ابنتي مسكينة ضعيفة بزاف 5شهر عاونوني لوجه الله

[rahil malak]

صحى فطوركم حباباتي اليوم ديت بنتي للفاكسان والي يشوفها يقولي قليلة بزااااف و صح ولادهم كامل ربي يبارك بصحتهم وشحال وحدة عمرها شهرين والله تبان اكثر منها و زيد وزنتها بعد ما درتلها الفاكسان لقيتها 4.5 كلغ نهار 5 جوان تقفل 5شهر والله حرت واش نديرلها هيا ترضع صدري برك

[feuilleblanche17]

السلام عليكم اختي...
دركا بنتك لازم تدخليها الاكل باه تزيد راه داخلة في السهر السادس
ديريلها فرينة بدون غلوتين و بتي سويس...و دخليلها الخضر بالتديج و كل واحظ على حدى و ماء الارز يكون طايب مليح...و زيديها فيتامينات
و دواء نقص الحديد

[paloma.laila]

3tiha takol lahlib wahdo wash yder derilha pure ta3 batata m3a lgar3a o ljazar omarra marra lhot sal9ih labyad o 3tiha o derilha pure ta3 tafa7 olijas ....hna rahom 3andna ydarbo lbatata whadha o atay wallahila tbarkallah gaddach .dak petit suisse o dak tkharbi9 blash

[أثيلة]

السلام عليكم ورحمة الله وبركاته
يااختي نصبحة خلي بنتك و حالها... قليلة لانو ترضع من صدرك حليب الام يعطي الصحة و حليب الباطا يسمنهم هدا واش كاين بالاكي تهتمي لكلامهم راهي عادية جدا ولادهم لي زايدين بزاف اوك اقتنعي
ادا راكي خايفة ممكن تديها لطبيب اطفال يشوفها حتى تتاكدي انها والو مابيها و تريحي بالك عليها
و درك دخليلها اكل حسب واش تعرفي فالموضوع هدا ماعنديش معلومات لاني عزباء لكن كيما قلتلك هي عادية لانو بنت اختي كانو يقولولها هكا و مااهتمتش بيهم
ربي يكبرها في حبكم و رعايتكم اختي
صح فطوركم