اولا اتمنى عيد مبارك و سعيد لكل اعضاء المنتدى, و لجميع المغتربين خاطر راهم يحسو بالغربة اكثر في هاذ المناسبات , و ربي يشفي جميع مرضانا و مرضى المسلمين .
بالنسبة لجزرة العيد انا صراحة خاطيني , ما نعرفش نقصها , و ما عنديش الجهد الكافي (بعيد الشر عليكم عندي مرض في يديا ما نقدرش نخدم الاعمال الشاقة) . كنت عند والديا الوالد ربي يحفظو و يطول عمرو هو اللي يقصها.
لكن هذا ما يمنعش اني ندير بوزلوف, و العصبانة. كي كنت في دار والديا كنت نتبع عادتهم بصح كي زوجت اختلف الامر, بحيث في دارنا نديرو نهار العيد شربة و حميص و سلايط و خبز الدار و شواء (les brochettes ) في الليل نزيدو الشواء. الثاني عيد سيرتنا نديرو كسكس بالكتف الايمن مفور ممممممم .و بوزلوف و العصبانة للمجمد حتان يفوت شوية العيد .
ذركا في داري او بالاحى بما انني نعيد اليوم الاول عند عجوزتي هوما سيرتهم يديرو شخشوخة و بولفاف. انا في الليل كي نروح لداري نقلي برك كبدة و ما معها و نهار الثاني عيد ما نراطيش لغدا في دارنا هههههه. ايام العيد الاولى نفوتوها غير les cotelettes و راجلي يحب الروطي , كي يكونو ضياف ساعة شخشوخة, شخشوخة الظفر, تريدة .انا في داري كيعاد غير انا و راجليو خدامة , تقريبا نخبي كلشي في المجمد و نجبد ب الشوية, حتى بوزلوف نداويه و نجمدو باش نهار كي نجبدو يكون بنين.
ما ننساوش جاجة مهمة و انا نموت عليها و هي الخليع , اكيد كاين اقسام اللي راح يتملحو و يشيخو و يتخباو. الكارثة بالنسبة للموظفات انو يومين انتاع العيد والله ما يكفيو لحتى حاجة لا تستقبلي ضيوف و لا تزوري عائلتك و لا تنحي خدمة الدار كيما حب خاطركو نهار الثالث عيد نروحو للخدمة قريب نموتو . تحية خاصة الى كل العاملات.
عمبالي اني طولت فالحكايات و عبرت على شعوري ما تلوموش عليا ههههه
عيد مبارك
( تقرير عن مشاركة سيئة )، و الموجودة أسفل كل مشاركة .
2014-09-29, 13:02
جزرة العيد
صباح الخير لحراير بماانو العيد قرب ان شاء الله نعيدوا بالصحة والهنا 
العرض العادي
