ورشة مفرش لمة الاحباب 2 ........ل sakura be ....بسم الله نبدأ - الصفحة 4

بيلسان11 · 2014-01-06, 10:13

اقتباس:

المشاركة الأصلية كتبت بواسطة Omrihem

يا جماعة مافهمتش كيفاه يلسقو لي كورني مع بعضاهم بليييييييييييييييييييييز

السلام عليكم اختي روحي للورشة الاولى تاع المفرش الصغير تلقاي الشرح , هو ليك الرابط,
https://www.djelfa.info/vb/showthread.php?t=1445785

Omrihem · 2014-01-06, 11:35

اقتباس:

المشاركة الأصلية كتبت بواسطة بيلسان11

السلام عليكم اختي روحي للورشة الاولى تاع المفرش الصغير تلقاي الشرح , هو ليك الرابط,
https://www.djelfa.info/vb/showthread.php?t=1445785

شكرا اختي راني شفت الشرح المشكل عندي مافهمتش الطريقة راسي تقفل راح نحاول نفهم بشوية

sakura be · 2014-01-06, 17:06

السلام عليكم ومساء الخير
اختي كهرمانة كنت رح نكتبلك رد باه نقلك على الخطا وراحت النت المهم راكي تداركتيه..
اختي ام ريهام يعطيك الصحة واهلا بيك معانا ...بالنسبة ربط الكورنيات الكل في البداية كانت عندهم صعوبة ركزي فقط ورح تفهمي ان شاء الله .
اختي سومة كل فراغ فيه 2 صدفات وراه ماكانش هاديك الملاحظة اللي في المفرش الصغير يعني كل الفراغات متشابهة .

أوتار* · 2014-01-06, 22:06

السلام عليكم البنات
راني نطبق في الجزء الأول وكي نخلصو نحط التطبيق على بالكم راني في صراع مع الوقت

souma.sousou · 2014-01-07, 13:42

شوفي اختي وينه تطبيق لي راه صح مانيش حابة نخدم ونعاود

Omrihem · 2014-01-07, 23:14

الاول هو الصحيح بين كل زوج صدفات تديري زوج.

souma.sousou · 2014-01-08, 08:43

اقتباس:

المشاركة الأصلية كتبت بواسطة omrihem

الاول هو الصحيح بين كل زوج صدفات تديري زوج.

مشكورة حبيبتي ربي يجازيك الف خير كنت في انتظار الرد باش نكمل العمل مشكورة

ام عبد الحق · 2014-01-08, 17:42

: 1:مساء لخير اخواتي ربي يعاونكم ويعطيكم الصحة على هذه الورشات التي نستفيد منها اليوم فقط وين بديت نعمل في مفرش لكن عندما اكمله اريد ان تعطوني الاخطاء التي وقعت فيها لاني مبتدئة لانه سيكون اول مفرش

Omrihem · 2014-01-08, 22:31

هذا المفرش تاعي كملتو بصح لي كورني ما همش صحاح مئة بالمئة اسم حيلي أختي sakura فوتهالي هذي المرة

kakpop · 2014-01-09, 01:11

يعطيك صحة خرجلك روعة

souma.sousou · 2014-01-09, 09:17

صباح النور والنشاط وين راكم الورشة راهي عيانة سسسسسسسسسسسسسسسااااااااااااااااااااااااااكوووووووو وووووووووورة وين هربتي الدنيا راهي راقدة رواحي وجيبي معاك سلاح ارض جو ,,,,,,,,,,,و ولا خليها عليا راني جبتلك السلاح والباقي عليك لي مخدمتش اعطيها بوحدة ,,,,,,,,,,,وهههههههههه متبديش بيا راني قريب نهبل الكورنيات محبوش يدخلو في راسي هاكي السلاح

sakura be · 2014-01-09, 11:22

اقتباس:

المشاركة الأصلية كتبت بواسطة ام عبد الحق

: 1:

مساء لخير اخواتي ربي يعاونكم ويعطيكم الصحة على هذه الورشات التي نستفيد منها اليوم فقط وين بديت نعمل في مفرش لكن عندما اكمله اريد ان تعطوني الاخطاء التي وقعت فيها لاني مبتدئة لانه سيكون اول مفرش

اهلا بيك ام عبد الحق ان شاء الله رح نتبعوك ونعلموك ونعاونوك انت فقط اطلبي ...موفقة

اقتباس:

المشاركة الأصلية كتبت بواسطة Omrihem

هذا المفرش تاعي كملتو بصح لي كورني ما همش صحاح مئة بالمئة اسم حيلي أختي sakura فوتهالي هذي المرة

ههههههههههه ام ريهام ماعليه رح نشوف بعين وحدة باه مانعلقش هههههه .راكي جبتيها يعطيك الصحة.
بصح راكي عارفة الخطا وين ...الكورنيات يجو اكبر باه مايجيش المركز كبير بلا فايدة ويكون كاين تناسق للشكل العام.
ويظهرلي ماربطتيش الكورنيات مع بعض ؟؟؟

اقتباس:

المشاركة الأصلية كتبت بواسطة souma.sousou

صباح النور والنشاط وين راكم الورشة راهي عيانة سسسسسسسسسسسسسسسااااااااااااااااااااااااااكوووووووو وووووووووورة وين هربتي الدنيا راهي راقدة رواحي وجيبي معاك سلاح ارض جو ,,,,,,,,,,,و ولا خليها عليا راني جبتلك السلاح والباقي عليك لي مخدمتش اعطيها بوحدة ,,,,,,,,,,,وهههههههههه متبديش بيا راني قريب نهبل الكورنيات محبوش يدخلو في راسي هاكي السلاح

صباح النور سومة.....هههههههههههههههه ياحبيبتي والله ماهربت ماوالو رح يخلاصلي الاشتراك وزيد النت عندي عيانة .
والبنات راهم راقدات ماعرف واقيلا جاهم السبات الشتوي هههههههههه نتمسخر برك كل وحدة وظروفها ..
والكورنيات وش مافهمتيش التجميع؟؟؟؟
انت اعملي وصوريلي وانا نوريلك على الخدمة نتاعك اوكي .
اولا اعملي وش نقلك بالترتيب:
1-اعملي كامل الكورني الاول بلون مغاير .(الصورة 1)

2-مري مباشرة لنهاية الكورني الثاني واعملي حشو (الصورة 2) هنا يطلعلك الكورني للفوق.

3-هاداك الكورني اللي طلع للفوق اعملي عليه اللون المغاير كامل (الصورة 3)

4-الكورني اللي بعدو تان دوري عليه كامل كيما الاول (هادا كورني هابط للاسفل ) مري دكا لنهاية الكورني الرابع واربطيه بغرزة حشو (يولي كورني للاعلى ) كيما الصورة .

اخدمي حتى هنا وصوريلي العمل نتاعك باه نكملك الشرح اوكي .
*شوفي كيما تخلصي هاد الخدمة اتاكدي وحدك لازم تلقاي الكورني الاول(عندو حاشية) للاسفل واللي بعدو (عندو حاشية)للاعلى الثالث(عندو حاشية) للاسفل والرابع(ماعندوش حاشية ) للاعلى .
*ونبهك لحاجة هنا البداية ولازم الكورنيات الاربعة ماشي لاصقين .
راني بسطتلك الشرح يلا وريني فحولتك ولا راني عندي السلاح ههههههه

اميرة باحتشامي · 2014-01-09, 15:57

اقتباس:

المشاركة الأصلية كتبت بواسطة sakura be

مسااااااااااااااااااء الخير
اختي كرونو يعطيك الصحة وتطبيقك ماشاء الله لكن كون شبحتي الخيط يكون احسن باه مايجيش مرخوف بزاف ونظن في الورشة السابقة كاين اخت رخفت الخيط وماجهاش 10/10..وانت وواش تحبي المهم الاسطر اللي جاية ماترخفيش يدك.
اختي اميرة باحتشامي تطبيقك جيد لكن عندي ملاحظة فقط راكي تعملي عمود زايد في بداية كل دور ماتعقبيش بمنزلقات لوسط الصدفات وعلاه ؟؟؟...
اخواتي اللي مازالهم رانا في الانتظار...
حبيت نقلكم النت عندي ضعيف ماقدرتش نحمل باقي الصور.

السلام عليكم

اسفة اختي ساكورا مي مافهمتش كيفاه نطلع من دور لدور اخر بلا ماندير عمود ؟؟؟؟؟؟؟؟؟؟؟ و كيفاه نعقب بمنزلقة طول تجي واسعة شوية ولا راني غالطة ؟؟

بيلسان11 · 2014-01-09, 20:04

اقتباس:

المشاركة الأصلية كتبت بواسطة اميرة باحتشامي

السلام عليكم

اسفة اختي ساكورا مي مافهمتش كيفاه نطلع من دور لدور اخر بلا ماندير عمود ؟؟؟؟؟؟؟؟؟؟؟ و كيفاه نعقب بمنزلقة طول تجي واسعة شوية ولا راني غالطة ؟؟

ديري غرزة حشو ماش منزلقة حتى توصلي وين حابة تديري الصدفة و اطلعي ب3 سلسلة و كملي عادي , حتى أنا درت نفس الغلطة تاعك جاني العمود اللي بالسلسلة بعيد على الصدفة و جا باين وليت عاودت الخدمة كاملة,

لحن الحياة. · 2014-01-10, 12:05

تطبيقات جميييييييييييييييييييييييييييييييييييييييييييييييي يييييلة