حبيت نعطيك وصفة العايلة
اولا احنا مانديروهش بالفرينة، نديرو دقيق كيما انت ، كيلي خبزاتك ولكل خبزة ديري مغرف صغيرة تاع ديسار خميرة حطي الخميرة في كاس ماء دافي مع سكر وخليها تطلع شوي ، وملحي الدقيق وديريلو مغرف ك زيت لكل ثلاث خبزات، والسينوج ، وزيديلها الخميرة ، وكملي بليها بالماء واعجني وزيدي الماء بالشوي حتى تترخف وتولي ملساء ، خليها تخمر ، من بعد اقسمي الخبزات وقرصيهم فوق سرفيتة وصغريهم باه كي تهزي مايتعوجوش ، غطيهم وخليهم مابيد ما يسخن الطاجين حوالي ربع ساعة وطيبي على نار عالية جربيها ، الناس كامل تشكر هاد المطلوع