صديقتي تخطأ .... دبرو عليا

[مشكلتي]

سلام اخوتي
انا اليوم جيت نحكيلكم حاجة راهي دايرتلي عائق كبير في حياتي
المهم انا عندي 3 صحاباتي و كل الوقت كيف كيف نقراو كيف كيف و من الابتدائي و نحن مع بعض
مؤخرا و ملي طلعنا للجامعة وحدة منهم و لات تخبي علينا الامور لي ديرها لانها تعرف روحها غالطة و تخاف منا '' للعلم حنا هذا هوا عامنا الرابع في الجامعة''
المهم منذ شهر تقريبا اكتشفنا بلي صحبتنا تخرج مع واحد اكبر منها سنا كبير بزاف و باين في وجهو بلي تاع لعب يخدم سائق تع احدى الحافلات لي نروحو فيها ... المهم ملي سمعنا و حنا ديما ننصحوها و نضربو معاها لحقت حتى وين هددتها يا تحبس معاه يا تبعد علينا ... هي وعدتنا بلي خلاص بصح موافتش و زادت تغمقت اكثر في العلاقة و هو حاكي لكامل صحابو و ولينا اي حافلة نطلعو فيها يبقاو السائقين يتقربو منا حنا لي بقينا '' يعني حسبونا كيما هي ''
المهم حنا قررننا نبعدو عليها و منزيدوش نهدرو معاها
هل القرار لي ديناه صحيح او لا !!!

[مراد سابقا10]

هذا هو القرار الصحيح

ابتعدي عنها نهائيا وقاطعيها نهائيا

لكي لا قدر الله تورطك في عالمها القذر

[محمد جديدي التبسي]

انصحوها وخوفوها قولولها الشيء هذا حرام وراح يفسدلك سمعتك ويجعلها فالحضيض هذا بينكم بينها اما في الأماكن العامة تجنبوا التجمعات وكل واحد يلتهي بشيء ما كهاتف او كتاب
اذا رأيتم انها تابت وعادت لرشدها فالحمد لله ان بقيت على حالها اتركوها وشأنها وادعولها ربي يهديها.

[sohaibdz]

قيما قريت الموضوع و الله فرحت من قلبي الحمد لله مازالو كاينين بنات الفاميليا كيفكم مايرضاوش يشوفو المنكر

[siliine]

في مثل هده المواقف تظهر الصداقة الحقيقية فهي محتاجة لكم اكثر من اي وقت لانها في مشكل كبير ولو انها هي من وضعت نفسها فيه لكن رغم دلك اقوا معها حتى ترجع الى الصواب مدام هي معكم من فترة اضن ان معدنها صافي لكن شياطين الانس والجن يفعلون كل شئ فلا تتركوها تنزلق اكثر وربي يهدي الجميع الى جادة الطريق

[زايدي أمحمد]

انصحوها ونفس الوقت اهجروها

[kacimo.samy]

سلام
ما تخلوهاش تضيع ربي يعيشكم
حتى لو تصل بكم اخبرو والديها بدون كشف انفسكم

[المُعادلة الصّعبة]

لا ما تبعدوش
هي في النهايه قاعدة تضر في نفسها مش تضر فيكم انتم
لذلك ابقاوا معاها لعل تكون مرة من المرات هي سبب في هدايتها
واحتسبوا الاجر عند ربي
كونوا الصحبة الصالحة لها
ما تخليوهاش تزيد تضيع اكثر
ربما تكونوا انتم سبب في خروجها من هذه المتاهة
وادعيوا ليها بالهدايه لان الله هو الهاد

[Fifioo]

في حقيقة اختي هذا مشكل اصبحنا نراه في مجتمعنا و الحل هو تنقية جراثيم لكن مشكلة الابرياء هم ضحايا الجريمة في حقيقة هي غرتها الدنيا و صديقتكم مقربة يوجد حل لكنه صعب اما ان تخبروا امها و هي سترجعها للطريق صحيح و تعرف كيف تتصرف و تتوقف الفتاة عن فعل اشياء بالسر واكيد لن تتحدث معكم على اقل ستخسرونها و انتم تحمون شرفها و شرفكم بخصوص موقفكم انتم ابتعدوا عنها و عندما تصعدون حافلة تصرفوا دوما كانكن غاضبات و من يقترب منكن سيجزى و تصرفوا كانكم لم تروهم لكن اذا زاد الشيء عن حده فلا مانع باخبار عاءلة
و انا دوما افعل هذا و الحمد لله لم يقترب بي احد و انا في ثانوية الان و الحمد لله معروفة باخلاقي و قدوة للناس ^^ اتمنى ان تحل مشكلة

[زبدة ذايبة]

حاولو تعرفوا الأسباب اللي خلاتها تنحرف

ممكن يكون فيه شيء خلاها بهذا الشكل

ممكن هذا الذكر يحاول يبتزها

أو أنه يوهمها بالزواج

أو أنه يعطيلها الدراهم

حاولو تجلسو معاها جلسة مصارحة

وتفهموها جيدا

أذا تبين لكما أنها انحرفت لأنها تريد أن يكون لديها صاحب ..........

وأنه اقنعها بالزواج

أو أنها هي تعطيلو المال

يكون من الأحسن إبلاغ أهلها

مثلا : تقولي لأختها أنكم شفتوها تمشي مع ........ وشكيتو أنها تخطبت وخبات عليكم

من باب الاستفسار

بهذ الطريقة تكونو بلغتو أهلها بطريقة محترمة

حتى تحافظو على صديقتكم من هذ العلاقة الآثمة

التي هي ضحية فيها.

وماراكمش مضطرين تمشو معاها خلاص

علاقتكم بيها انتهت بعدما بدلت الطريق

حتى ترجع إلى صوابها وأخلاقها

الحمد لله أنه مازال في البنات أمثالكم

رب يوفقكم

[mina2004]

اول حاجة نحب نقولك نستعرف بيك اختي انت بنتفاميليا و متربية و تخافي ربك و صديقة وفية انما انا ننصحك انك تتركيها و تبتعدي عنها حتى لا تقعي في المشكلات و ادعي ربي يهديها ان شاء الله انت نصحتيها و درتي الواجب و الظاهر انو عاجبها الشيء و اذا انت مازلت مصممة على انك تساعديها فانا لقيتلك حل روحي اكتبي رسالة مطبوعة حتى لا يكشف خطك و اكتبي فيها كل شيء تعرفيه عن هاذي الطفلة و حطيها في برية اي رسالة ابعثيها مع شخص موثوق ماتعرفوش هادي الطفلة قوليلوا يصوني لباب الدار يحط الرسالة تحت باب دارهم و يهرب و هكذا تكوني بغت اهلها بطريقة غير مباشرة عن كل التصرفات اللااخلاقية اللي تقوم بيها هادي الطفلة و روحي عيشي حياتك عادي و كانك لم تتعرفي عليها .....

[رندة.]

نحييك لأنك محافظة على اخلاقك و ما خيبتيش ثقة اهلك فيك، وأنك خايفة على صديقتك وحابة تخرجيها من الحالة الي راهي فيها.
كيما قالولك الاعضاء ما تتخلاوش عليها راهي محتاجتكم في الفترة هاذي، أبقاو تنصحو فيها وهددوها إما ترجع كيما كانت بكري وتقطع علاقتها بسائق الحافلة أو أنكم تنهوا صداقتكم معاها وتخبروا أهلها بالشيء الي راهي تدير فيه لأنكم خايفين عليها من عواقب هاذي العلاقة، واذا كانت كيما قلتي عليها أنها كانت عاقلة بالتأكيد راح تخاف. وان شاء الله التهديد هذا يدير مفعوله وترجع لعقلها وتركز في قرايتها.

ربي يهديها ان شاء الله ويعينكم في نصحها.

[Amina Bil]

صحيح و ربي يهديها ان شاء الله

[سيرين راجي]

الفتاة تحتاج من ينصحها وياخذ يبيدها ولا تحتاج لمن يهرب منها لانها اخطات
علينا ان نعامل الناس كما نحب ان يعاملونا هي فالاول والاخير صديقتكم وانسانة مثل بقية البشر
وكل البشر يخطئون نصحها لايعني انكم تولوا كيفها لا تنصحوها وتظهرولها اخلاقكم الرفيعة وانوا الانسان الملتزم لا يكره الانسان الضال
لان الهداية بيد الله وحده احكولها على كاش وحدة كانت تمشي في مسارها وكانت نهايتها سيئة
حاولوا تنصحوها مازال لكن تكون العلاقة محدودة يعني ماتساندوها في افعالها ماتهجروها
الانسان المؤمن في قلبه خير لكن يحتاج الكلمة الطيبة ما يحتاجش الي يعايروا ويهرب منوا

[صفاءdz]

المشاركة الأصلية كتبت بواسطة مشكلتي

سلام اخوتي
انا اليوم جيت نحكيلكم حاجة راهي دايرتلي عائق كبير في حياتي
المهم انا عندي 3 صحاباتي و كل الوقت كيف كيف نقراو كيف كيف و من الابتدائي و نحن مع بعض
مؤخرا و ملي طلعنا للجامعة وحدة منهم و لات تخبي علينا الامور لي ديرها لانها تعرف روحها غالطة و تخاف منا '' للعلم حنا هذا هوا عامنا الرابع في الجامعة''
المهم منذ شهر تقريبا اكتشفنا بلي صحبتنا تخرج مع واحد اكبر منها سنا كبير بزاف و باين في وجهو بلي تاع لعب يخدم سائق تع احدى الحافلات لي نروحو فيها ... المهم ملي سمعنا و حنا ديما ننصحوها و نضربو معاها لحقت حتى وين هددتها يا تحبس معاه يا تبعد علينا ... هي وعدتنا بلي خلاص بصح موافتش و زادت تغمقت اكثر في العلاقة و هو حاكي لكامل صحابو و ولينا اي حافلة نطلعو فيها يبقاو السائقين يتقربو منا حنا لي بقينا '' يعني حسبونا كيما هي ''
المهم حنا قررننا نبعدو عليها و منزيدوش نهدرو معاها
هل القرار لي ديناه صحيح او لا !!!

أول حاجة راح نقولهالك هي البنت ملازمش
تخرج مع حتى واحد ماشي غير لي أكبر
منها بصح ننصحك نصيحة مدام هاذي صاحبتك
من بكري متخليهاش أقعدي معاها وانصحيها
وخليها ترجع كيما كانت ياك يقولو الصديق
وقت الضيق لازم ترجعها لطريق المستقيم
وإذا كانت تحبك راح تاخذ برايك ربي يهديها
ويحفظها من الذئاب البشرية