مسكوتشو

آنثى آلمطر · 2014-09-29, 14:39

سلام لبنات وشراكم صفا

ممكن تعطوني لغوسات تاع المسكوتشو الي ناجحة

ome ishaq · 2014-09-29, 17:26

اختي جربي كيك نتاع ١٤ ملعقة للاخت أم أيمن بدون إضافة الكاكاو إلى المقادير صدقني يجي خفيف وزوقيها من الفوق بالمربى وذري عليها نواة كوكو وتاكليها بالصحة

آنثى آلمطر · 2014-09-29, 22:51

ممكن حنونتي تعطيني رابط

إلهام07 · 2014-09-29, 23:58

شوفي عزيزتي معظم الوصفات هنا ملاح بصح انا معتمدة نتاع ام رامي راهي في المدونة نتاعها تحححححححححححححفة

awam · 2014-10-11, 11:07

اقتباس:

المشاركة الأصلية كتبت بواسطة آنثى آلمطر

سلام لبنات وشراكم صفا

ممكن تعطوني لغوسات تاع المسكوتشو الي ناجحة

هاذي ماشي وصفة الموسكوتشو لقيتك في موضوع آخر تحوسي على وصفة قاطو الكوكسينال اختي هاكي الوصفة لقيتها في مطبخ ام منذر عن طريق غوغل المقادير لـ 24 حبة تقريبا: 250غ مارغرين 2 صفار بيض كاس ناقص شوية سكر ناعم 2/1 كاس زيت 1 ملعقة قهوة فانيليا 1 ملعقة قهوة خميرة حلوى 2 ملاعق حليب مجفف نصف كوب نشا فرينة التزيين شكلاطة سوداء مذوبة طلاء أبيض+ ملون ابيض او شكلاطة بيضاء مذوبة + ملون ابيض أنصاف جوز راح تلقيها مع الصور وحظ موفق في التطبيق

djimi70 · 2014-10-11, 14:20

مشكوووووووووووووووررررررررررررررررررة: 19:

آنثى آلمطر · 2014-10-13, 09:15

اقتباس:

المشاركة الأصلية كتبت بواسطة awam

هاذي ماشي وصفة الموسكوتشو لقيتك في موضوع آخر تحوسي على وصفة قاطو الكوكسينال اختي هاكي الوصفة لقيتها في مطبخ ام منذر عن طريق غوغل المقادير لـ 24 حبة تقريبا: 250غ مارغرين 2 صفار بيض كاس ناقص شوية سكر ناعم 2/1 كاس زيت 1 ملعقة قهوة فانيليا 1 ملعقة قهوة خميرة حلوى 2 ملاعق حليب مجفف نصف كوب نشا فرينة التزيين شكلاطة سوداء مذوبة طلاء أبيض+ ملون ابيض او شكلاطة بيضاء مذوبة + ملون ابيض أنصاف جوز راح تلقيها مع الصور وحظ موفق في التطبيق

مرسي على الوصفة حنونتي
ربي يخليك

malek firdaouss · 2014-10-13, 10:24

اختي جربي هاذي انا طيبتها ديما تجيني فووووووووووور
اربع بيضات متوسطين
100g سكر
كاس نصو زبدة و نصو زيت
كاس حليب
فاني
زوج باكيات ونص خميرة كيماوية
320g فرينة
التحضير
ضربي البيض مع السكر و زيدي الزبدة لي مخلطه مع الزيت بعد الحليب
بعد ديري الفرينة مع الفاني و الخميرة---انا درت بالباتور---
درتها في الفور 180درجة،مدة 25 دقيقة
و قطعتها و زينتها كي بردت

زينيها بالكونفيتير و النواة كوكو

و هذي صورتها

انشاءالله نكون افدتك

بشرى التيسمسيلتية · 2015-07-10, 04:48

حنونتي انا نستعمل وصفة ريحانة كمااال هي مغربية عندها مدونة تقدري تحوسي عليها في غوغل و جي هااايلة وخفيفة و الله تروح في نهارها حبة ما تبقاش ههههههه
كاس زيت الا ربع يعني ماشي معمر بزاف و 3 بيض و كاس سكر و خلطي بالخلاط اليدوي و لا الالي انا نخدم باليودوي و خلطي مليح وحد 5 دقائق هاكاك و من بعد زيدي كاس عصير ليمون و لا برتقال و مبشور الليمون و لا البرتقال ماشي ضروري و خلطي وفي الاخير خلطي 2 كيسان فرينة مع 2 باكيات خميرة الحلويات و حطيهم في الخليط و حركي و فرغي في سنيوة تكوني وجدتيها من قبل دهنتيها بالزبدة و الفرينة باش ما تلصقش و عليك التزيين معجون شاربات لي حبيتي والديا يحبوها هاكدا و انا ناكلها بالشيكولا جي بنينة صحاباتي قاع حبوها و ان شاء الله تعجبك الوصفة و طبقيها انا صراحة ملي درتها ما حبستهاش

ام ايمان16 · 2015-07-10, 12:48

يعطيكم الصحة