ماذا يحدث لي ساعدوني

[مشكلتي]

السلام عليكم
اخوتي منذ ولادتي بالتي والان عمره سبع شهور ولدي بنتان
وكتكاثرت عليا المسؤولية ولم اجد حل ابني يستيقظ يوميا في الليل وانا دائما متعبة وكارهة حاولت مرارا لأحد حل ولا فائدة حاولت ارتب منزلي واحدث بناتي للفائدة وخاصة زوجي هو السبب داءما ينتقدني كرهت منو أصبحت لا تحتمله دائما ينتقدني في اللبس وفي الطبخ وفي التنظيف كرهت حتى نفسي لم يعد لدينا وقت لاهتم بنفسي أصبحت اللامبالاة وهو كدالك حتى من الخرجة مش نخرج ولا بقوللي اخرجي تنفسي عاد مذابيا دائما في الدار كرهت من السيناريو نهاد ننظم روحي وتولي نرجع كيما كنت وزوجي يزيد يفشلني صدقوني كرهتو ماولببن نحملو خلاص عدات مذابيا نعقد وحدي وخلاص
ماذا يحدث لي وانا وحيدة في الغربة زد وعندي دار عمي هنا ولكن للحياة لمن تنادي
هو مسكر عليا كل شي لا خرجة ولا تنفاسة لا والو كل شي الا لالا حتى مع بناتو هك
حاولت نتكلم مع اهلو لم يحدث شئ
لم افهم مالذي يريد فعله

[FATIHA131]

ربي يفرج عليك
حاولي التغيير من اجلك انت
نظمي حياتك بشوية عليك
استعيني بالله هو وحده من يعينك لا تنتظري الاعانة من احد
صلي صلاتك في وقتها و اقرئي الورد اليومي من القران وباذن الله تفرج امورك
شوفي في اليوتيوب وكاين هنا في المنتدى دورات في قسم المنزل ومتطلباته جد مفيدة انظمي اليها وسوف تتحسن احوالك باذن الله

[زبدة ذايبة]

مشكلتك أنك حايفة أو أنك شاكة أن زوجك رايح يطلقك

آخر سطر من كتابتك يشير إلى هذا ضمنيا.

وحتى ترتاحي

ماتزيديش تحوسي عليه

أنت اخدمي شغلك بالشي اللي تقدري عليه

وبالطريقة اللي تعرفيها

ونحيه من راسك

المشكل اللي عندك ماراهوش مشكل شغل تاع الدار مالحقتيش عليه

المشكل في محاولتك إرضاء الزوج الذي في كل مرة ينتقدك

تروحي تجري تحسني من أدائك

وكلما حسنت كلما زاد انتقادو ليك

لهذا

انتبهي لنفسك وأولادك فقط .

المعاشرة بالمعروف

وزيد على هذا

إذا كان مايعجبو والو والله وتشعلي صباعتيك شمع مايرضاش

ماتزيديش على روحك

وماتخافيش من الشيء اللي راكي خايفة منو

خايفة يطلقك

أرمي حمولك على الله سبحانه وتعالى

واهتمي بنفسك وحسني منها

وماتخليهش يقنعك أنك سيئة وأنك ماتصلحيش

إذا حب يروح الله يسهل عليه

ماراكيش رايحة تربطيه بالسلاسل

عيشي لنفسك ولأولادك

إذا هداه رب وتسقم كان بها

وإذا كان عندو شوفة ثانية رب يسهل عليه

ماتقتليش روحك على جالو.

العشرة بالمعروف

[هـــدوء]

عزيزتي الرجل عادة يحب يحس روحو خير من مرتو .يقعد ينتقد و يهبط المعنويات بش يحس بالنشوة و بلي راه ديما لفوق .
و أنت عطيتيه الفرصة هذي كي أهملتي روحك و دارك .
حل مشكلتك بسيط. لازم تنظمي وقتك بين اولادك و نفسك و البيت أما زوجك خرجيه من البرنامج لفترة حتى تستعيدي ثقتك بنفسك و حيويتك .
ولدك لي يبكي في ليل . كي ينوض الصباح ماتخليهش يرقد العبي معاه و المساء ديريلو مساج زيت حتى يتعب و يرقدلك في ليل .
و طالما انك ماتخرجي ما تحوسي معناه عندك متسع من الوقت .اقعدي وجدي برنامج و بداي تنفذيه بالشوي.
و ماكيش الوحيدة لي عندها لولاد و شغل الدار .
الليل خصصيه ليك دوشي ولا ديري ماسكات لوجهك و لا شعرك ...المهم قلشي روحك.
و طيلة هذا الوقت راجلك خرجيه من راسك خليه يقول وش بغا و يدير وش بغى .اعتبريه غير موجود حتى توالفي الروتين التنظيمي الجديد .

[محمد جديدي التبسي]

وين تحطي روحك تلقي روحك يعني انت من تضعين مكانة لنفسك وعلى ذلك الاسأس يقيموك الناس
كي ديري قيمة لروحك زوجك سيلاحظ هذا التغيير وسيحترمك
أكثري من الذكر والاستغفار وقراءة القرآن يوميا وستتحسن نفسيتك وتتفائلي بالحياة اكثر استثمري في أبنائك فهم مستقبلك..ربي يوفقك

[رندة.]

كيما قالولك حاولي تخرجّي زوجك من دائرة اهتمامك حاليا. حاولي تنظمي روحك ووقتك. ادخلي لقسم المنزل فيه دورات تنظيمية للمرأة في مختلف المجالات بإذن الله تتحسن أمورك وتقدري تسيطري على بيتك وحياتك وترجعلك ثقتك في نفسك ومن ثم ثقة زوجك فيك.

[فايزة1207]

عندهم الحق الاعضاء خليه حب يقبل ولا يقعد قوليلوا لا يكلف الله نفسا الا وسعها عشت هاذ المرحلة اختي وكنت مانيش عارفة ليلي من نهاري لكن كبر صغيري وتغيرت حياتي ونظمت روحي وشوفي انت واش جابة ديري ماشي هو واش حب مع مراعاة مسؤولياتك اتجاهه راهي مرحلة وتفوت