هل أبوح بسرها لأخيها - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى الأسرة و المجتمع > منتدى المجتمع > قسم المشاكل الاجتماعية وحلولها


في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

هل أبوح بسرها لأخيها

إضافة رد
 
أدوات الموضوع انواع عرض الموضوع
قديم 2017-09-21, 16:59   رقم المشاركة : 1
معلومات العضو
oussama19 ESS
عضو مشارك
 
إحصائية العضو










افتراضي هل أبوح بسرها لأخيها

السلام عليكم و رحمة الله و بركاته ....أريد أن أستشير اصحاب الحكمة او اي واحد يقدر يفيدني ...
بسم الله .....ان عندي 18 سنة ... كي كنت نقرا السنة الثانية ثانوي كانت تقرى معايا طفلة ...نعرفها مليح تسكن قدامنا و نعرف الاب و الاخ تاعها و خوها كبير 22 سنة ..المهم نعرفهم مليح خوها كان يخدم معايا .....الطفلة هادي كيما تعرفو حالة البنات تاوعنا فالثانوية ...كانت مرتبطة معا واحد ( كانت تمشي معا واحد ) حوالي عامين السنة الاولى و الثانية . وكانت خلاطة بزاف . التيليفون .. الفيسبوك .. الخرجات ..بزاف صوالح ..المهم ديما نهدر معاها و نقولها اخطيك و منا وكون يسمع بويك ولا خوك ..ديما ننصح فيها ..( سما كي عدت نعرف عايلتها برك ) حتى وصلت لدرجة قريب نحوس نرتبط معاها ( قلت انا نمشي معاها انا خير ..خير من تمشي معا واحد و كشما يصرا ...يعني كنت غالط بصح هاذاك ما قدرت ندير ) المهم كي طلعنا للسنة الثالثة بدلت الثانوية و ارتبطت معا شاب واحد اخر ..انا قلت ما نزيدش نحوس عليها مره..

المشكلة في هاذوك السنوات تاع الثانوية ..جامي هدر معايا خوها عليها و لا يقولي واش كانت دير ...حتى هاد العام كي روحت نسجل ..روحت معا خوها هوا لي سجللها .المهم نعتلو كيفاه و كي خلصنا جينا مراوحين ...

قالي "" ختي ياخي كانت عاقلة فالثانوية "" انا ارتبكت و قلتلو وي كانت عاقلة زاد قالي "" كشما تسمع عليها و لا كشما كانت دير قولي ..ديرني ني خوك..والله مانسمحلك لا خبيت عليا""

و هاد العام هيا تقرا فالجامعة ..سما علابالي كون تكمل هكدا علابالي تروح حياتها

الان يا اخوتي يا اخواتي ..دلوني للقرار الصائب .
.( انا علابالي بكلش بواش كانت دير ) هل نهدر معاه و نقولو و ش كانت دير مع العلم انو صاحبي و بويو يعرفني سما ندير فيهم خير

ولا ما نهدرلو والو و نسكت و خلاص

افيدوني ارجوكم







 

رد مع اقتباس
مساحة إعلانية

قديم 2017-09-21, 17:08   رقم المشاركة : 2
معلومات العضو
mehdi_mascara
عضو مميّز
 
إحصائية العضو










افتراضي

لا حول و لا قوة إلا بالله ، معقدة جدا الوضعية ، يعني لو تقولو ممكن كاش ما يديرو فيها ممكن توصل لدرجة القتل و لا ،
و لو كان ما تقولش ممكن كاش ما تدير كاش حاجة تزيد تغضب ربي كثر و تضيع حياتها اك فاهم ،







رد مع اقتباس
قديم 2017-09-21, 17:15   رقم المشاركة : 3
معلومات العضو
mari23
عضو مميّز
 
إحصائية العضو










افتراضي

مادام راهي في الجامعة معاك رايح ننلاقاها حاول تفهمها بطريقة غير مباشرة ...اي وحدة صرالها هك و هك و تخدعت و blabla ... في الثنوية كانت صغيرة عقلها صغير دوكا جامعة كبارت تفهم دكا مليح و تقدر تحلل الامور و ان شاء الله يهديها ربي و تعقال و متحيرش والديها عليها







رد مع اقتباس
قديم 2018-02-01, 19:52   رقم المشاركة : 4
معلومات العضو
هـــدوء
عضو مشارك
 
الصورة الرمزية هـــدوء
 

 

 
إحصائية العضو










افتراضي

مليحة هاذي تاع تمشي معاك بش ماتمشيش مع واحد آخر؟! علاه لاخر عندو غريزة و شيطان و أنت ماعندكش ؟

الطفلة هاذي لو جات دايرة لخوها و لا باباها حساب كانت من لول تهني روحها خاصة و أنها عارفاتك عارف كلش و علاقتك بأهلها مقربة يعني على الأقل كانت تخاف تقولهم .

المهم إذا تعرف اخ الطفلة رزين يعني أقصى شي يحجبها في المنزل بلا ما يدير جريمة,خبرو بلا ما يعرف بلي انت .بش أولا تبقى علاقة الاحترام لي بينكم و ثانيا بش الطفلة ماديرلكش مشاكل مع صحابها خاصة و أنكم كلكم مراهقين.









رد مع اقتباس
قديم 2018-02-12, 15:05   رقم المشاركة : 5
معلومات العضو
عسجدة
عضو نشيط
 
إحصائية العضو










افتراضي

من رأي غير اسكت خير
وكن مواطن صالح لا تسمع لا تتكلم لا ترى
اللي فيه طبيعة والله ويقتلوه بالعصا
والضرب لا يتعظ .

خلاص مدام دخل في راسها خيط
التخلاط مراحش تتسڨم .

وجابلي ربي انت ثاني تحوس تمشي
معها نصيحتي اليك :
متديش فضلة غيرك .
اخطيك منها ومن افعالها ومتقول
حتى لواحد .
ربي يهديها رغم انني اعرف ان هذا
الجيل ميهديهش ربي لان شعاروا
في الحياة :

نعيش حياتي ونخلطها وعلابالي انني سأتزوج لان الشباب يحبون
الزواج بالفتاة الفاسدة .



سلام من قلب يحب السلام







رد مع اقتباس
قديم 2018-03-01, 13:31   رقم المشاركة : 6
معلومات العضو
سيرين راجي
عضو مشارك
 
إحصائية العضو










افتراضي

اتقي الله كيفاه تخبر عليها راك حاب يقتلها؟دير في بالك بلي تنقال الاخبار ماهوش مليح كاين واحد يسكن على حد بنت خالي هدر في طفلة
وحرم عليها الزواج كي راح يحج عمى الناس قاع شافت مكة وهو حتى ولا راجع باه ولى يشوف هذي قصة حقيقية ا
ذا كنت حاب الخير ابعثلها كاش وحدة تقولها خوك راه يعس فيك بلاك تبطل







رد مع اقتباس
قديم 2018-03-19, 08:16   رقم المشاركة : 7
معلومات العضو
أبو عبد الرحمان 1978
عضو مشارك
 
الصورة الرمزية أبو عبد الرحمان 1978
 

 

 
إحصائية العضو










افتراضي

لا حول ولا قوة الا بالله







رد مع اقتباس
قديم 2018-03-25, 13:02   رقم المشاركة : 8
معلومات العضو
om wafaa
عضو فعّال
 
الصورة الرمزية om wafaa
 

 

 
إحصائية العضو










افتراضي

ربي هو الستار كيف تجي انت وتفضحها انصحها اذا تقدر ولا بعد من جيهتها بش تتهن من تانيب الضمير مهم انت حوال تغير والله يسهل عليها خير من يصرلها حجة وتقول يندمتي







رد مع اقتباس
قديم 2018-04-04, 17:55   رقم المشاركة : 9
معلومات العضو
الفتاة السعيدة
عضو مميّز
 
الصورة الرمزية الفتاة السعيدة
 

 

 
إحصائية العضو










افتراضي

من.ستر.مسلما.ستره.الله







رد مع اقتباس
قديم 2018-04-06, 04:00   رقم المشاركة : 10
معلومات العضو
رشيد عبد الرحمان
عضو مشارك
 
إحصائية العضو










افتراضي

كيما خوها عزيز عليك

هي عزيزة على خوها

لذلك عليك أن تنصحها و تهددها في نفس الوقت

ترغيب وترهيب وإذا لم تسمع

عليك برمي الكرة على عايلتها

واختر من العائلة شخص عاقل لا يزيد الطين بلة

واحذر فأنا أعرف شخص قدم النصحيحة

لأم بأن بنتها "خلاطة" فأصبح الملام وقالت له

"أنا بنتي خاطيها " و أيضا "أنت واش دخلك"

لذلك بري ذمتك مع الله ومع خوها و هني روحك






رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 19:03

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2018 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright © 2018 vBulletin Solutions, Inc