ادخلو لبنات الذورة المعلبة فى البيت

fadila34 · 2017-04-02, 18:45

السلام عليكم ياحراير الجلفة
جربت اليوم الذورة المعلبة وعجبتني الفكرة قولت نحطها يستفادو معيا كامل لحراير بصرحة هي تاع ام اسيل ربي يخليها اتفضلو شوفو واش درت حق 5الاف عطاتلي هذي الكمية ان ساء الله نكون افدتكم
ل
لبنات حبيت نقولكم بالي حليت علبة تاع الذرة وذقتو بصح ماجاش كما لي يتباع جاني شوية يابس اعتذر

&ام ايوب& · 2017-04-02, 18:50

شكرا ليك اختي
ياريت لو تعاودي تحطي الرابط لانه لا يظهر

fadila34 · 2017-04-02, 18:54

اقتباس:

المشاركة الأصلية كتبت بواسطة &ام ايوب&

شكرا ليك اختي
ياريت لو تعاودي تحطي الرابط لانه لا يظهر

عفوا ياختي
هاني حطيت الرابط

&ام ايوب& · 2017-04-02, 19:12

بارك الله فيك ان شاء الله نجربو

انتصار فاطنة · 2017-04-02, 22:12

الرابط لا يفتح

ام هدول · 2017-04-02, 22:26

فضيلة ختي الرابط مافتحش ياريت تحطي الطريقة ولك جزيل الشكر

fadila34 · 2017-04-03, 07:37

https://youtu.be/GtCTZV712M4

fadila34 · 2017-04-03, 08:21

صباح الخير عليكم واسمحولي بزاف بزاف كنت حابة يتحل الرابط باه تشوفو مليح الطريقة بصح ذرك نحاول نشرح مليح ولي مفهمتش تسقسيني راني فى الخدمة
اولا تحطي كاس تاع ذرة يابسة يعني الماييس اليابس لي نخدموه فوشار
تغسلسه وتحطيه فى الماء مع 1خميرة قاطو وتخليه يبات فى الماء كما الحمص والغدو من ذاك تبزعي الماء هذاك ودريلو ماء جديد وتحطيه فى طنجرة الضغط يعني ال****طة وتزيدلو مغرفة كاربونات وتغلق وتخليه حتى ساعة ومن ذاك حالي عليه وشوفي ومن جها اخر عقمي البالارات تاوعك وحطيهم ينشفو وكي يوجد صافيه من الماء لي طاب فيه وكي يدفة حطيه فى البالارات وزيدي عليه الماء حتى يتغطة حبات الذرة وزيدي نصف ملعقة ملح انا الماء لي درتو غاليتو وحطيت الذرة سخونة والماء سخوان قولت باش يزيد يطرة مليح مليح واغلقي عليه مليح وحطيه فى خيزانة المطبخ وخليه وكي تفتحي العلبة تاعك لازم تحطيها فى الثلاجة قالت ام اسيل ميجيش كماتاع العلبة المشرية فيها المواد الحافظة بصح يجي مليح ان شاء الله نكون فهمتكم مليح واسمحولي لا كثرة الهدرة هههه حبيت نوصللكم كما شوفتو فى الفيديو واي سؤال راني هنا والشكر موصول الى ام اسيل