إلى إلهآم 07

[nadjet boumaraf]

سلام إلهام عندي عقدة من تشاراك والطلية ...جرببت في العيد عجينة سحرية للحلويات لأم أماني اللي ستعملتيها نتي تاني بصح معجنتهاش انا وكي حطيتها طيب خرجلي الحشو وفسدلي القاطو ....سؤالي ليك حشو تشاراك اللي درتيه انتي لميتيه ببياض البيض ولا بيض كامل وكيفاه تطلي القاطو تاعك الطريقة ...ويعطيك الصحة ...وحقا وصفاتك وتطبيقاتك تشهي يا شــــــــــــــطورة

[محتاجة لعفو الله]

و عليكم السلام و رحمة الله و بركاته

اسمحيلي أختي على التطفل بصح فيما يخص العجينة السحرية للأخت أم أماني جربتها في العيد و درت بيها عرايش و تشاراك صدقيني جات أكثر من رائعة و الحبات حافظو على الشكل ديالهم المهم العجينة تلميها مليح مليح بالفرينة ما تخليهاش طرية يعني يلزم تكون حاكمة روحها هذا اللي قالتو أم أماني
و فيما يخص الحشو اللي خرجلك يلزم تغلقي عليه مليح مليح ، و باذن الله اذا تبعتي واش قلتلك يخرجلك هايل و يحمر الوجه
و هذا رابط موضوع أم أماني : https://www.djelfa.info/vb/showthread.php?t=1198301

و عذرا مرة أخرى لتدخلي.

[nadjet boumaraf]

شكرا اختي لا عادي تطفلي كيما تحبي المهم نصائحك القيمة ..في الحقيقة انا والله جربتها العجينة وجاتني ميدمة بزاف وكي نحطها تطيب يخرجلي الحشو والشكل يفسد مفهمتش علاه ...وشكرا ليك وربي يجازيك كل خير

[ranimranim]

اختي انا خدمت بالعجينه السحريه تاع ام اماني في العيد جاتني هايله تبعت الوصفه كيما قالت الاخت ام اماني،بالنسه للحشو ماتبليش بالبيض بليه كيما الحشو تاع البقلاوه بالماء زهر،ولا ديري كاوكاو مع حلوة الترك ولميه بالمعجون،بالنسبه للطليه اعملي تاع صابلي البيضه تاع ام اماني راهو يجي يذوب في الفم راهو احسن قلاساج وبالتوفيق ان شاء