تجهيزاتنا للشهر الفضيل

[ام هزار]

[COLOR="DarkOrchid"]صح فطوركم واش راكم ان شاء الله في تمام الصحة و العافية
كلش ملييييييييييح في رمضان هدا فقط النوم اضطرب و هدا ما راهو يسبب التعب و الفشلة
المهم راني نسنى في اجاباتكم على سؤالي و الا ما نيش رايحة نتقاسم معاكم يوياتي ههه/COLOR]

[رندة.]

مساء الخير عليكم وصحة فطوركم وسحوركم
إعانة أختك المسلمة

https://www.djelfa.info/vb/showthrea...post3997523022

[جهينة اليقين]

السلام عليكم صباح النور عليكم اخواتي العزيزات لا تنسوا صلاة الاوابين صلاة الضحى

[جهينة اليقين]

راني جاوبتك في الدردشة يا ام هزار
نعاود نقول لك راني في سورة الحجر الجزء الرابع عشر بمعدل جزئين في اليوم بنية ختمتين في هذا الشهر الكريم ربي يقدرنا ويساعدنا على القراءة الصحيحة
برك ما تزعفيش وادخلي قاسمينا يومياتك

[جهينة اليقين]

اليوم شهادة التعليم الابتدائي الي عندها وليدها او بنتها نتمناوا لهم النجاح بحول الله

[رندة.]

صباح الخير عليكم، ربي يوفق وينجح كل الممتحنين ان شاء الله.

[رندة.]

ما تزعفيش يا أم هزار، انا راني مازال في سورة البقرة، لخاتش كنت بالعذر على هذا حشمت نهدر. ربي يقدرنا ونختموه أكثر من مرة ان شاء الله.

[رندة.]

قولولي فراشات وقتاش راكم تقراو في القرآن؟؟
انا كنت مخططة نقرأ بعد كل صلاة، لكن في الواقع ماقدرتش نطبّق وش خططت خاصة بعد صلاتي العصر والمغرب، يعني حصة الأسد للقراءة كانت بعد صلاة الفجر وبعد صلاة الظهر وفيهم نحاول نعوّض التأخر تاع العصر والمغرب.

[جهينة اليقين]

شوفي اوقات الفراغ يا راندا مثل الضحى بعد الظهر كي تخلصي كلش قبيل المغرب وهذه ساعة استجابة الدعاء فاغتنموها

[قرويجة]

المشاركة الأصلية كتبت بواسطة رندة.

قولولي فراشات وقتاش راكم تقراو في القرآن؟؟
انا كنت مخططة نقرأ بعد كل صلاة، لكن في الواقع ماقدرتش نطبّق وش خططت خاصة بعد صلاتي العصر والمغرب، يعني حصة الأسد للقراءة كانت بعد صلاة الفجر وبعد صلاة الظهر وفيهم نحاول نعوّض التأخر تاع العصر والمغرب.

السلام عليكم
بصراحة كيما قلتي ياختي رندة الوحدة مع أشغال البيت و الكوزينة متلقى وين تصد
أنا راني نقرا الورد تاعي بعد الفجر كامل وإذا كان عندي وقت في وسط اليوم نزد نقرا و نسبح
راني متمنية نختم القرأن في هذا الرمضان 3 مرات الله يقدرنا
صح فطوركم

[ام هزار]

الله الله عليكم يا فراشات و على ردودكم المشجعة
جهينة ما شاء الله عليك انا راني ما زلت في سورة الاعراف اليوم ما قريت والو و الله ما قعدت غدوة ان شاء الله نعوضها و الله المستعان
رندة ما زال الوقت و تلحقي بادن الله ملاحظة فقط ممكن في ايام العدر تقراي من الهاتف او التبليت او اي جهاز اخر على بالي بيك شاطرة و تسبقيني قرويجة ما شاء الله على همتك العالية انت و جهينة ربي يثبتكم يا رب بالمناسبة ما معنى اسمك يعنى المعرف تاعك قرويجة لو سمحت

[جهينة اليقين]

صح فطوركم فراشات واش هذا الغياب ؟

[جهينة اليقين]

اللهم اعنا على ذكرك وشكرك وحسن عبادتك

[رندة.]

مساء الخير عليكم، صحة فطورك جهينة وصحة فطور كل الفراشات.

[جهينة اليقين]

احكوا لنا كي فاش راكم تديروا مع الفطور ؟ هل راه يكفيكم الوقت ؟
الاكل تاكلوه كامل ولا يبقا لكم وكيفاش تتصرفوا اذا بقا لكم ؟
هل راكم تحاولوا ما تبذروش لانه شهر العبادة وليس شهرا للاكل ؟