موضوع مميز وصفات من حراير مطبخ وش طيبتي اليوم - الصفحة 30 - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الأطباق الرئيسية

قسم الأطباق الرئيسية الأطباق الرئيسية حصرية لأعضاء المنتدى

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

وصفات من حراير مطبخ وش طيبتي اليوم

موضوع مغلق
 
أدوات الموضوع انواع عرض الموضوع
قديم 2013-12-01, 21:31   رقم المشاركة : 436
معلومات العضو
*عاشقة الجنة*
عضو محترف
 
الصورة الرمزية *عاشقة الجنة*
 

 

 
إحصائية العضو










افتراضي

alison dilaurentis

شكشوكة بالبيض




شوفي بما انو دركا البصل الاخضر هداك الطويل موجووود قطعي راس وحطي شوي زيت في المقلاة وحطي البصل +فلف

اسود ولوفاح +ملح +نصف ملعقة صغيرة طماطم ومغرفة هريسة ههههه وقليهم مليح ومبعدا كسري هكاك2 بيضات او بيضة

وحركي غير بالشوية وخليها تطيب ..اهم شيء انك متحركيش بزااااااف ...وشهية طيبة هه









 


قديم 2013-12-02, 09:53   رقم المشاركة : 437
معلومات العضو
أم إناس
عضو برونزي
 
الصورة الرمزية أم إناس
 

 

 
إحصائية العضو










افتراضي

وصفة ام محمد تاج
غراتان بالشوفلور بالكرام فراش




قراتان الشوفلور باللاكرام فراش مممممممم
مرقي مرقة بيضاء بشوي جاج وخليها تخثار حتان يولي عندك زوج كيسان مرقة واحد نحيه صفيه وزيديلو زوج مغارف فرينة ورديه يخثار كي يخثار ضيفيلو الفروماج روج كمية كبيرة ونص كاس كرام فراش ومعدنوس حسب أفراد العائلة يحبوه ولالالا وخلطي مليح حتان يتجانسو وخليه بجيهة
كي يطيب الشوفلور تاعك يعني غليتيه في شوي ملح أقليه بخلطة البيض والفرينة وأقلي معاه شوي باطاطا لا أولادك كيما ولادي مايحبوش الشوفلووور
ستفي البطاطا تاعك والشوفلور في صحن الفور وهذاك الجاج فتتيه عليهم ولوحي عليهم الكريمة لي خدمتيها وحطيها في الفور كي تحكم روحها أجبديها وبالشوي أسقيها بنص الكاس لي نحيتيه الثاني وعاودي رديها حتان تحمار مليح
اذا حابيتيها ماتجيكمش ناشفة كي تخرجيها كملي نص الكاس تاع المرقة لي بقى انا صراحة خليتها ناشفة كيعاد معاه الشوربة بصح لوكان وحدها راني كملت سقيتها باش نجوزو بيها










قديم 2013-12-02, 10:08   رقم المشاركة : 438
معلومات العضو
linat
عضو متألق
 
الصورة الرمزية linat
 

 

 
إحصائية العضو










افتراضي

اقتباس:
المشاركة الأصلية كتبت بواسطة أم إناس مشاهدة المشاركة
وصفة ام محمد تاج
غراتان بالشوفلور بالكرام فراش




قراتان الشوفلور باللاكرام فراش مممممممم
مرقي مرقة بيضاء بشوي جاج وخليها تخثار حتان يولي عندك زوج كيسان مرقة واحد نحيه صفيه وزيديلو زوج مغارف فرينة ورديه يخثار كي يخثار ضيفيلو الفروماج روج كمية كبيرة ونص كاس كرام فراش ومعدنوس حسب أفراد العائلة يحبوه ولالالا وخلطي مليح حتان يتجانسو وخليه بجيهة
كي يطيب الشوفلور تاعك يعني غليتيه في شوي ملح أقليه بخلطة البيض والفرينة وأقلي معاه شوي باطاطا لا أولادك كيما ولادي مايحبوش الشوفلووور
ستفي البطاطا تاعك والشوفلور في صحن الفور وهذاك الجاج فتتيه عليهم ولوحي عليهم الكريمة لي خدمتيها وحطيها في الفور كي تحكم روحها أجبديها وبالشوي أسقيها بنص الكاس لي نحيتيه الثاني وعاودي رديها حتان تحمار مليح
اذا حابيتيها ماتجيكمش ناشفة كي تخرجيها كملي نص الكاس تاع المرقة لي بقى انا صراحة خليتها ناشفة كيعاد معاه الشوربة بصح لوكان وحدها راني كملت سقيتها باش نجوزو بيها
يعطيك الصحة









قديم 2013-12-02, 14:29   رقم المشاركة : 439
معلومات العضو
om rahma
عضو مجتهـد
 
الصورة الرمزية om rahma
 

 

 
إحصائية العضو










افتراضي

touta2010

الفوندون
تفضلي
عبر ماء
ثلاث عبارات سكر
ثلاث قطرات قارص
ضعي الكل فوق نار لمدة عشرة دقاءق ثم نحيهم وطلعي بالباتور حتى تتحصلي على خليط ابيض
هدي الوصفة لستعملتها في لمونة الوهرانية وجات هايلة









قديم 2013-12-02, 21:48   رقم المشاركة : 440
معلومات العضو
*عاشقة الجنة*
عضو محترف
 
الصورة الرمزية *عاشقة الجنة*
 

 

 
إحصائية العضو










افتراضي

ilbeldelmondo

انحطها بالصور فيهم الكتابة و نزيد نشرحلك مع انه قراتا الفقاقير هههههه
في العادة نقلي واش بقى في الثلاجة الكل من كوسا جزر فلفل بذنجال طماطم بصل
هنا درت غير بطاطا و بصل
اللحم لي يتوفر ديريه و غير شوي يكفي
قطعي البطاطا مكعبات و اقليها
حمري اللحم المتوفر في زيت مع الملح و فلفل اسود
قطعي البصل شرائح و حمريه في الزين
خلطي ٣-٤ بيض مع فنجان حليب ملح فلفل موتارد ثوم خميرة كميائية و كريم فراش
و اذا عندك الكريمة السائلة احسن
قطعي الجبن الطري و خلطي كلش و ادهني مول الكيك بالزبدة و رشي شابلور
سخني الفرن ١٨٠ درجة
حطي الخليط في المول و طيبيه ٢٠ دقيقة و طفي و خليه يرتاح في الفرن سخون ٢٠ دقيقة اخرى باه يتماسك و شهية طيبة























قديم 2013-12-02, 21:52   رقم المشاركة : 441
معلومات العضو
*عاشقة الجنة*
عضو محترف
 
الصورة الرمزية *عاشقة الجنة*
 

 

 
إحصائية العضو










افتراضي

nour inasse

هذو راهم مسمنات برك و وحدة داخل وحدة درت بزااااف تقريبا 14 وحدة ولا أكثر ومبعدا تعسليهم وتقدميهم مع المكسرات والتاي











قديم 2013-12-02, 21:53   رقم المشاركة : 442
معلومات العضو
chez biba
عضو مميّز
 
الصورة الرمزية chez biba
 

 

 
الأوسمة
افضل تقرير ديكوري 
إحصائية العضو










افتراضي

السلام عليكم ورحمة الله وبركاته
يعطيكم الصحة لبنات على كل هاد الوصفات الرائعة، والله ما لحقت نشوف كل الصفحات.....
اليوم درت المونشون بصلصة الجبن











قديم 2013-12-03, 08:55   رقم المشاركة : 443
معلومات العضو
ساندي 28
عضو متألق
 
إحصائية العضو










افتراضي

ام محمد تاج
بوراك لاكرام فراش
قلي بصلة صغيرة مع شوي لحم مرحي وملح وفلفل أسود كي يطيبو لوحي عليهم شوي معدنوس وخليهم بجيهة
ومن جهة أخرى غلي حبة بطاطا وملحيها كي طيب صفيها مليح من الماء تاعها وأرحيها غير بالفرشيطة ضيفيلها أربع فرماجات ومعدنوس نموت عليه في البوراك وبيضة وملح وفلفل أسود ونص كاس كرام فراش راح يجيك الخليط جاري ماتخافيش ضيفيلو اللحم تاعك وحطيه في الثلاجة حتان يبرد مليح ويتماسك ومايش راح يتماسك بزاف ماتخلعيش كي يبرد حطي مقدار ثلاث مغارف من الحشو ولفي البوراكة تاعك وحطيها طيب وضرك كي طيب تحكم روحها لاكرام فراش ويصبح هكذا والله بنة هايلة وتغييير مممممم وماتنسايش القارص رووووعة مع لاكرام فراش










قديم 2013-12-03, 08:56   رقم المشاركة : 444
معلومات العضو
ساندي 28
عضو متألق
 
إحصائية العضو










افتراضي

ام محمد تاج
حقة جبتلكم البوتي فوور روووووعة هاي ليكم الوصفة
هي كيعاد باتيسري مدت كونتيتي كبيرة
400 غ فرينة
200 غ سكر قلاصي
500 غ مارقارين طرية
50 غ مايزينة
10 غ خميرة كيميائية
وفاني وسوريز كونفي
خلطو كيما العادة وطيبوه كيما العادة وزينوه بنص حبة سوريز كونفي من الفوق










قديم 2013-12-03, 15:24   رقم المشاركة : 445
معلومات العضو
احلام14
عضو مميّز
 
الصورة الرمزية احلام14
 

 

 
إحصائية العضو










افتراضي

امممممممم يعطيك الصحة ابعثلي شوية يشهي كفاه درتيه اعطينا لوصفة

اديييها كامل تحاسبك ان شاء الله برك تعجبك
ساهلة ماهلة
شفتي كي تجي تديري بيسكوي رولي
هكاك
درت زوج
طلعت 4 بيض مع رشة ملييح و لافاني طلعتهم ملييييييح و زدت 100 سكر طلعتهم ملييييييح اومباعد بديت نزيد في 150 فرينة
كي طابو قطعتهم بالمول تاع الشارلوت
السنيوة قطتعلي زوج
سما خرجولي 4
ايا حطيت الاولى فالمول و سقيتها بالعصير اللي جا مع الخوخ مصبر و درت الشونتيي و قطعت فيها شرحات تاع خوخ مصبر
كملت 3 طلقات لوخرين هكا
و البيسكوي اللي بقالي درتو في كيسان كيما شفتي










قديم 2013-12-03, 21:10   رقم المشاركة : 446
معلومات العضو
*عاشقة الجنة*
عضو محترف
 
الصورة الرمزية *عاشقة الجنة*
 

 

 
إحصائية العضو










افتراضي

tokio hotel

توست بالعجينة اليبانية

طوست بالعجينة اليبانية تحضر كما يلى
فى قصعة حطي 500غ فرينة م ك حليب غبرة و 3 مك سكر ممكن اقل ملح بيضة 2مك زبدة
فى كاسرونة كوب فرينة كوب ماء على النار مثل الشو و نخلط الكاس 200ملل ضفى هاء الخليط لخليط الموجود فى القصعة و نعجن ضفى مك خميرة الخبز و نص كاس ماء حوالى 100ملل لازم تراعى درجة حرارة العجينة عند اضافة الخميرة اعجنيها و خليها تخمر من بعد اطرحيها و روليها و حطيها فى المول خمريها و طيبى عادى فى القصعة تقدرو اديرو منها كرواسون و بتيبان










قديم 2013-12-03, 21:36   رقم المشاركة : 447
معلومات العضو
*عاشقة الجنة*
عضو محترف
 
الصورة الرمزية *عاشقة الجنة*
 

 

 
إحصائية العضو










افتراضي

aphrodite16

شارلووت بالخوخ



شفتي كي تجي تديري بيسكوي رولي
هكاك
درت زوج
طلعت 4 بيض مع رشة ملييح و لافاني طلعتهم ملييييييح و زدت 100 سكر طلعتهم ملييييييح اومباعد بديت نزيد في 150 فرينة
كي طابو قطعتهم بالمول تاع الشارلوت
السنيوة قطتعلي زوج
سما خرجولي 4
ايا حطيت الاولى فالمول و سقيتها بالعصير اللي جا مع الخوخ مصبر و درت الشونتيي و قطعت فيها شرحات تاع خوخ مصبر
كملت 3 طلقات لوخرين هكا
و البيسكوي اللي بقالي درتو في كيسان كيما شفتي

تحبي تديريها بكريمة الزبدة تان مليحة
مي انا نحب الشونتي بارسكو تجي خفيفة










قديم 2013-12-03, 21:58   رقم المشاركة : 448
معلومات العضو
*عاشقة الجنة*
عضو محترف
 
الصورة الرمزية *عاشقة الجنة*
 

 

 
إحصائية العضو










افتراضي

أم إناس

باتيسري ثلاث شكولاطه



ولا نقوم برحي بي سكوت مع شوي زبده مع قليل من القرفة نرحيهم مليح وندير هم في مول يتفتح من التحت وندخل هم الفرن مدى قصيره يعني تشوفيه تحمر من الفوق
وبعد تخرجيه من الفرن وتخليه يبرد
وبعد تحضير الموس خدمة لاشانتي وبعد قسمته على ثلاثة كل وحد في بول وبعد ذوبة شكولاطه البيضاء وبعد الشكولاطه حليب شكولاطة وبعد شكولاطه سوداء
خليت هم يبردو شوي وبعد كل وحد ضفته للشانتي ونخلط بالشوي وبعد تحصلت على ثلاث انواع موس بالشكولاطه
وبعد نأخذ المول لي فيه البسكوي نضيف موس بالشكولاطه السوداء. وبعد نضيف موس بالشكولاطه حليم وبعد نضيف موس بالشكولاطه بيضاء
وبعد ندخله الثلاجة ونخليه لمده ثلاث ساعات أوأكثر وبعد كي تحبي تقطعي الحلوة تاعك تأخذي موس وتخليه في الماء وبعد تمسحيه خفيف يعني مزال مشمخ وتقطيع القطعا تاعك وتقديمه و تزينيه كيم تحبي انا هذي طريقه سهل في عمل لاموس وكين عدة طرق










قديم 2013-12-04, 13:49   رقم المشاركة : 449
معلومات العضو
فايزة44
عضو مميّز
 
الصورة الرمزية فايزة44
 

 

 
إحصائية العضو










افتراضي

ام اناس

صح غداك اختي فايزة عند وصفة بوراك بالتونه
تأخذي بصلة مقطع مربعات صغار وديريهم في المقلى وتقليهم وبعد ضيفي التونه بعد ما تعصريه تديره مع البصلة وديري ملح وفلفل اسود و قرفه وبعد تضيفي معدنوس كميه مليح وبعد تكسري حبه بيض فيه وتخلطيهم مليح بعد ما طفيتي على النار وبعد دريه في ورق الديول وتقليهم
ان شاء الله تعجبك ألطريقه اختي










قديم 2013-12-04, 13:51   رقم المشاركة : 450
معلومات العضو
فايزة44
عضو مميّز
 
الصورة الرمزية فايزة44
 

 

 
إحصائية العضو










افتراضي

tokio hotel





اختى فايزة هاكى غراتان بالطون و الخضر بنين 3 حبات كل من بطاطا جزر و قرعة خضراءمبروشين فى الخشينة من بعد دبليهم فى مقلاة كل ولحد وحدو مع شوية زيت ملح وفلفل حفنة جلبانة مفورة علبة طن كل ما تكثرى مليح 3 مك كريمة3فرماجات 3 بيضات و بصلة مدبلة فى الزيت نخلط ككككككل شى وك الى الفرن و الا بقالك ابعتيلى شوية طن نموت عليه










موضوع مغلق

الكلمات الدلالية (Tags)
مطبخ, الدول, حراير, وصفات, طيبتى

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 02:29

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc