الفلان منين.............

[جوجو13]

السلام عليكم واش راكم
اليوم حابة نسقسيكم يمكن تقولو واش بيها هاذي مي انا نحب نسقسي في كل حاجة مختصة في الاكل كما تعرفو دروك راهم يجبولنا اغذية منعرفوش الاصل نتاعها المهم منطولش عليكم كما عرفنا حكم الجلاتين ولاجولي حابة نعرف الفلان منين يستخدم علخاطرش كي نديروه في الفريجيدار راهو يجمد حالو حال الجيلاتين يجمد فالسؤال هل الفلان يجي فيه الجيلاتين باش يجمد ولالالا انا شفت حنهار في لابواط نتاع الفلان نيست اسم النتوج مكتوب فيه مستخلص الطحالب البحرية كي حوست لقيت الطحالب البحرية يستخرجو منها الجيلاتين بطبيعة الحال هذا راهو حلال لان الاصل نباتي اما الفلان راهو انواع فحبيت نعرف منين يستخدم وجزاكم الله خيرا

[lady31]

ممممممم يا بنتي دورتلي قلبي دروك باش ناكل الفلو لا غدي نخمم ادروات و اقوش هههههه

[لميس اميرة]

أختي من وزماااااااااااااااااان و الفلان موجود

و انا نعرف بلي مخدم بالنشاء و البيض مجفف

[قصي عبد الرحيم]

راه بالنشاء و زيدي بالزيادة أشري المنتوج الجزائري ما عندك مناش تخافي كل شيء واضح

[نجمة7]

النشا هو لي يجمده

[fatimazahra09]

الفلان فيه كمية من الجلاتين والله يستر لاكان مصدرها حلال او عافانا الله حرام
المهم كونك متاكدة وما لا علاه راهم يحطوه في
براسك كامل التحليات ؟ و لا لقيتي الجواب خبريني
سلام حبيبتي

[sarah..]

اقراي المكونات اختي حاجة بسيطة مش معقدة..... والنشاء هو الي يجمد الفلان ..

[ladymillion]

اختي الفلون حنا ديييييييييييما نشريو نوارة مضمون وحتى انا واختي تسائلنا عليه وقرينا بواش مخدوم اكيد فيه النشا ومادة نسيت اسمها لي هو اسمها مرقم نسيت كيما قلتي انت مادة تستخرج من طحالب بحرية يسمى تاني بــ agar agar وراهو نباتي وحلاااااال
مافيهش حاجة حرام خاصة المنتوج الجزائري على حسب لي يبينوه