حصريا محجوبة البرنوس لذييييذة لازم تدخلوا

amara30 · 2013-03-12, 16:38

اليوم حبيت نقدملكم محجوبة البرنوس .... لانو كاين بزاف ميعرفوهاش ... رغم ان مبدأها سهل خصوصا للي متعودة تعمل المحجوبة العادية واللي تعرف تعمل الفطير .... لكن اردت ان افصل قليلا للمبتدئات ....نبدا باسم الله

الحشو:

3 حبات بصل كبيرة

2 فلفل حار

4 ملاعق زيت

3 ملاعق طماطم مصبرة

ملعقة صغيرة سكر

توابل : ملح و فلفل اسود و راس الحانوت (توابل مشكلة ) وفلفل احمر حار للي تحب الحرارة

حوالي فنجان ماء

طريقة عمل الحشو:

قطعي نصف البصل رقيق والنصف الاخر اسكرفجيه (ابرشيه ناعم) + فلفل مقطع + ملح وتوابل + زيت + الماء واتركيها على نار هادئة حتى تذبل البصل قليلا وينشف الماء بعدها اضيفي الطماطم + السكر واتركيها تطبخ قليلا حوالي دقيقتين او اقل

هنا الحشوة جاهزة ضعيها جانبا حتى تبرد تماما وحضري كمية من الزيت في صحن لانك سحتاجينه لطهو المحجوبة

في الوقت الذي تحضرين فيه الحشوة ابدئي في تحضير العجينة لكي تربحي الوقت

العجينة

حوالي كيلو سميد رقيق من النوعية الجيدة و من الافضل تغربليه ...انا نكيل بعلبة الطماطم انتاع كيلو + ربع الكمية فرينة (طحين) + ملعقة الا ربع ملح واجمعيهم بماء دافىء واتركي العجينة قليلا حتى تتشرب حبيبات الدقيق الماء ثم ادلكيها جيدا بالماء حتى تتحصلي على عجينة ملساء ولينة كي تتحصلي على نتائج جيدة

ااكد على نوعية الدقيق لازم يكون ارطب وفيه العلك او كما يسميه البعض الخيط أي بمعنى الغلوتين

قسمي العجين اللى كريات بحجم حبة البيض اذا كانت الطاوة كبيرة اما اذا كانت صغيرة اعمليهم اقل ضعيهم في صينية مدهونة بالزيت وغطيهم بقطعة نايلون واذا كنتي في فصل الصيف غطيها بمنشفة مبللة ومعصورة

ملاحظة :

الكمية تكفي لشخصين

نحضر كل اللوازم من حشو وعجين وزيت وشمري على يديك ..بدى الصح

اشعلي النار تحت الطاوة وتكون نار ضئيلة جدا بحيث نار الوسط تكاد تنطفىء كي لا يحترق مجهودك ههههه

نفرد اول كرة باستعمال الزيت من اسفل ومن الفوق ورققيها قدر المستطاع واحمليها بيديك وواصلي في تمديدها حتى تصبح رقيقة كالشفاف ...انت وشطارتك .....

رشي الطاوة بالزيت وافتحيها فوقها ورشيها بالزيت ثم اتركيها ثواني حتى تنشف من الاسفل

ثم اقلبيها و مباشرة ضعي القليل من الحشو لا تكثري مسحة خفيفة وانصحك باستعمال اليد عند المسح هذا اسهل ولا تخافي لن تحترقي لان النار ضئيلة جدا

وبسرعة افردي الكرة الثانية وافتحيها كما فعلتي مع الاولى و افرديها فوق الحشو ثم رشيها بالزيت واقلبيها

هنا بعدما قلبتها مطهوة بدون ان تحترق

ثم ضعي عليها القليل من الحشو وافردي كرة اخرى وغطيها بها هكذا اعيدي نفس الخطوات قدرما تريدين...انا هنا عملت 6 او 7 طبقات وانت يمكنك ان تزيدي حتى 10 او اكثر

اطويها على الجوانب البيضاء حتى تطهى جيدا ثم لفيها في قطعة قماش لتحافظ على طراوتها وسخونتها ثم اعيدي نفس الخطوات مع برنوس آخر

وعند التقديم لفي كل برنوس على حدا وقطعي بالحجم الذي تريدين

وهاهي المحجوبة اللذيذة بين ايديكم هههههه

انتظر منكم الردود المشجعة خصوصا انني تعبت في تصويرها لاني وحدي ويديا مليانين زيت واضطريت ندخلهم في ساشيات باه نقدر نشد البرتابل ههههههه اااااااااااااااااااااااااااه تعبت ...ان شاء الله تعجبكم وتجربوها ممممممم حارة وبنينة

mounia hse · 2013-03-12, 17:01

يعطيك الصحة هايلة
نديروها في باتنة
راني سخفتالها مي ماقعدتش باش نديرها فرات ضرك ندي قسمتي مكلاه نديرها

linat · 2013-03-12, 17:07

هااااااااااااااااااايل يعطيك الصحة

amara30 · 2013-03-12, 17:10

اقتباس:

المشاركة الأصلية كتبت بواسطة mounia hse

يعطيك الصحة هايلة
نديروها في باتنة
راني سخفتالها مي ماقعدتش باش نديرها فرات ضرك ندي قسمتي مكلاه نديرها

الله يسلمك حنونة ...يحياولي ناس باتنة وهذه في خاطرك مكلاه تشقي روحك ههههههه

amara30 · 2013-03-12, 17:11

اقتباس:

المشاركة الأصلية كتبت بواسطة linat

هااااااااااااااااااايل يعطيك الصحة

الله يسلمك

scorpionoir · 2013-03-12, 17:58

قتلتيني علاه عليك انا نموت عليها مي كي نديرها مانكلش بزاف خصني يديرهالي واحد هههههههههه

أم ياسين الزهراء · 2013-03-12, 18:02

امممممممممممم سخفتيني شحال كانت ديرها عجوزتي

moslihe29 · 2013-03-12, 19:46

روعة حبيبتى ماشاء الله ورانى حاسنة عونك كيفى وحدك تبدعى وتصورى

amara30 · 2013-03-12, 22:55

اقتباس:

المشاركة الأصلية كتبت بواسطة scorpionoir

قتلتيني علاه عليك انا نموت عليها مي كي نديرها مانكلش بزاف خصني يديرهالي واحد هههههههههه

سامحيني الا محجوبتي راح تقتلك انحيها خير هههههههه تفضلي بصحتك

amara30 · 2013-03-12, 23:00

اقتباس:

المشاركة الأصلية كتبت بواسطة أم ياسين الزهراء

امممممممممممم سخفتيني شحال كانت ديرها عجوزتي

متسخفي ماوالو هاوليك الطبسي كولي قد ماتقدري بصحتك

amara30 · 2013-03-12, 23:05

اقتباس:

المشاركة الأصلية كتبت بواسطة moslihe29

روعة حبيبتى ماشاء الله ورانى حاسنة عونك كيفى وحدك تبدعى وتصورى

شكرا عزيزتي هذا من ذوقك وربي يكون في عوننا

amirati · 2013-03-12, 23:24

يشهو واش درتي فيا هههههه شكرا علي الطريقة

ام فريال · 2013-03-13, 06:55

ايييه محجوبة نتاع صاح ومن بسكرية حرة بكل صراحة هايلة ويعطيك الصحة

دعاء القلوب · 2013-03-13, 08:50

اممممممممممممممممممممم يعطيك الف صحة محجوبة وعليها لكلام سخفتني

إلهام07 · 2013-03-13, 09:11

والله أختي تسمحيلي ، في الأول حقرت الموضوع قلت ماشي حاجة جديدة من بعد دخلت من باب الفضول ولقيتها حاجة رووووعة و تشهي ماشاء الله
شكرا جزيلا على الوصفة وأكيج تستحق التجربة