نحوس على طبق بالكابوية من فضلكن

[ام هدول]

شرالي زوجي الكابوية او القرعة وماعنديش اطباق فيها لي عندها فكرة على الطبق تتفضل تمدهولي وربي يجازيها كل خير

[سر التقى]

https://www.fatafeat.com/recipes/deta...AD%D9%85%D8%B1

https://forums.fatakat.com/thread371817

تفضلي

[0ibtissam]

سلام عليكم اختي احنا في بسكرة نطيبوها كسكس
يعني تجبي لحم ديالك ودوزنيه مليح يعني راس حنوت وفلفل احمر طماطم العلب وزيت وحمصيه مليح لما يتحمص ضيفلو الماء الساخن وغلقي كوكت لما يطيب اللحم نحيه من كوكت واضيفي الكبويا ديالك وخليها حتى طيب في اخير ظيفلها ججوات حار وكسكس عادي مثل ركي تعرفي كفاه لما يتفرو ويتسمغ سقي في طبق ظعي الكسكس وكبويا وطرف اللحم حنا بزاف نحبها ان شاء الله تجيك بنينة

[أم محمد علي]

ممكن معجون
ذقتوا وجاء يهبل
خبيرة مربى اليقطين تدخل

[ام حمزة22]

السلام عليكم
تفضلي رابط طجين لحلو بالكابوية ان شاء الله يعجبك
https://www.djelfa.info/vb/showthread.php?t=1872487

[أم أسرار]

مساء الخير أم هدول
هذ الرابط ممكن يفيدك و هو عصير الكابويا
https://www.djelfa.info/vb/showthread.php?t=1873176
و عندي فكرة أخرى انا نستعملها كي تكون عندي الكابويا نطيبها مع الخضر القرعة ،الزرودية، بصل، لفت ، كرافس، مع الملح و فيفل أسود و الزعتر و نرحيهم الكل ويجيك حساء ماينشبعش
نتمنى أنك جربيه و يلتحقو البنات و يفيدوك بوصفات اخرى إن شاء الله

[حياة نور الدين]

اختي اهلااا بك انا نديرها بالدرسة جي رووووعة
ديري الزيت كثري شوية والملح والفلفل اسود وكمون وفلفل عكري والحار والثوم مرابي قلي قطعي الكابويا مربعات كبيرة وديريها تتقلى مرقي الطنجرة نتاعك متكثريش الماء لان الكابويا تطيب بلخف متحتاجش كمية كبيرة من الماء كي تطيب وتولي عندك صوص ثقيءلة ضربي البيض وديريه عليها مدة زوج دقايق وطفي
تجي روووووووعة

[ام هدول]

ربي ينورلكم حياتكم ويحفضكم من كل شر نشكركم على المرور و راني استفدت من الوصفات لي قدمتوها شكرا

[lilii7179]

سلام
انا نديرهافي الكسكس بالخليع,او حساء تجي هايلة خصوصا في البرد تقلي بصلة في الزيت + سنات ثوم + قطعة دجاج او لحم او واش عندك+ 3 حبات زرودية + حبة بطاطا + حبة طماطم + قطع نتاع كابويا+توابل (ملح + فلفل اسود+زنجبيل +اللي يحب القرفة يحط شوية انا ما نحبهاش لكن اول مرة كليت الحساء هذا مولاتو حطت فيه قرفة و جات بنينة) كي يتقلاو امرقي و خليها طيب ثم ارحيها و اللي يحب يحط كريمة طازجة عند التقديم.
كيفية اخرى مالفة نديرها ساهلة ماهلة و بنييينة و هي شكشوكة الكابويا : تقلي مربعات الكابويا في الزيت حتان يبداو يحمارو ( راهم يطولو شوية) و تصفيهم من الزيت.من جهة اخرى في مقلة ديري شوية زيت و حبة ولا 2 طماطم مقطعة مربعات و 2 سنات ثوم مرابية كي تبدى الطماطم تنشف لوحي الكابوية تشرب و طفي عليها .