تارتولات بكريم الكراميل (من مطبخ راجية الجنة )

["راجية الجنة"]

السلام عليكم

جبتلكم روسات من اختراعي وعلى ضمانتي كثيييييييييييييييييير روعة ( حوحو يشكر في روحوا ههههههههه ) بصح بشهادة العائلة راهي فوووووور وحاجة جديدة ثاني تارتولات بكريمة كراميل ودائما حصريا في الجلفة




===العجينة ===
هي بات سابلي وكما تعرفوا هدي لا بات راهي مهيش ساهلة ولكن الحمد الله بفضل الله صلحتلي وعملت كاس فرينة في اربع مغارف كبيرة نتع زبدة وبيضة واحدة ومغرف كبيرة سكر وترشي شويا ملح و خميرة نتع القاطوا وتجمعيهم مع بعض وتخليها ترتاح في الثلاجة لمدة نصف ساعة (هذا هو سر نجاح لابات سابلي ^_^) ومن بعد تحكمي مول نتع لي تارتولات تدهنيهم بالزبدة او الزيت وتحطي العجينة فيها بعد ما حلتها رقيقة واحد 1 سم ارتفاع وتشكيها بالفرشيطة وتعاودي تحيطيها في الثلاجة لمدة ربع ساعة (هذا هو السر ثاني ) ومن بعد تحطيهم يطيبوا
===كريم كراميل ===
لازملك ابع معالق كراميل (كراميل بش اديرها لازم تحرقي السكر مع الماء وبش تجيك اربع معالق كبيرة اعملي اربع معالق كبيرة سكر في 3 معالق كبيرة ماء وارحيقهم )
في اربع معالق كراميل يكونوا سختيهم في الكاسرونا حطي نصف لتر حليب + معلقتين نشاء وابقاي حركي بشكل متواصل حتان تتقالك وبرديها من بعد في ماء بارد
ومن بعد تحكمي لي تارت لات نتاعك وتحطي طبقة نتع كراميل وتخليهم يردوا لمدةنصف ساعة
===الميزانغ ===
ساهلة خلاص وانت تنظري يبرد الكارميل في لي تارتلات تعمليها ولازلمك
اربع بياض بيض في 6 معلاق كبيرة نتع سكر قلاص شويا نتع ملح تضربي البيض شويا ومن بعد كما تشكل رغوة تبداي تحطي السكر مغرفة بمغرفة حتاااااان تكمليهم كامل وتحكم روحها الميرانغ
من بعد تجبدي لي تاتولات وتحطي الميرانغ ومن بعد تحطيهم يطيبوا غير من فوق حتان تحمار الميرانغ كما في الصورة وشهية طيبة
نتمنى تكون عجبتكم وتجربوها وادعيولي

سلاااااااااااام

[/زهرة عصفور الجنة/]

[sisi 26]

روووووووووووووووووعة يعطيك ألف عافية

[منارة التاريخ]

الله يعطيك الصحة حلوة تستحق التجربة

["راجية الجنة"]

مشكورين على المرور الطيب

[faizarbh]

الله يبارك روعة

["راجية الجنة"]

يبارك فيك ربيي حفظك

[وداد100]

بارك الله فيك رائعة شكراااااااااااااااااااااااااااااا

[بشرى2008]

شكرااااااااااااااااااااااااااااااااااااااااااااااا ا

[ايام متمردة]

حقا روعة الله يبارك فيك
والعجينة جات هشيشة?

[OU SS AMA]

بارك الله فيك يعطيك الصحة

[miri_27]

[*أم كوثر*]

تبان تشهي بارك الله فيك

[الواثقة بالله 23]

والله يا راجية الجنة منورة قسم الحلويات كما كنت في قسم الدراسات العليا

سلمت يداك

["راجية الجنة"]

يعطيكم الصحة على مروركم

المشاركة الأصلية كتبت بواسطة ايام متمردة

حقا روعة الله يبارك فيك
والعجينة جات هشيشة?

نعم اختي تجي هشة كما يحب الخاطر

واثقة بالله )))))يعيشك اختي وعاش من شافك