديقه اخبرتك كما تتدعين انه مازال يحبك .، في الاصل هذه لوكانت صديقتك فعلا ماكانت لتنقل لك أخبار مطلقك السابق وهي تعلم انه متزوج الان
اسمحي لي أختي الفاضلة أن أنبهك الى شيء ربما غاب عنك أو أنك تتعمدين تجاهله وهو عدم التماس أعذار واهية وحجج باطلة سوف تضرك أكثر مما تنفعك فنصيحتي هي أن تطلبي المغفرة من الله و ان تتوبي الى ربك لعل وعسى يسامحك ويغفر ما انت تفكرين فيه.
و أرجو ان تتقبلي رأيي ونصيحتي بقلب واسع فما اردت لك الا الخير والله وتنبيهك عن جرم كبير سوف تندمين عليه لو أقدمت على فعله . أخوك ابو علي

lمنضنش انها تحكي على طليقها راي تحكي على لي خطبها ورفضو اهلها وحابة نعطي رايي نقولك هو بينو وبين مرتو ونت وش دخلك ولا كعاد طلقت ملقيتيش فيمن تلصقي حرام عليك انك تستغلي ضعف مرتو الاولى باش ديري الملح على الجرح باش يديك هادا بلا ما نحكي على انك طلعت على ملفها و حابة تفشي سرها اتقي مولاك هادا ما نقولك .

[أم أنفال 80]

بينو و بين مرتو و علاش تروحي تخبريه الشيطان هو اللذي يدخل بين الزوجين

[sarl02]

انت راكي تعاني من فراغ عاطفي نتيجة خروجك من تجربة زواج فاشلة ...والظاهر انو قلبك مزال اخضر ومفعم بالحيوية والنشاط ..كاين حل ا سيدي بلا ما تاذي ناس اخرين وبلا ما تخربي دار هذه المخلوقة التي هي اصلا في وضعية صعبة لعدم قدرتها على الانجاب ...روحي اعشقي وديري صاحبك وعمري الفراغ العاطفي الي راكي عايشاتو ...هذا اهون من اذية هاته الزوجة التي لا تستحق منك كل هذا المكر والحيلة.