كرهت

[مشكلتي]

ارجوكم انصحوني احس نفسي ضائعة اختي نحسها ظلمتني هي اختي كبيرة عليا ب 10 سنوات وماهيش متزوجة كنت ديما نتمناها تتزوج قبلي وبعد ماكملت قرايتي كانو ديما يخطبوني مبصح كنت ديما نرفض على جالتها وبالرغم من اني قعدت فالدار مبصح مقبلتش نتزوج غير ختان تتزوج وبحكم هي خدامة كانو خرين يبعثلها ليها بلي حبين يخطبوني وتقولهم لالا بلا ماتشاورني وكي تجي تقولي نقلها هيه نورمال وبعدها تقدملي واحد كنت باغياتو كنت خايفة حتى نقولها بلي جاي يخطبني باش ميغذهاش لحال وبعدها سمانة باش قدرت نقولها كنت منحبش نجرحا وبعد مخطبني كان ديما يقولي وكتاه نديرو لعرس وانا نقولو مزال بقينا 3 سنين وحنا مخطوبين هو بقا يستنا فيا لاخاطر يبغيني مبصح بداو لمشاكل بيناتنا كان ديما يقولي هدا شبابو انا غير نوخرو والحمد لله اختي تخطبت وبعد شهرين دارو تزوجت كي كانت توجد كانت ديما تخبي حوايجها عليا وكي صراولي مشاكل مع خطيبي مكنتش تحب حتى تسمعني وكي تشوفني نبكي راكي دير فالحس على حوايجي وانا الله غالب نبكي على مشاكل لي صراولي وكانت ماما ديما تشريلنا حوايج وتخبيهم كي تزوجت دات كلش مقدرتش حتى نهدر حسيت روحي ضيعت روحي على جالها في باطل وانا في سباب انو طولت فالخطبة صراولي مشاكل وملقيتش حتى لي يوقف معايا

[خالد عنابي2]

ايه تستاهلي هذا جزاء المغفلين ...
وانتي شكون قالك وخري او ارفضي الخطاب على جالها ؟
كل واحد والمكتوب تاعو ماكانش منها هذي تع لازم الكيبرة تتزوج قبل الصغيرة

[noussa_94]

معليش اختي واش راح ديري ،،، في الاخير تبقى أختك

الحمد لله مافآآتك والو ،، حاولي ترجعي علاقتك مع خطيبك كيما قبل
وكل شئ يتصلح ان شاء الله

يبقى هذا الشئ درس تعلمتيه ان شاء الله

ربي يوفقك ويسهلك

[حاملة المصحف]

انتي حنينة فوق القانون لكن اختي كل وحدة و مكتوبها و عقلية تتزوج الصغيرة قبل لكبيرة راح بكري معربي يهدي اختك و انت ان شاء الله ربي يسهلك و يعطيك على قد نيتك

[mère des jumeaux]

اللي يدير الخير يلقاه و اللي يدير الشر يلقاه.. ما تزيديش تفرطي في روحك..ربي يعطيك على قد نيتك..

[conductrice]

معليش يا اختي غير صبري كل شئ يفوت ومهما كان هذيك أختك

[rose de sable s]

انت احمد الله ان خطيبك مزال معك
لا تكترثي لاختك و تزوجي واسعدي و انسي ماضي هو عبرة لك

[دنيا الامل 18]

ما دام اختك تزوجت التفتي لحياتك وتزوجي سريعا لا تؤجلي حتى لا تتعرضي لمشاكل اكثر

[أم سلوى]

المشاركة الأصلية كتبت بواسطة دنيا الامل 18

ما دام اختك تزوجت التفتي لحياتك وتزوجي سريعا لا تؤجلي حتى لا تتعرضي لمشاكل اكثر

مشكلتها اختها أخذت كل الجهاز تاعها بعني لازم تستنى..
لكن الحمد لله راحت خلاص..لا تضعي ثقتك فيها..

[هدآية]

اختك أنانية
وين راه المشكل الا تزوجتي قبلها
كل وحدة و مكتوبها
فوتي سنين باطل

عموما
ماعليش كلش فات
ضرك خممي في روحك
حاولي توجدي روحك في أقرب وقت
ماتكثريش ادي مقدورك
و اكيد راه ربي يباركلك
خاطر نيتك زينة

ربي يسهلك اختي

[إسلام الفاروق]

ركزي على مستقبلك

كل شىء خلقناه بقدر ادعي لها انشاء الله فيها خير

[Amouna.DZ]

كيما قالولك حاولي تستدركي أمورك مع خطيبك و حددي موعد زواج أدي مقدورك وربي يعوضك على نيتك الطيبة... ملتخميش مشاكلك مع خطيبك بسبب طول مدة الخطوبة

[مينو 05]

اختي ربي يكون معاك انتي باينة حنينة بزاف ان شاء الله تتصلح امورك الى الاحسن وتعيشي احلى حياة وكيما تتمنايها

[أناييس الربيع]

احيانا اصدم بعقليات هكذا

انا أكبر من أختي ولا أفكر في الزواج حاليا

ولكن لما أتت فرصة زواج لاختي الصغرى أنا من قمت بتجهزيها

وكل وحدة ومكتوبها و أكيد ربي يرزقك من عظيم فضله

وربي يهدي أختك

[طيور الجنان]

حاولي تصححي امورك مع خطيبك و ديرو العرس وتفرحو ان شاء الله و مهما يكون هاذي اختك و ان شاء الله ترجع الامور لمجاريها بيناتكم.