انصحوني

[مشكلتي]

انصحوني انا مخطوبة لمدة ثلاث سنوات تاخر زفافنا لضروف مشكلتي مع خطيبي هي انه لايتفكرني فالاعياد والمناسبات حتى ولو بهدية بسيطة احسه دائما انه يستخصر فيا اي حاجة ودائما احاول ان اتنازل واقول معليش لكن في اخر مناسبة طلبت منه ان يعطيني مبلع بحدا دارنا مرة واحدة بش ميقولش حاقرني ومش مقيمني لكن تهرب واخترق مشاكل هادا كامل غير باش ميمدش لكن على اهله يصرف كامل شهريتو بالرفم انو خاوتو متزوجين وخدامين لكن انا نحسو ميحبش حتى يتفكرني ولو بشء بسيط بالرغم اني جامي قتلو وصبرت بزاف على جالتو

[فافا مينوشة]

اخرتي زواج في جال ميمدلكش دراهم ؟؟؟؟؟؟ ثلاث سنوات كن راكي بوليدك ولا بنتك
مخممتيش قلتي بلاك المخلوق شهريتو على قدو يوجد للعرس يخمم ويصرف على دراهم هديك حاجتو مدخليش روحك مكيش في دارو وفرط فيك لي تحاسبيه انعلي بليس وحددو موعد زواج وروحي تستري بركاونا من توافه نتاع مناسبات ومنا انتي راحة تبني حياة واسرة مشي امور شكليات علابيها الشباب اعزف عن زواج والله ربي يهدينا

[kaderr09]

السلام عليكم و رحمة الله و بركاته

لا حول و لا قوة إلا بالله

فلتعرفو دينكم

الخاطب و الخاطبة أجنبيان على بعضهما شرعا.

[sohaibdz]

مازلتي مارحتيش عندو و بديتي تحاسبي فيه على من يصرف دراهمو
انتي المشكل تاعك في الدراهم

[هـــدوء]

مازال ماكيش مرتو ما تطلبي منو دراهم ما تتوقعي يصرف عليك.لوكان جا عندو دراهم ماكنتيش تقعدي مخطوبة 3 سنوات.
الهدايا بين الخطيبين تدخل في العرف و العادات يعني مش قانون و لا شريعة .و اذا هو مش من عادتو يهدي غير انساي الموضوع.

[siliine]

هناك اشياء اخرى مهمة لازم ننظر ليها في الخاطب وهي الاخلاق التي اصبحت لاتقدر بثمن في وقتنا الحالي تخياي لو كان الخاطب دو اخلاق سيءة وياتي لكي بالهدايا هل سيعجبك الوضع

[زبدة ذايبة]

لو كان خليتي علاقتك بيه محدودة جدا

وما دخلتيش عليه بهذا الشكل

لدرجة أنه يحس نفسو أنه يبذر لما يجي يصرف عليك

الهدية في تقاليدنا باينة

نسميوها المهيبة وتجيبها أم الزوج في مناسبات معينة

وهذي هدية رسمية

حاولي ماتزيديش تقوليلو على الهدية ولا تطلبي الدراهم

ماتسحقيش ديري مسرحية قدام داركم باش يبان هذا الخاطب فحل

خليه على الطبيعة تاعو

على الأقل أهلك يقررو فيه ويقدر أبوك يحكم عليه من خلال مواقفه


كما أن خطيبك ممكن يكون يحس أنك طماعة ومادية على هذا اللي شد يدو عليك

أرفدي روحك عليه

وماتخليش تروح قيمتك قبل الزواج

فترة الخطبة الطويلة عندها مساوئ كثيرة

ثقلي روحك

وانسحبي منو

خففي الاتصال والكلام معه

وبطلي ماتفكريش في مسرحيات أمام أهلك لمخادعتهم بأن هذا الرجل هو أسد الرجال!!!!!!!!!!!!!

على الأقل تعرفيه إذا صح بخيل أو شيء ثاني

وخلي الأمور تمشي لتسريع الزواج

بالشكل اللي راكي فيه معاه راح يكره منك ويمل

بالابتعاد عنه رح تكوني عزيزة

وبالاستغناء عنه وعن هداياه رح يطمئن على جيبو منك.

[رندة.]

علاه احرجتيه وطلبتي منو دراهم قدام اهلك. كنتي قادرة تهدري معاه بينك بينو. الموقف الي درتيه كان غالط والاكيد انو ماعجبوش الحال علابيها ماعطالكش وقعد يتهرب كيما قلتي.
وبالنسبة لأهلو مالازمش تزعفي كي يعاونهم قبل الزواج او بعده. هاذو اهله كبّروه وتعبو عليه وعندهم حق عليه.
حاولو تستعجلو في الزواج، 3 سنين راكم طولتو.
ربي يوفقكم ان شاء الله

[FATIHA131]

غلطتي كي طلبتي الدراهم
ماتبيني قدام داركم بلي عزيزة ماوالو
جبتيها في روحك انا امراة واكره من يتكلم عن الماديات كثيرا ويطلب النقود فما بالك رجل انحسهم يستغلوني
كي تزوجي يبان الصح

[زعترة]

الطمع يفسد الطبع