مقالة اللغة والفكر

[سحر الالماس]

.................................................. ..............................

[سحر الالماس]

رابح ادخل في نفس المنتدى و تلقا طالبة العلوم الشرعية حاطة فيديوهات تاع الرياضيات ملاح و رايحين يفيدوك

[رابح بن علي]

المشاركة الأصلية كتبت بواسطة بريق النور

وييييييييييييييييييين رااااااااااااك راني حاصلة النظرية الجشطالتية تخلطتلي فيها خدمت مقالة الفصل بين الاحساس و الادراك بصح الجشطالت مفهمتش وش ندير الموقف تاعها عندي راني كاتباتو بصح نحب نفهم وندير من راسي

مكيش فاهمة نضرية جيشطاتية

[سحر الالماس]

ايه فهمني بطريقتك كيما قبيل و اعطيني امثلة

[رابح بن علي]

المشاركة الأصلية كتبت بواسطة بريق النور

ايه فهمني بطريقتك كيما قبيل و اعطيني امثلة

اوك حطي معايا مليح
الجيشطالتية سميت بهدا الاسم نسبةالى جيشطالت وهي كلمة المانية تعني الشكل وصورة اسسها كوهلر هدي لمحة عامة عليها المهم
محتوى هدي النضرية هو انهم لم يميزو بين الاحساس والادراك الى جانب الضواهرين عكس العلقين لي قالو يمكن التميز بينهما
الادراك بنسبة لجيشطاتين هو مرتبط بالعوامل الموضوعية يعني واش رانا نشاهدو بعينينا المضهر الخارجي هو لي يتحكم في الادرااااك وهدا لي نقصدو بيه الشكل وصورة
يعني حنا ندرك الكل قبل الجزء والاجزاء من قدروش نعرفوها الا في معطى مباشر منضم داخل صورة مثلااا مكتب حنا منقدروش نعرفو بالي راهو مكتب الا من خلال مشاهدة الصورة الكلية للمكتب كي نفصل المكتب ونجيبلك مثلاا لوحة منو متعرفيش اللوحة هدي نتاع وشيه حتان تشوفيها في صورة اجمالية الي هي المكتب وعندهم قوانين يمشو عليها من بينها قانون الانتضام يعني صورة منضمة مثل ادركنا للكل يكون اسبق من الجزء وادركنا للوجه شخص ما يكون قبل ادراك عينيه وادراك الشجرة يكون قبل ادراك ومعرفة الغصن
وكاين قانون الارضية لي ستندو عليه ايضاا
بمعنى مثلااا حنا منعرفوش قطعة من القطن كي تعود محطوطة على الثلج خطراش لون متشابه ولا نعرفو كتابة في سبورة يكون لونها اخصر بالون الاخضر هدا يعني قانون الارضية وكاين قانون التشابه مثلااا حنا يسهل علينا حفظ ارقام هاتف تكون متشابهة 0666..... يعني يسهل علينا الموضوع الخارجي الادراك ببساطة خطراش يتشابهوو
شوفي هكاا وكشما مفهمتيش قوليلي

[سحر الالماس]

قتلي بلي مرتبط بالعوامل الموضوعية والعوامل الذاتية وش هي فهمهالي

[سحر الالماس]

المذهب الغشطالتي: وخلافا لما سبق، يرى أنصار علم النفس الغشطالتي ومن بينهم الألمانيان كوفكا وكوهلر والفرنسي بول غيوم، أنّ إدراك الأشياء عملية موضوعية وليس وليد أحكام عقلية تصدرها الذات، كما أنه ليس مجموعة من الإحساسات، فالعالم الخارجي منظّم وفق عوامل موضوعية وقوانين معيّنة هي "قوانين الانتظام"، ومعنى ذلك أنّ الغشطالت يعطون الأولوية للعوامل الموضوعية في الإدراك ولا فرق عندهم بين الإحساس والإدراك.
الحجة: وما يثبت ذلك، أنّ الإدراك عند الجميع يمر بمراحل ثلاث: إدراك إجمالي، إدراك تحليلي للعناصر الجزئية، وإدراك تركيبي حيث يتم تجميع الأجزاء في وحدة منتظمة. وفي هذه العملية، ندرك الشكل بأكمله ولا ندرك عناصره الجزئية، فإذا شاهدنا مثلا الأمطار تسقط، فنحن في هذه المشاهدة لا نجمع بذهننا الحركات الجزئية للقطرات الصغيرة التي تتألف منها الحركة الكليّة، بل إنّ الحركة الكليّة هي التي تفرض نفسها علينا.
كما أنّ كلّ صيغة مدرَكة تمثل شكلا على أرضية، فالنجوم مثلا تدرك على أرضية هي السماء، ويتميز الشكل في الغالب بأنّه أكثر بروزا ويجذب إليه الانتباه، أمّا الأرضية فهي أقل ظهورا منه، وأحيانا تتساوى قوة الشكل مع قوة الأرضية دون تدخل الذات التي تبقى تتأرجح بين الصورتين .ثم إنّ الإدراك تتحكم فيه جملة من العوامل الموضوعية التي لا علاقة للذات بها، حيث أنّنا ندرك المواضيع المتشابهة في اللّون أو الشكل أو الحجم، لأنها تشكل في مجموعها "كلا" موحدا، من ذلك مثلا أنه يسهل علينا إدراك مجموعة من الجنود أو رجال الشرطة لتشابه الـزي، أكثر من مجموعة من الرجال في السوق أو الملعب .
وأيضا يسهل علينا إدراك المواضيع المتقاربة في الزمان والمكان أكثر من المواضيع المتباعدة، حيث أنّ المواضيع المتقاربة تميل إلى التجمع بأذهاننا، فالتلميذ مثلا يسهل عليه فهم وإدراك درس ما إذا كانت عناصره متقاربة في الزمان، ويحدث العكس إذا ما تباعدت. وأخيرا، ندرك المواضيع وفق صيغتها الفضلى، فندرك المواضيع الناقصة كاملة مع أنها ناقصة، حيث أننا ندرك مثلا الخط المنحني غير المغلق دائرة، وندرك الشكل الذي لا يتقاطع فيه ضلعان مثلثا بالرغم من أنهما ناقصان. ويتساوى في ذلك الجميع، مما يعني أنّ المواضيع المدرَكة هي التي تفرض نفسها على الذات المٌدرِكة.
كي لقيت موقف كيما هكا راسي حبس مقدرتش نستوعبو

[رابح بن علي]

المشاركة الأصلية كتبت بواسطة بريق النور

قتلي بلي مرتبط بالعوامل الموضوعية والعوامل الذاتية وش هي فهمهالي

العوامل الذاتية هدي نالقوها عند الضواهرين مدهب الضواهرين هدا دارو هوسرل
ويقصد بالعوامل الداتية هي الشعور يقلك بالي الشعور هو السبب الدي وراء الادراك
مثلااا زوج تلاميد في قسم بقراو مع بعضاهم في درس واحد يكون في حالة فرح واحد يكون في حالة حزن
الي يعود في حالة فرح بطبع راهو راح يستوعب الدرس مليح ولي يكون في حالة حزن العكس
يعني هنا الادراك كان من وراه الشعور عو ليتحكم فيه نتاع الشخص
يعني العوامل الداتية لشخص هي ليتتحكم في ادراكو للاشياء
ولميول ورغبات ووووو هدوا كامل عوامل داتية يتحكمو في الادراك
نزيدك ميثال انسان يكون يحب الادب ادراك نتاعو في هدي لمادة يكون جيد بصح يكون يكره مادة اخرى مثل رياضيات ادراكو يكون ناقص لهديك لمادة بسب الميول ورغبات وشعور نتاعو اتجاه هدي المادة وقسي على دالك في اي حاجة
المهم النضرية هدي تقول بالي الشعووور هو قوام الادراك

[سحر الالماس]

شكرااااااااااااااااااااااااااااا رابح كيما انا رايحة نحل مقالة تقول هل يمكن الفصل بين الاحساس و الادراك
الموقف الاول ندير العقليين +الحسيين
الموقف الثاني ندير الجشطالت وحدهم ولا ندير الظواهريين معاهم نحوس نكملها اليوم باش نحطها غدوا ان شاء الله

[رابح بن علي]

المشاركة الأصلية كتبت بواسطة بريق النور

شكرااااااااااااااااااااااااااااا رابح كيما انا رايحة نحل مقالة تقول هل يمكن الفصل بين الاحساس و الادراك
الموقف الاول ندير العقليين +الحسيين
الموقف الثاني ندير الجشطالت وحدهم ولا ندير الظواهريين معاهم نحوس نكملها اليوم باش نحطها غدوا ان شاء الله

ايه الموقف الثاني ديري الجيشطالت وضواهرين مع بعضاهم في مقالة نتاع هل يمكن التميز بين الاحساس والادراك ولموقف الاول كيما قلتي ديري العقلين ولحسين هوما لميزوووو وفصلووو بين الاحساس والادراك
لعفووووووو

[سحر الالماس]

ربي يحفظك رابح خلاص رايحة نحاول نكتب المقالة هذه و كشما نزيد نحتاج نلقاك هنا يخي ويلا منيش نديرونجي فيك و شكراااااااااااااااااا مرة ثانية

[رابح بن علي]

المشاركة الأصلية كتبت بواسطة بريق النور

ربي يحفظك رابح خلاص رايحة نحاول نكتب المقالة هذه و كشما نزيد نحتاج نلقاك هنا يخي ويلا منيش نديرونجي فيك و شكراااااااااااااااااا مرة ثانية

بربي ان شاء الله تالقيني نعاونك بالي نقدر متقلقيش اوك هههه لا والله هكا راني راجع
معاك خير نستفيد معاك مليح ربي يسهل ان شاء الله
بتوووفيق شوفي غير هديك نقطة لكانت خضرااا اعرفي بالي راني اون لاين وسقسي كيما تحبي
نجاوبك على واش نعرف اوك
بتوفييييييييق

[سحر الالماس]

اوووووووووووووكي بالتوفيق

[سحر الالماس]

هذه المقدمة شوفها وقلي رايك.
طرح المشكلة : ان الانسان هو الحيوان المدرك الوحيد كونه الذي يمتلك قدرات عليا كالدكاء و التذكر و الخيال بينما الاحساس وظيفة مشتركة لدى الانسان فذهب الفلاسفة الكلاسيكيين الى التمييز بين الاحساس و الادراك و الفصل بينهما لانهما مختلفين من حيث القيمة و الطبيعة اما علماء النفس المعاصرين فذهبوا عكس ذلك حيث جعلوا من الاحساس و الادراك وجهين مختلفين لوظيفة نفسية واحدة يستحيل الفصل بين اجزائها و هنا نجد انفسنا امام موقفين متناقضين و هو ما يدفعنا للتساءل , هل هناك فصل بين ما نحس به وما ندركه?

[سحر الالماس]

.......................................