انا هي المشكله

[مشكلتي]

مس لخير عليكم خياتي
ملغرب للشرق
كبير وصغير
مشكلتي منيش حاسا بالسعاده رغم اني ناكل نشرب
ومعنديش صديقات
مش بارادتي الله غالب
بارادة اهلي
عايشا في بيئة مزيره ومحافظه
معرفتش روحي لاني عايشا شعيده ولا بئيسه
دايمن نتمنى روحي انسانه عاديه بصح منيش عارفه علاه
امنياتي قاع متحقوليش
غي شوي امنيات تحققو والباقي والو
دايمن متشابكه مع روحي
تمنيت روحي نكون عصفور ونطير وسيرتو كينشوف زواوشا طايرين نتمنى نكون معاهم
بصح نتمنى نكون غنيه ولو بشويه
باه نعيش شوية
حياتي معشتهاش ملبستش مليح ومادرتش ذذذهببب
انا انسانه نحب اللبسه وكل شيء
انا مشكلتي معرفتش روحي لاراني مليحه ولا منيش مليحه
قولولي وشن هيا السعاده
ني حابه نكون حاجه
راني نحس روحي وحيده
ني حابه نكون عايشه فلحررريه
وماقدرتش
بصح كينشوف ناس عندهم مشاكل كبااااااااااااااااااااااااااار
دايمن نقول حمدووووووووووولله
ونقول انا راني خير منهم
هل المشاكل عندهم حلللل
ونتزما ثاني احكولي على مشاكلكم
خلاص
كملت المشكله قصتها
وشرايكم
وشتقولو فيا

[سماح 2]

هه😂 ، أحلامك بسبيطة ، اقراي واخدمي باه تحقيهم ،
يي والله مش غير نتي ماتخرجيش وما تحوسيش ، هاني حتى انا 😁 ، الصبر الصبر .. فترة وتعدي ،

[دنيا الامل 18]

راكي جاوبتك نفسك كي تشوفي الناس عندهم مشاكل كبار تقولي الحمد لله امالا قوليها و عاوديها في كل وقت احمدي ربي المال ليس كل شيء ولا يحقق السعادة انظري الى نفسك والى النعم التي لديك وخاصة الصحة السعادة شيء داخلي نصنعه نحن بانفسنا جربي ان تكوني سعيدة مرحة بشوشة ادا كنت تدرسين اجتهدي في دراستك وحققي احلامك فكري فيما قلته لك جيدا

[نورسين.داية]

عزيزتي معلومة فقط : قارة الجزائر فيها أيضا الوسط و الجنوب و الجنوب الغربي و الجنوب الشرقي

مسألة عصفورة لو رأى الله عز وجل في أن روحك الأفضل لها أن تكون على هيئة عصفور لكنتي عصفورا ....و مرة من المرات قد تمرين على شباكي كنا إصطدناك و رميناكي وجبة شهية لقطنا المنزلي هههه

عموما مسألة السعادة على حسب مفهومي هي الرضى بقضاء الله عز وجل يعني المعطيات المتوفرة لديك تتكيفين معها و تحمدي الله عز وجل عليها .....................يرددها كثيرا الدكتور عمر عبد الكافي ما إختاره الله عز وجل لنا هو الأفضل لنا ........كوني على يقين

مسألة التغيير هوبالدعاء و طرق أبواب العلم ....

لا تنزعجي من كلامي في الجزء الأول عزيزتي راني غير نتمسخر معاك وفقكي الله

[ساجده 82]

هخههه عجبني رد ختي وجبه لقطنا
انفذي بجلدك
السعاده اختي هي الرضى بماقسمه المولى لك
وماكانش اللي ماعندوش مشاكل .يكذب عليك .راكي انسانه عاديه.
هده حال الدنيا مره تضحكنا ومره تبكينا.كوني حاجه تقدري ترسمي اهدافك وتسعاي تحقيها
والفشل هو بدايه لكل نجاح...فقط الاراده.

[BAROUD]

(فناداها من تحتها ألا تحزني)
لا تحزني يا فتاة
أول كلمة نطق بها سيدنا عيسى عليه السلام
تبديد الأحزان هي رسالة الأنبياء

[ع.عيسى]

احمدي ربي ، شعورك دليل على انك في الف صحة وعافية لذلك فولي الحمد لله الف مرة في النهار ،

[همسات ايمانية]

حبيتي تطيري !!! لالا حبيبتي شدي في الارض ,على قد الطيرة على قد الطيحة
وعلى قد لحافك مدي رجليك ,,,,,,,,,,,,
في الحقيقة مشكلتك ظريفة ومن خلال سردك ظهرتيلي انسانة لطيفة !!!!
حيبتي مشكلتك انو ما عندك حتى مشكل ,,كل الامر يتوقف على تغيير نظرتك لواقعك والتعامل معه بطريفة عقلانية وموضوعية ,, وكي ترضاي بيه وما تغرقيش في الاحلام ,,راح تريحي ,,, هل تظني السعادة في اللبسة والخرجة والمال ,, المال وسيلة ممكن تساعدك لكن اكيد ما تضمنش السعادة الحقيقية
لننصحك لازم تكون عندك اهتمامات في حياتك ,,لا تتركي نفسك للفراغ لانه مدمر ,واشغلي نفسك بشيء ايجابي

[*أم سجى*]

مشكلتك اختي راكي تعاني من فراغ رهيب يخليك غير تخمي فالحوايج الي خاطينك وتدخلي فعالم الاحلام والخيال .وتظهر في نفسك الدنيا بشكل عبوس.......وعليه فالحل انك لازم تخرجي من هذيك الدائرة وتنحي على ضيقة خاطرك ديري جولة حوسي زوري أقارب احكي مع صحاباتك فالهاتف المهم لازم متبقايش وحدك هذاك هو المرض تاعك راه في الوحدة ربي يفتح عليك ان شاءالله ويهنيك

[الجزائريه]

اختي_عندك_فراغ_حوالي_ديري_حوايج_جديده_في_حياتك

[اريج 07]

سلام يا عصفورة هههه


اختي والله السعادة ماشي في الخرجة و اللبسة و المال انا نخرج و نلبس الماركة و نسافر و عايشة حياتي مي والله نتمنى نعيش في بسااااطة تصدقي ولا تكذبي متمتية نغيش في بلاصة خالية و فيها كل انواع الحيوانات البريئة و مع جمال الطبيعة و ناكل خبز الشعير و لبن والله متمنيتها ولا ضجيج المدينة و ناس و قيل و لقال ووووو
والله كاين لي عندوا المال يرمي فيه برجليه لكن عمروا و لاعرف السعادة و حلاوتها

صدقيني كي تكون عندك الصحة و العينين و رضى الوالدين خيرلك
خيرلك من دنيا ومافيها عيشي حياتك كيما عطهالك ربي و ربي يرزقك من حيث لا تحتسبين
وفقك الله عزيزتي

[وسيمツ]

قال السول صلى الله عليه و سلم : ( من أصبح منكم آمناً في سربه ، معافى في جسده ، عنده قوت يومه ، فكأنما حيزت له الدنيا بأسرها )
معنى الحديث معلوم لكن ما ينقص هو أن نشعر به ... حاولي ذلك
ابحثي في الأنترنيت مثلا عن قصص لأناس ليس لهم في الدنيا إلا الله..
ربي يفرّج ان شاء الله.

[ام ريماس]

يا ربي فرج هم كل مهموم

[bello angel]

علابالك من كان في نعمة ولم يشكر خرج منها و لم يشعر
و زيد هل هده مشكلة ؟؟؟تستحق ديري منها موضوع ؟؟
و باش نعاونوك حنا ؟؟ نرجعوك عصفورة؟؟؟ولا نعطوك شوي سعادة؟؟

الحمد لله الدي عافانا مما ابتلى به غيرنا و فضلنا على كثير ممن خلق تفضيلا
(علابالك كون تولي عصفورة انا اول وحدة نصيدك و نريشك بالما سخون و نعطيك لنينا القطة تاعي تاكلك )

[minina2601]

حبيبتي السعادة الحقيقية في التقرب من الله في الخشوع في الصلاة تحسي بوجود الله في حياتك هو السعادة حبيبتي
واسمحيلي عندي ملاحظة نكتب الحمد لله وليس كما كتبت عندك