جديد الجلفة النتائج لن تظهر قبل الأربعاء

[الشريف النايلي]

بسم الله الرحمن الرحيم
لقد كلمني صديق يعمل في مديرية التربية و أخبرني بأن النتائج أعيدت للوظيف العمومي من أجل برقية وصلت للوظيف و تفيد البرقية بإعادة حساب المعدلات من جديد و إعطاء للقاطنين بالولاية 1ن و غير القاطنين بالولاية 0.5 ن ، هذا ما أخبرني به فلا تتعجبو إن نجح الكثير من الولايات المجاورة خصوصا تيارت و الأغواط و خاصة في اللغات الأجنبية ، أنا لست من دعاة الجهوية ، لكن لازم وليدات البلاد وحدهم من يستفيدون من هذه المناصب و كل واحد يشارك في ولايتو ، لقد عانيت من الجهوية كثيرا ، السنة الماضية شاركت في الأغواط و نجحت بكل شفافية في الأغواط ، لكن القائمة أعيدت من أجل إقصائي أنا فقط ، و الحمد لله وكلت عليهم ربي ، لأني لست الوحيد من غير الأغواط شارك ، هناك من ولايات أخرى من تيزي وزو و الجزائر هم عندهم لكتاف و انا زواااااالي ، لهذا أقسم بالله لن أسكت عن حقي و حتى و إن كنت ناجح سأطعن في من هم خارج الولاية ، المعاملة بالمثل

[condor2012]

لا لا يا نايل رانا قاع خاوة في هذي البلاد لي يستاهل ينجح مع العلم اني نايلي100/1000

[الشريف النايلي]

و الله يا أخي ليست قضية عروشية ، و مرحبا بأي شخص على العين و الراس ، لكن هذي خدمة و مكتوبة لوليدات البلاد ، و يخي كل ولاية و عندها مناصبها ، و أصارحك أخي كوندور روح شارك في أي ولاية أخرى و إذا نجحت ؟؟؟ مستحيل ، علاه قا الجلفة لي فاتحة زاوية ، معليش احنا أولاد نايل معروفين بالكرم و الجود ، بصح لالا ما نخليش وليدات البلاد يتلاوحو و نجيب واحد براني مهما يكون ، و ليست جهوية و الله ، لكنها الحاجة الملحة لوليدات البلاد

[nonomoh]

يا اخي لي كتبها ربي تجيك ................................ وصفي قلبك من نية الحسد
وادعي ربي يفرجها عليك وعلى كامل خاوااااااا لي شاركوووا في مسابقة

[العهد الرائع]

ما تحسدش با اخي
الرزق كل ما مديت منو يزيد يكثر
على بالنا بلي الجهوية في كل المناطق و لكن ربي و النبي وصاو بالعكس (لا فرق بين عربي و اعجمي الا بالتقوى )
فلا تكن ابخل منهما
و كل شي بالمكتوب

[نورالهدى بيولوجيست]

المشاركة الأصلية كتبت بواسطة الشريف النايلي

و الله يا أخي ليست قضية عروشية ، و مرحبا بأي شخص على العين و الراس ، لكن هذي خدمة و مكتوبة لوليدات البلاد ، و يخي كل ولاية و عندها مناصبها ، و أصارحك أخي كوندور روح شارك في أي ولاية أخرى و إذا نجحت ؟؟؟ مستحيل ، علاه قا الجلفة لي فاتحة زاوية ، معليش احنا أولاد نايل معروفين بالكرم و الجود ، بصح لالا ما نخليش وليدات البلاد يتلاوحو و نجيب واحد براني مهما يكون ، و ليست جهوية و الله ، لكنها الحاجة الملحة لوليدات البلاد

خويا عندك الحق 100بال100 انا رحت نشارك فالاغواط 2009 ماشدوش الاقامة قع و كي شافونا مالجلفة قالوا هاتو الاقامة و ردونا خايبين و حتى اختي شاركت في غرداية ربحت الكتابي من الاوائل و مبعد فالشفهي طيحوها و ربحوهم قع من غرداية و هي االحمدلله درك راهي خدامة هنايا..............هاذي مش حسدة لكنها حقيقة اذا كانت الدولة اشترطت شهادة الاقامة باش كل واحد يشارك في ولايتو نجو حنا نقولو لا لا؟حتى و زوروها فوتو معايا وحدة من بسكرة و وحدة من المسيلة و مزورين شهادة الاقامة عاااااااااااادي

[الشريف النايلي]

المشاركة الأصلية كتبت بواسطة العهد الرائع

ما تحسدش با اخي
الرزق كل ما مديت منو يزيد يكثر
على بالنا بلي الجهوية في كل المناطق و لكن ربي و النبي وصاو بالعكس (لا فرق بين عربي و اعجمي الا بالتقوى )
فلا تكن ابخل منهما
و كل شي بالمكتوب

يا أخي لماذا عندما نذهب و نشارك عندهم و ننجح بكل استحقاق يقصوننا ، لماذا بخلوا عنا ، أو قطنا فوق سطحكم لالا و قطكم فوق سطحنا إيه ، و الله مالقيت وش نقول ، ولى لي يقول كلمة حق يتنح راسو ، لكن الحمد لله على كل شيئ عذرا على الإطالة

[الوفي.]

انا اقص عليكم قصتي ...لكي يفهم البعض ما يجري ...انا في 2006 شاركت في سطيف في الثانوي وكانت بالكتابي والشفهي ...نجحت في الكتابي لأن التصحيح كان في العاصمة ...وعندما وصلنا للشفهي منا 55 مترشح لــ 45 منصب ...كانت الحظوظ كبيرة فماذا فعلوا بدأو بأهل سطيف ثم البرج وما قاربها ثم انا وصديقي من الجلفة في آخر الاحتياط ...غضبت كثيرا ...وبعدها اقنعني احدهم فقال لي ...ولاية سطيف منذ 5 سنوات لم تمنح مناصب فكيف يمنحوها لمن هو من خارج والولاية وبعد سنتين يرحل ويترك المنصب شاغر ...هذه هي الجزائر ...الوظيف العمومي يعطي المناصب بالقطرة وبالرشاوى وبالجهوية ...والادلة كثيرة وحتى مدير التربية الشاطر والذي لديك معارف في الوزارة وفي الوظيف يكون له ما يشاء من المناصب أما مدير التربية الزوالي يبقى يعاني ...

[zaki282]

ولله غير كاين منها ماكش راجل لا ما درتش طعن
روح لينجحو خارج الولايا لقدم قع تلقاهم ايسبو في الجلفة
كيما يقلك مايحس بالجمرة قلي عافس عليها او هادا ماهو حسد ما والو كل واحد يلعب في سطادو
توع جلفة كي ما ينجحوش في الجلفة ملا وين رايحين ينجحو في المريخ مثلا .........

[souhiel]

يا اخي دافع عن حقوقك كاملة ومتسمع لحتى واحد يقلك اولاد بلاد وحدة و و و و هكدا تفتح باب المعارف لي حاكم كاش منصب كبير في ولاية غير ولايتو يجيب جماعتو كامل ويلصقها اذن طالبو بحقوقكم في اطار النظام والقانون ولي فيه الخير ربي يجيبو
سلام عليكم

[wassim22003]

علاه قا الجلفة لي فاتحة زاوية ، معليش احنا أولاد نايل معروفين بالكرم و الجود ، بصح لالا ما نخليش وليدات البلاد يتلاوحو و نجيب واحد براني مهما يكون ، و ليست جهوية و الله ، لكنها الحاجة الملحة لوليدات البلاد

[Sofiane.OB]

ربي يجيب اللي فيها الخير

[NaCere Dz]

كونو رجال برك و ديروها انا مازال ما صراتبيش برك هاذي عفسة و كي تصرا نخلي الدنيا عليهاا

[السيد قطب]

يفرج ربي ان شاء الله
القانون يقول كل واحد يعقب في ولايته احترمو القانون

[Sofiane.OB]

بالتـوفيق للجميع