لي عندها خلاف مع المطلوع تتفضل...مطلوع ناجح... خفيف.... وما يديش الوقت

oum rayanedino · 2015-09-20, 17:12

جاء العيد شوى كبدة...... بصح بلى خبز مطلوع..........على هدا شفت لااااازم نحط هدي الوصفة للمطلوع لانها مليحة للمبتدئات......... و لي ماينجحلهمش خبز و أهم .....ماتديش وقت بزاااااااااف
بعد حرب مع وصفات خبز المطلوع و أخيرا وصلت وصفة ساهلة و مضمونة و ماتديش وقت بزاف تفضلن
المقادير:
3 كيسان فرينة
3 ملاعق كبيرة زيت
ملعقة كبيرة و شوية خيرة خبز
ملعقة كبيرة سكر، ملح

طريقة تحضير:
في إناء نحط الفرينة و سكر و نخلط ملح و نخلط ملح و نخلط ثم خميرة نخلط وونديرحفرة و ندير فيها شوية مااء دافى و زيت

نبدأ نلم في العجينة بشوية و نزيد ماء حتى نحصل على عجينة شوية طرية تلصق في يدنا وما تلصقش في طاولة العمل مثل ماهو موضح في صورة

نشكلها على شكل حربوش نقسمها بالسكين إلى 6 قطع و نخليها ترتاح 3 إلى 4د

هادي العجينة بعد ما ريحت

نأخذ قطعة عجينة نكورها و نحطها فوق منديل مشرشوش بالفرينة ونرشها من فوق شوية حتى ماديرلناش طبقة يابسة و نتركها تخمر 10د

هنا بعد ما خمرت

نأخذ عجينة نبسطها بيدي بالشوية و نكمل نحلها بالحلال 0.5 سم و نعاود نحطها فوق منديل مرشوش بالفرينة ونرشها رشة خفيفة فرينة و نخليها تخمر 30 د إلى 40 د على أكثر

هدا بعد ما خمر الخبز

فوق طابونة نحط مقلة أو طاجين حديد و نخليه تسخن مليح بعد ما يسخن نحط الخبزة و قبل ما تطيب نقلبها

هنا كي قلبتها و بدات تنتفخ

[ونبقى نقلب فيها على جهتين حتى تنتفخ كي بالون كيما راهو باين في الصورة. انا كملت طياب الخبزة لكن أحيانا تنتفخ قبل ماطيب هنا تكمللها طيابها و تنحيوها

تخرج خبزة منفوخة وخاوية من داخل

إن شاء الله تكون عجبتكم الوصفة هي وصفة هايلة خاصة للمبتدئات و هنا تعمدت ندير خبزات صغار لأن لي ديروا أول مرة مطلوع جيها صعب ترفدها فتبدأ بحجم صغير و كل مرة تكبرو شوية حتى تولي تقدر ترفد خبزة كبيرة
في أمان الله
مع للأفضل

ام اماسي · 2015-09-20, 17:41

يعطيك الصحة ربي يجازيك

mamarine · 2015-09-20, 17:50

بارك الله قيك تسلم ييديك

تغرينية · 2015-09-21, 11:05

شكرا لكي والله يحفظك

زهرة الريف* · 2015-09-21, 13:32

بارك الله فيك اختي ويعطيك الصحة

omdouaa · 2015-09-21, 20:54

يعطيك الصحة اتشهي بارك الله فيك

*رتاج الكعبة* · 2015-09-21, 20:48

بارك الله فيك

شمس الملوك · 2015-09-21, 22:34

يعطيك الصحة

yassmina93 · 2015-09-22, 08:38

انا عندي خلاف كبييير مع المطلوع معلاباليش علاه ما يبغينيش نشا الله على يدك حبيبتي نتصالحو حبيت نسقسيك ادا نقدرو نديروه بنفس الطريقة فالكوشة شكراااا ربي يجازيك كل خير