قريوش بأشكال جميلة من مطبخي مقرمشة و لذييييذة

[زينب 83]

هذه وصفة القريوش انا معتامدتها عندي مدة و انا هزيمتها من كتاب طبخ لكن حرفت فيها شوية ، و هي هايلة ، راح نعرضها عليكم مع بعض اشكال القراوش لي انا تعلمتهم و ان شاء الله يعجبوكم




وصفة عجينة القريوش

كيلة زبدة توريق صالحة

4 كيلات فرينة

ذرة ملح

ملعقة صغيرة فانيليا

ملعقة اكل ماء زهر

ملعقة اكل خل

حليب

عسل و فستق او جلجلانية للتزيين

نذوب الزبدة و نزيد الفرينة و الملح و الفاني و نلم بالحليب حتى تصبح عندنا عجينة ملساء و متماسكة يعني ماشي مرخوفة



نقطعو العجينة الى أقسام و نبدأ التشكيل




الشكل الاول شكل البابيون

نمرر العجينة في الة البقلاوة في الرقم 1 ثم 2 ثم 5 و نقطعو مربعات و نشكلوها كما في الصورة ، و كل ما نطبقو قسم ندهنو ببياض البيض كي لا تنفك اثناء الطهي



و هذ النتيجة بعد القلي و التعسيل












الشكل الثاني على شكل وردة الرمال

نمرر العجينة في الة البقلاوة في الرقم و 2 و 4 ثم 6 . نقطع العجينة الى دوائر نضع ثلاث دوائر فوق بعضها و نلصقوهم في الوسط ببياض البيض و نشكلوها حسب الصورة




وهذه النتيجة












الشكل الثالث على شكل مروحة

نمرر العجينة في الة البقلاوة في الرقم 1 و 3و 5 نقطعوها مربعات و نشكلها وفق المراحل في الصورة مع إلصاق الأطراف ببياض البيض



وهذه النتيجة








الشكل الرابع وردة

نمرو العجينة في الة البقلاوة في الرقم و 2 و 4 ثم 6 ثم نقطعوها شرائط و و ندوروها حول المركز وفق المراحل المصورة و نلصق النهاية ببياض البيض



وهذه النتيجة









الشكل الخامس الحنفيات

نمرر العجينة في الة البقلاوة في الرقم و 2 و 4 ثم 6 ، نرشوها ملييييح بالنشاء و نلفوها ثم نقطعوها بشكل مائل و نبسطوها من الجيهتين حتى تتورق كل حبة



وهذه النتيجة











الشكل السادس الظفائر

نمرر العجينة في الة البقلاوة في الرقم و 2 و 4 ثم 6 ، ثم نمررها في الة الرشتة و نظفرها مع الضغط على الأطراف




وهذه النتيجة












الشكل السادس قريوش المول

نمرو العجينة في الة البقلاوة في الرقم و 2 و 4 ثم 6 ثم نقطعوها دوائر حسب حجم المول لي عندنا ، الاولى ندخلوها مليح في المول و راح تكون قاعدة و الأخريات نحطوهم وحدة فوق الثانية و ندهنو بينهم بالبيض و نشكلوهم مثل الصورة و نقلوهم في زيت سخون و نرميو فوقهم بالملعقة حتى يحمارو مليح ، وراح ينفاصلو بسهولة عن المول




و هذه النتيجة










وهذه صور جماعية












ملاحظات

زيت القلي لازم يكون غزير و لازم يكون سخون كي نحطو لقراوش و مباعد نقصو شوية لكن ماشي بزاف باه لقراوش يطيب من داخل كيما برا

بياض البيض ضروري لتلصيق الأطراف

اذا كان لقريوش سخون العسل لازم يكون بارد باه يبقى مقرمش


السعرات في حبة لقراوش بين 150 و 200 سعرة حسب الحجم ، لانو القراوش خفيف مايوزنش بزاف



ان شاء الله يعجبكم الموضوع و تستفادوا أخواتي

[حياتي نبع امل]

بارك الله فيك ،اشكال هايلة ،ومميزة

[rahma2014]

يعطيك الصحة اختي بارك الله فيك

[ام هاديل وياسين]

بارك الله فيك كلهم روعة تسلمي عندي سؤالين الاول قريوش الضفيرة ساهل كي تضفريه ؟؟

والقريوش الثاني الي فالمول على حساب ما فهمت تقلي في المول الي حطيتي فيه العجينة ؟؟

[oum islem]

أهلا زينب ما شاءالله ابدعت اختي بارك الله في عطائك

[زينب 83]

المشاركة الأصلية كتبت بواسطة om hadil

بارك الله فيك كلهم روعة تسلمي عندي سؤالين الاول قريوش الضفيرة ساهل كي تضفريه ؟؟

والقريوش الثاني الي فالمول على حساب ما فهمت تقلي في المول الي حطيتي فيه العجينة ؟؟

اهلين ام هديل ، ايه ساهل بصح يحكم شوي الوقت و العجينة لكن بنيييييين بزاف

اييه الثاني تقليه بيه بالمول

[هيام الريحان]

ماشاء الله بارك الله فيك ابدعت اناملك وتالقت افكارك ربي يحفظلك عائلتك ويرزقكم الخير ويجعلكم من اهل الجنّة

[ام هاديل وياسين]

المشاركة الأصلية كتبت بواسطة زينب 83

اهلين ام هديل ، ايه ساهل بصح يحكم شوي الوقت و العجينة لكن بنيييييين بزاف

اييه الثاني تقليه بيه بالمول

شكرا زينب جاري التجريب ان شاء الله

[ماريا.م]

ماشاء الله ، أشكال رائعة
بارك الله فيك اختي

[cuisineshowdalatifa]

ما شاء الله أبدعت في التشكيل ,

حطييتي روائع

[بنت مسلمة]

مبدعة ما شاء الله

[fleur de lili]

allah ya3tik sahtek ki raki tfarhi fina 4444444444444

[0ibtissam]

يعطيك الصحة روعة

[أم ياسين الزهراء]

عليه افضل الصلاة

الله يعطيك الصحة هايل نقدر نعوض زبدة التوريق بالسمن

[Oum yousra]

واااااااااااو تحفة حنونة خرجولك روووووووووعة روووووووووعة يعطيك الصحة